Matthew 7:3 - Yak'usda Ooghuni

³ Di ha nyulhutsin lhusyaz oona kꞌet diztan, ꞌi nilhꞌen, ꞌet hoontsꞌi ꞌaw tꞌeoonuzinzun nyunchꞌoh duchun cho nyuna kꞌet diztan?

Matthew 7:3 Iomraidhean Croise

Matthew 7:4

Ntsꞌenꞌa nyulhutsin ꞌudutánelh, ‘Nyuna kꞌeltsꞌut-i nyuna kꞌehanaóosꞌalh,’ ꞌinkꞌez nyunchꞌoh lhelcho-i nyuna kꞌet ꞌusꞌai-i ꞌaw lhnílhꞌen?

Matthew 7:5

Duba naꞌindzooꞌ! ꞋUdechoo lhelcho-i nyuna kꞌéltsꞌut-i, ꞌi cho nyuna kꞌéhanainꞌaih. ꞋEt de la soo whunilhꞌen whe oona kꞌéltsꞌut-i oona kꞌehanáyonꞌalh.

Luke 18:11

Ndun Pharisee ꞌen dichꞌoh usyin ꞌinkꞌez tenadudli whe njan ndutni, ‘Yakꞌusda musi nyudusni. ꞋAw ꞌuyoonne dune dúlhuztꞌoh. ꞋUyoonne eꞌwhuhalhtsꞌit sooniya be, ꞌenne ꞌaw tsꞌihꞌun lheꞌitꞌohne ꞌuhintꞌoh, ꞌinkꞌez tsꞌekoo kꞌus dunene bulh níntaꞌ ꞌutꞌihne. ꞋInkꞌez ndun sooniya ꞌilhunaoosꞌaih-un, ꞌen cha bundúlh uztꞌoh.

Romans 2:1

ꞋEt nyun ndi ꞌudustlꞌus kꞌuyailhduk soo cho dintsꞌo? Kꞌus mbe nohtoh dudulh dune ghu yalhduk-un tankꞌus ꞌúhutꞌen huwun, ꞌet nyunchꞌoh cha ꞌalha tankꞌus ꞌutꞌen. ꞋEt nyunchꞌoh cha khúyanalduk whe ꞌutni. Nyunchꞌoh cha whuz unꞌa za neꞌutꞌen.

Galatians 6:1

Sulhutsinke nohni Ndoni kꞌuneꞌ ꞌutꞌenne ꞌahtꞌoh, ꞌinkꞌez mbe la nohtoh lubeshi be ulhgooh-un, ꞌen nalhchoot. Nánilhtsul tsꞌihꞌun nenánulhtih. Nohnichꞌoh naꞌdunulhꞌen, doo ka sih nohni cha tankꞌus nóohtꞌi.