Matthew 7:28 - Yak'usda Ooghuni

²⁸ Jesus ndi khuni ye bubulh yailhduk, ꞌetsul ꞌudíja whe ꞌilhunaoosdilne buba hooncha.

Matthew 7:28 Iomraidhean Croise

Matthew 11:1

ꞋAwet Jesus whunizyane ꞌon ꞌat nane yugha hodulꞌehne, tsꞌiyantsuk ubudániꞌ-un ꞌetsul ꞌudija, ꞌinkꞌez bughu whínya. ꞋUtsꞌun keyoh tsꞌe whinya dune hodutilhꞌeh ꞌinkꞌez bubulh yatilhduk wheni.

Matthew 19:1

ꞋAwet ndi khuni Jesus ꞌi be bubulh yalhduk-un ꞌetsul ꞌudija whe Galilee yun kꞌut whuchꞌa nasja. Judea yun kꞌut Jordan koh ꞌon chꞌaz whuz oozya.

Matthew 22:33

ꞋEt ꞌilhunaoosdilne dahoontꞌoh huwun budaniꞌ whe tube buba hooncha.

Matthew 26:1

ꞋEt ꞌawet Jesus tsꞌiyantsuk ubudáni whe yugha hodulꞌehne ꞌet ndúbulhni,

Matthew 7:27

ꞋAwet nawhúnilhtan ꞌinkꞌez dutadiltꞌo. Nilhtsi ulhtus-i cha whudilhtsꞌut, yoh nawhúnitai, ꞌinkꞌez wheóonujut whe whuntistai.”

Matthew 7:29

Soo oobaꞌ hoontꞌoh-un kꞌunꞌa whubodalhꞌeꞌ. Moses be ꞌudustlꞌus kꞌut ꞌukꞌu nunáguzne, ꞌaw whuz unꞌa hubulhodílhꞌel.

Mark 1:22

Dune yudántsꞌone tube buba hooncha, soo oobaꞌ hoontꞌóh-un kꞌunꞌa whe dune whubodulhꞌeh, ꞌaw Moses be ꞌudustlꞌus ꞌukꞌu nunáguzne bukꞌunꞌa iloh ꞌutni.

Mark 11:18

ꞋEt lubret moodihne ꞌinkꞌez Moses be ꞌudustlꞌus ꞌukꞌu nunáguzne hodántsꞌo whe hizoolhghelh-un hukó nuta tube huyé nilhjoot tsꞌiyanne ꞌilhozdílne hubodulhꞌeh buba hooncha ꞌet huwa.

Mark 6:2

Nahulyis dzin ꞌet Lizwif bulugliz whubodulhꞌeh whe lhane dune ꞌet dilhtsꞌíne hidántsꞌo whe tube buba hooncha ꞌinkꞌez ꞌuhútni, “Ndun dune ntsꞌez de ha hónla whe ꞌutni? Whunih-i be ntsꞌez de ha hónla whe ꞌutni? Ntsꞌenꞌa ꞌutꞌen sdabe huwa ꞌítꞌen teneꞌútꞌen?

Luke 19:48

ꞋEt hoontsꞌi ꞌilhunaoosdilne, tsꞌiyawh hinat núdilhya ꞌinkꞌez soo cho huyoozílhtsꞌai. ꞋEt huwa ꞌaw nyoonne hizoolhghelh ꞌaitꞌoh.

Luke 2:47

Yuditsꞌone tube buba hooncha. Tsꞌiyantsuk tꞌewhunínzun ꞌinkꞌez tsꞌiyawh tsꞌihꞌun unꞌa ubúlhni.

Luke 4:22

Tsꞌiyanne soo highu yalhduk. Khuni unzoo-i ye yailhduk-i buba hooncha. Dichꞌoh ꞌulhodutni, “Ndun Joseph ooyeꞌ ꞌen iloh eh ꞌuntꞌoh?”

Luke 4:32

ꞋEt hubodulhꞌehne tube buba hooncha. Dughuni ookꞌuneꞌ ootꞌen kꞌunꞌa bubulh yalhduk.

Luke 7:1

ꞋEt dune Jesus yoozilhtsꞌaine ndet huwun ubúlhni-un, tsꞌiyawh lhaoodinla. ꞋInkꞌez keyoh Capernaum tsꞌe oozya.

John 7:15

ꞌinkꞌez daja ni la Lizwifne tube buba hooncha ꞌinkꞌez ꞌuhutni, “ꞋAw dune hodulꞌeh tsꞌe indaꞌ iloh, ꞌinkꞌez ntsꞌenꞌa stabe ꞌon nus lhat-un tꞌéwhunínzun?”

John 7:46

Neilhchúkne ꞌuhutni, “ꞋAw whutsodaꞌ ꞌuyoon dune ꞌen ndun dune kꞌunꞌa yalhulhduk.”