Matthew 7:25 - Yak'usda Ooghuni

²⁵ ꞋEt ꞌawet nawhúnilhtan ꞌinkꞌez ootadiltꞌo, ꞌi njan yoh whutꞌaiznai. Nilhtsi ulhtus-i cha whudilhtsꞌut. ꞋEt hoontsꞌi ꞌaw lhonotinꞌal, tse kꞌut whuzꞌai ꞌet huwa.

Matthew 7:25 Iomraidhean Croise

Matthew 16:18

ꞋInkꞌez nyudúsni, nyun Peter ꞌintꞌoh. ꞋEt ndi tse ꞌi kꞌut slugliz neootasꞌalh. Njan Kwuncho ulhtus-i yo tsꞌu haindilne, ꞌenne hoontsꞌi ꞌaw whuchꞌa hoolhdeh ꞌaitꞌoh.

Matthew 7:24

“ꞋEt huwa mbene la sghuni yoozilhtsꞌaine, ꞌinkꞌez daja dusni-un hukwꞌú neꞌhutꞌen, dune whunih-un duyoh tse kꞌut neooninꞌai, ꞌen kꞌunꞌa ꞌuhintꞌoh.

Matthew 7:26

ꞋEt hoontsꞌi mbe la sghuni yuditsꞌone ꞌinkꞌez ꞌaw hikꞌu nulheꞌustꞌen de, dune whusni-un sai kꞌut neooninꞌaih, leꞌ ꞌuntꞌoh.

Matthew 7:27

ꞋAwet nawhúnilhtan ꞌinkꞌez dutadiltꞌo. Nilhtsi ulhtus-i cha whudilhtsꞌut, yoh nawhúnitai, ꞌinkꞌez wheóonujut whe whuntistai.”

Acts 14:22

Yugha hodulꞌehne soo budzi ulhtus whe ndet la buba ꞌalha ꞌuhoontꞌoh-un whulh hóoyin bubuhulhtsi. “Lhat-un whe dzoh nutsꞌudeh de, ꞌaw ꞌet de za ntsꞌe Yakꞌusda whe lerwe unli-un dáztidulh,” hutni whe whubuhodulhꞌeh.

Ephesians 3:17

Be nebe ꞌalha ꞌuhoontꞌoh-i, ꞌi be Christ nohdzi yo whutitꞌelh. ꞋInkꞌez be nekꞌetsꞌinsiꞌ-i, ꞌi be yoh ookꞌu whuzꞌai-i, ooghih hoonli kꞌunꞌa dutsꞌo.

Colossians 2:7

ꞋEn be ꞌantsꞌi nohghih whuzdliꞌ leꞌ ꞌahtꞌoh, ꞌinkꞌez ꞌen be ulhtus sáhli. ꞋEt whuz unꞌa nohba ꞌalha ꞌuhoontꞌoh-un, ꞌen bulh ꞌilho oohleꞌ ha. ꞋEt whunanohodalhꞌeꞌ, ꞌet whe ꞌon nus ulhtusne tihle. ꞋEt huwa lhkꞌuz te musi dáhtni.

James 1:12

Mbe la óolhdzai-un, ꞌawhuz whulh usyin, ꞌen ꞌukꞌenus hoonzoo-un oogha whutaltsꞌulh. ꞋEn ꞌuntꞌoh ꞌilhiz ye khútinalh-un ooghá whuntꞌai. Whuchꞌaꞌ whunílhde-un, ꞌet cha oogha whútaltsꞌulh. Mbene la neMoodihti yukꞌensiꞌne, whuz unꞌa butsꞌún hoozi.

1 Peter 1:5

Nohni nohba ꞌalha ꞌuhoontꞌoh-un be Yakꞌusda ye ulhtus-i búghudli whe whéhudutijih-un huhootálhchulh. ꞋEt ꞌudekꞌez dzin de, yakꞌuz tsꞌe ꞌet neba whuzdla-i, ꞌi tsꞌiyawh tsꞌet ha óotikulh ꞌet wheni lhaóodintꞌoh.

1 Peter 1:7

ꞋEt whuz unꞌa whe nohba ꞌalha ꞌuhoontꞌoh-un, ꞌet nohba ꞌon nus hoonzoo tileh. Gold kwun ꞌi be ꞌuzooꞌ huyulhtsi, ꞌet whe soo tsꞌihꞌun oozai za lhih, ꞌet hoontsꞌi ꞌi cha hooloh tileh. Nohba ꞌalha ꞌuhoontꞌoh-un gold anus whudíztiꞌ wheꞌ hoontꞌoh. Whuz unꞌa za ndet dzin Jesus Christ nenalhtsꞌet be hóodiltsai de, ꞌet de bé nohba ꞌalha ꞌuhoontꞌoh-un huwa Jesus Christ nohba whudutálhtiꞌ, ꞌinkꞌez nohba hooncha tileh.

1 John 2:19

Netsꞌu ha hándil wheꞌ hintꞌoh ꞌet hoontsꞌi ꞌaw nebulh didowhne iloh ꞌuhintꞌoh. Nebulh didowhne ꞌuhintꞌoh de, nebulh za da ꞌuhootꞌeꞌ ooleꞌ. ꞋEt hoontsꞌi whehandil ꞌet huwa la tsꞌiyanne tꞌebunózin ꞌaw nebulh didowhne lhuhíloh.