Matthew 7:24 - Yak'usda Ooghuni

²⁴ “ꞋEt huwa mbene la sghuni yoozilhtsꞌaine, ꞌinkꞌez daja dusni-un hukwꞌú neꞌhutꞌen, dune whunih-un duyoh tse kꞌut neooninꞌai, ꞌen kꞌunꞌa ꞌuhintꞌoh.

Matthew 7:24 Iomraidhean Croise

Matthew 12:50

ꞋEt huwa sBá ꞌen yakꞌuz usda, yukꞌuneꞌ ꞌutꞌen-un, ꞌen sulhutsin, sulhtus, ꞌinkꞌez sloo ꞌuhintꞌoh!”

Matthew 16:18

ꞋInkꞌez nyudúsni, nyun Peter ꞌintꞌoh. ꞋEt ndi tse ꞌi kꞌut slugliz neootasꞌalh. Njan Kwuncho ulhtus-i yo tsꞌu haindilne, ꞌenne hoontsꞌi ꞌaw whuchꞌa hoolhdeh ꞌaitꞌoh.

Matthew 24:45

“Kꞌus mbe ꞌulhna-un tsꞌihꞌun ꞌuntꞌoh ꞌinkꞌez whunih-un ꞌuntꞌoh? Oomoodih dichꞌoh de ꞌulhna-un, ꞌonghohne de ꞌulhnane duyoh humoodih yutilhtselh. ꞋAwet ꞌet neooninzut de, ꞌonghohne hitiꞌulh-i bugha itaꞌalh.

Matthew 25:2

Kwulane, ꞌenne huwhunih ꞌinkꞌez kwulane, huwhusni.

Matthew 25:4

ꞋEt hoontsꞌi whunihne too dizkꞌun denáhitilhdzoh-i cha hutizdla.

Matthew 25:9

ꞋEt whunihne, ‘ꞋAwúndooh!’ hutni ‘Nohgha uznilhdzo de, nohni cha ꞌinkꞌez wheni cha ꞌaw neba soo lhéꞌiltsuk. ꞋEt hoontsꞌi ꞌeꞌóoket tsꞌe whuz ꞌahdulh, ꞌinkꞌez nohnichꞌoh oohket.’

Matthew 7:25

ꞋEt ꞌawet nawhúnilhtan ꞌinkꞌez ootadiltꞌo, ꞌi njan yoh whutꞌaiznai. Nilhtsi ulhtus-i cha whudilhtsꞌut. ꞋEt hoontsꞌi ꞌaw lhonotinꞌal, tse kꞌut whuzꞌai ꞌet huwa.

Matthew 7:26

ꞋEt hoontsꞌi mbe la sghuni yuditsꞌone ꞌinkꞌez ꞌaw hikꞌu nulheꞌustꞌen de, dune whusni-un sai kꞌut neooninꞌaih, leꞌ ꞌuntꞌoh.

Luke 11:28

ꞋEt hoontsꞌi Jesus ꞌuyulhni, “ꞋEt ꞌon nus hooncha-un ꞌuhoontꞌoh, mbe Yakꞌusda ooghuni yuditsꞌone ꞌinkꞌez yoontunne, ꞌukꞌenus hoonzoo-un bubulh ꞌuhooja!”

John 13:17

ꞋEt noheni be tꞌéwhunáhzun de daja nohdásniꞌ, ꞌinkꞌez danóhusdla la, ꞌet nohni cha whuz unꞌa ꞌahtꞌen de, ꞌet de tube hootáhtꞌeꞌ.

John 14:15

Nohni skꞌehsiꞌ de, ndi khuni nohtlꞌa dísdla-i ookꞌuneꞌ ꞌoohtꞌen.

John 15:10

SBá ntsꞌenꞌa la sba lhúhizyeꞌ ookꞌúneꞌ zustꞌen ꞌinkꞌez yé skꞌensiꞌ-i, ꞌi cha bulh ꞌístꞌeꞌ. ꞋEt whuz unꞌa za khuni nohtlꞌa disdla-i ookꞌúneꞌ ꞌahtꞌen de, ꞌet de la be nohkꞌesiꞌ-i, ꞌi bulh óohtꞌeꞌ.

John 15:14

ꞋInkꞌez khuni nohtlꞌa dísdla-i ookꞌúneꞌ ꞌahtꞌen de, ꞌet nohni syadanke ꞌahtꞌoh.

Romans 2:13

Mbene la Moses be ꞌudustlꞌus ꞌantsꞌet yoozílhtsꞌaine, ꞌaw Yakꞌusda ba tsꞌihꞌun lheꞌhítꞌoh. ꞋEt hoontsꞌi mbene la Moses be ꞌudustlꞌus hikꞌúneꞌ ꞌustꞌenne, ꞌenne nintaꞌhuntꞌen-un Yakꞌusda buba gak whutilhtselh.

1 John 2:3

Khuni netlꞌa idanꞌai-i ookꞌuneꞌtsꞌutꞌen de, ꞌet whuz unꞌa tꞌetsꞌonínzun ꞌi gha Jesus Christ tꞌezninzun.