Matthew 7:23 - Yak'usda Ooghuni

²³ Nduntꞌohne dune tsꞌiyawh budutásnelh, ‘ꞋAw tꞌenohnuzúszun. Schꞌa nasahdilh! Nohni ꞌaw ꞌukꞌu nulheꞌustꞌenne ꞌahtꞌoh!’”

Matthew 7:23 Iomraidhean Croise

Matthew 25:12

ꞋEt ndúbulhni, ‘ꞋAlhaꞌ ꞌaw tꞌenohnuzúszun!’

Matthew 25:41

ꞋEt ꞌawet ꞌintlꞌus tsꞌunkꞌus ꞌuntꞌohne njan ndubudutánelh, ‘Ndai la Yakꞌusda ye hunilchꞌe-i nohbulh ꞌuntꞌohne suhliꞌ! Schꞌa nasahdilh! Ndi kwun ꞌaw nalhnusne-i netsudule dulizasne te buba ꞌuhóolya-un, whuz ꞌahdulh!

Luke 13:25

ꞋEt ꞌilhoh whumoodih dudinya ꞌinkꞌez dati dánaidintan, ꞌaz nudulhya ꞌinkꞌez dati dunulhkwꞌuz ꞌinkꞌez ꞌudahni, ‘Moodihti, moodihti neba dáhaꞌ dintih!’ ꞋEt nohdóniꞌ, ‘ꞋAw tꞌenohnuzúszun ntsꞌez de háhdil.’

Luke 13:27

ꞋEt hoontsꞌi laꞌ dooniꞌ, ‘Nohdusni ntsꞌez de háhdil ꞌaw tꞌenohnuzúszun. Schꞌa nasahdilh! Tsꞌiyawh tankꞌus neꞌzahtꞌen!’

John 10:14

Si ꞌusbai ghunlí-un unzóo-un ꞌustꞌoh, mbene la uschꞌeꞌne tꞌebunúszun ꞌinkꞌez didut cha tꞌésonínzun.

2 Timothy 2:19

ꞋEt hoontsꞌi Yakꞌusda ooyoh ookꞌu whuzꞌai-i whudutsꞌo. ꞋAw gak hóleꞌ ꞌaitꞌoh. ꞋI kꞌut khuni ꞌukꞌeyánguz-i ndutni, “Mbene la neMoodihti oochꞌeꞌ unline, ꞌenne tsꞌiyawh tꞌebunínzun.” ꞋInkꞌez cha, “Mbene la ꞌuhutni, Christ ooduneꞌne tsinli de, ꞌenne ꞌutꞌen ꞌutsiꞌ-i tsꞌu níntꞌine, ꞌet ndoohoontꞌoh-un, ꞌet tsꞌiyawh whuchꞌaz náhoolyeh.”

Revelation 22:15

ꞋEt hoontsꞌi njan keyoh whuti yoo ꞌaz tsꞌe, ꞌet lhike ndultꞌohne, ꞌinkꞌez duyunne, dune kꞌus tsꞌekoo bulh níntaꞌ ꞌutꞌihne, neghane cha, ꞌinkꞌez ꞌukꞌeltsi tsꞌun tenadudline cha, ꞌinkꞌez mbene hoohóontꞌiꞌ whe huwhutsꞌitne, ꞌenne tsꞌiyawh yoo ꞌaz tsꞌe ꞌuhintꞌoh.