Matthew 7:21 - Yak'usda Ooghuni

²¹ “ꞋAw tsꞌiyanne, ‘SMoodihti, sMoodihti,’ sulhnine, ꞌaw yakꞌuz kꞌuneꞌ tsꞌuwhulꞌen-un whuz hutooyaꞌ ꞌaitꞌoh. Mbe la ꞌuBá butsꞌo hukwaꞌ ninzun tuneꞌ ꞌutꞌenne, ꞌenne za yakꞌuz tsꞌe hutidulh.

Matthew 7:21 Iomraidhean Croise

Matthew 12:50

ꞋEt huwa sBá ꞌen yakꞌuz usda, yukꞌuneꞌ ꞌutꞌen-un, ꞌen sulhutsin, sulhtus, ꞌinkꞌez sloo ꞌuhintꞌoh!”

Matthew 16:17

Jesus ꞌuyulhni, “Simon Jonah ooyeꞌ, ꞌukꞌenus hoonzoo-un nghá whultsꞌut! ꞋAw ndi yun kꞌut dune iloh nyunalhtsꞌet ha húhonꞌai. ꞋUBá yakꞌuz usda-un, nyunalhtsꞌet ha honꞌai.

Matthew 18:10

“ꞋEt ndunne tsꞌoodunne khun buka lheꞌnuzoohzin junih! ꞋAlhaꞌ bulizas yakꞌuz hudilhtsꞌi, ꞌenne bughu hinli ꞌinkꞌez SBá yakꞌuz usda-un bulizas ꞌahoolhyiz hinalh neꞌutꞌen.

Matthew 18:19

Doo cha za ꞌunohdusni, ndai ookwa oodutalhkut-i, nane kꞌus tane ndi yun kꞌut lhgha nohba sooꞌ hoontꞌoh de, yakꞌuz usda-un sBá, ꞌen nohba ꞌuwhutilelh.

Matthew 18:3

ꞋInkꞌez ꞌet ꞌúbulhni, “ꞋEt soo tsꞌihꞌun unꞌa nohdusni, ꞌaw ꞌutsꞌun unꞌa nalheꞌzahtne de, ꞌinkꞌez tsꞌoodunneyaz kꞌoh tsꞌe ꞌahtꞌoh nasahdliꞌ de, ꞌet de za yakꞌuz whulerwe unli-un whuz tihdulh.

Matthew 18:35

ꞋEt nohni cha nohulhutsinke nintaꞌhantꞌen de, ꞌinkꞌez nohdzi be ꞌaw buba whunalhodulhnoh de, ꞌet de sBá yakꞌuz usda-un, whuz unꞌa za ꞌaw nohba whunaoodoolnoh ꞌaitꞌoh.”

Matthew 19:24

Doo cha za ꞌunohdúsni, khuna ncha-i, camel huyulhni, ꞌi ooba howa whulnaꞌ whe ꞌughabátsulh oolatoh ookonínꞌa-un hukwa tílgwulh. ꞋEt hoontsꞌi whanus howa whulnaꞌ whe hoonzooꞌ ꞌuntꞌoh-un, ꞌen Yakꞌusda whe lerwe unli-un whuz datíyalh.”

Matthew 25:10

Whuz whehandil whe ꞌat titꞌelh-un bukꞌelhꞌo whusaínya. ꞋInkꞌez yuba lhadintꞌohne, naꞌhutitꞌulh tsꞌe huyúlh danindil, ꞌinkꞌez dati dánahidintan.

Matthew 25:21

ꞋEt oomoodih ndúyulhni, ‘Tube soo ꞌinja! Nyun tube ꞌinzoo. Whunilhchoh whe kꞌuneꞌ nyutisꞌen. Tube ꞌulhna-un unzoo-un inli. Hoontsool-unyaz whe kꞌuneꞌ nyutisꞌen inleꞌ. ꞋAndit nꞌun whe lhai ghu tanleh. ꞋAnih, nyumoodih ye hoontꞌiꞌ-i, nyun cha be hóotantꞌeꞌ.’

Matthew 26:39

ꞋOn ꞌunyaz le whinya whe ꞌet nachániti ꞌinkꞌez tenawhendunidli ꞌinkꞌez njan ndutni, “ꞋUBá ndi lubot be dzoh nutiszut-i, whuz unꞌa ꞌuntꞌoh de, whute senghóltsꞌit. ꞋEt hoontsꞌi ꞌaw si hukwaꞌ nuszun kꞌunꞌa iloh. Nyun hukwaꞌ ninzun hukwꞌunꞌa ꞌuhóneh.”

Matthew 26:42

ꞋEt doo cha za whulh nat bugho whe naja tenadutidli ha. ꞋEt njan ndutni, “ꞋUBá ndi lubot ꞌaw sghu naóolhchoot ꞌaitꞌoh, ꞌi tsꞌiyawh usnaiꞌ ꞌet de za. Whuz unꞌa za hukwaꞌ ninzun de, ꞌet ndó honeh.”

Mark 3:35

Mbene la Yakꞌusda kꞌúneꞌ ꞌutꞌen unli-un, ꞌen sulhutsin, sulhtus, ꞌinkꞌez sloo cha ꞌuhintꞌoh.”

Mark 9:47

ꞋInkꞌez nyuna ꞌi gha lubeshi ꞌinla de, ha nínꞌaih! Nyuna kꞌuz za ꞌintꞌi whe Yakꞌusda ookꞌúneꞌ whutꞌen-un whénya de, ꞌukꞌenus mba hootázooꞌ. Lhchꞌaz nyuna bulh kwuncho yo tsꞌe whényuhano de, ꞌukꞌenus mba hootátsiꞌ, whuz kwun nalhnusnoh whe ꞌuntꞌoh.

Luke 11:28

ꞋEt hoontsꞌi Jesus ꞌuyulhni, “ꞋEt ꞌon nus hooncha-un ꞌuhoontꞌoh, mbe Yakꞌusda ooghuni yuditsꞌone ꞌinkꞌez yoontunne, ꞌukꞌenus hoonzoo-un bubulh ꞌuhooja!”

Luke 13:25

ꞋEt ꞌilhoh whumoodih dudinya ꞌinkꞌez dati dánaidintan, ꞌaz nudulhya ꞌinkꞌez dati dunulhkwꞌuz ꞌinkꞌez ꞌudahni, ‘Moodihti, moodihti neba dáhaꞌ dintih!’ ꞋEt nohdóniꞌ, ‘ꞋAw tꞌenohnuzúszun ntsꞌez de háhdil.’

Luke 18:25

ꞋEt khuna ncha-i, camel huyulhni, ꞌi ooba howa lhuhoolnaꞌ whe ughabatsulh oolatoh ookonínꞌa-un hukwutilgwulh. ꞋEt whanus howa whulnaꞌ whe hoonzooꞌ ꞌuntꞌoh-un Yakꞌusda lerwe unli-un datíyalh.”

Luke 6:46

“ꞋInkꞌez di ha ‘SMoodihti, sMoodihti,’ sudahni, ꞌinkꞌez daja nohdusni la, ꞌaw húkwꞌu nulheꞌzahtꞌen?

John 14:7

Si tꞌésunahzun inleꞌ de, ꞌet sBá cha daꞌ tꞌenóhzin ooleꞌ. ꞋEt ꞌandit whútsꞌun, ꞌen ꞌawet tꞌenahzun ꞌinkꞌez ahꞌen cha ꞌáhja.”

John 15:23

Mbene la stsꞌu dutníne, sBá ꞌen cha hitsꞌu dutni whe ꞌuhintꞌoh.

John 3:5

ꞋEt Jesus uyúlhni, “Soo tsꞌihꞌun unꞌa nyudúsni, dune too ꞌinkꞌez Ndoni be cha whuzdli de, ꞌet de za ntsꞌe la dune Yakꞌusda bulerwe unline ꞌet ꞌaw dahóoya ꞌaitꞌoh.

John 5:17

ꞋEt hoontsꞌi Jesus ubúlhni, “SBá ꞌahoolhyiz ꞌutꞌen, ꞌinka si cha ꞌustꞌen.”

John 6:40

Mbene la Yakꞌusda ooYeꞌ tꞌeinínzunne ꞌinkꞌez ꞌen buba ꞌalhaꞌ ꞌuyintꞌohne, ꞌilhiz wheni huye khúna-i hitátꞌelh ꞌinkꞌez ꞌudekꞌez dzin de ꞌenne dunabudutásdlelh. Ndun whuz de sútilhꞌaꞌ-un njan ꞌet hukwaꞌ ninzun ꞌet huwa,” ubúlhni.

John 7:17

Mbene la Yakꞌusda yukꞌúneꞌtitꞌen hukwaꞌ ninzunne, ꞌenne la tꞌehonózin, ndi khuni Yakꞌusda ootsꞌu ha idiltsꞌut-i ꞌuntꞌoh, kꞌus sichꞌoh sghuni be tilah yasduk, ꞌet la tꞌehonózin.

Acts 14:22

Yugha hodulꞌehne soo budzi ulhtus whe ndet la buba ꞌalha ꞌuhoontꞌoh-un whulh hóoyin bubuhulhtsi. “Lhat-un whe dzoh nutsꞌudeh de, ꞌaw ꞌet de za ntsꞌe Yakꞌusda whe lerwe unli-un dáztidulh,” hutni whe whubuhodulhꞌeh.

Romans 12:2

ꞋInkꞌez dune ꞌandit dzin dahíntꞌoh bubun dóhtꞌeꞌ hukwa oohtꞌen junih. ꞋEt kꞌus ꞌandit noheni ꞌutsꞌun unꞌa naꞌahleh. ꞋEt nduhtꞌen de, ꞌet la tꞌéwhunóhzin ndet la Yakꞌusda nohtsꞌu húkwaꞌ ninzun-un. Yakꞌusda be ꞌutꞌen kꞌoh tsꞌiyawh hoonzoo, tsꞌiyanne ba hoonzoo, ꞌinkꞌez tsꞌihꞌun unꞌa ꞌuhoontꞌoh.

Romans 2:13

Mbene la Moses be ꞌudustlꞌus ꞌantsꞌet yoozílhtsꞌaine, ꞌaw Yakꞌusda ba tsꞌihꞌun lheꞌhítꞌoh. ꞋEt hoontsꞌi mbene la Moses be ꞌudustlꞌus hikꞌúneꞌ ꞌustꞌenne, ꞌenne nintaꞌhuntꞌen-un Yakꞌusda buba gak whutilhtselh.

Ephesians 6:6

Nohmoodih nohnilhꞌen whe ꞌahcha naꞌdudulhꞌi de, ꞌet whuz unꞌa ndahtꞌen iloh, kꞌus Christ be ꞌulhnane suhliꞌ whe ndet Yakꞌusda nohtsꞌu hukwaꞌ ninzun-un, ꞌet hukwꞌunꞌa oohtꞌen.

Colossians 4:12

Epaphras ꞌen cha nohbulh ꞌilhoghun ꞌuntꞌoh, ꞌinkꞌez hadih nohúlhni. Christ ooba ꞌulhna ꞌuntꞌoh. Soo kꞌus hooncha whe nohba tenadudli. ꞋEt whe Yakꞌusda nohtsꞌun hukwaꞌ ninzun-un, tsꞌihꞌun unꞌa ꞌen ba nudútalhyalh ꞌinkꞌez lhadúlyane cha tihleh.

1 Thessalonians 4:3

ꞋEt Yakꞌusda ba ꞌudun nenohninlane, lhghu lhdúlhtsꞌi whe lhulh nintaꞌoohtꞌen junih, ꞌet whuz unꞌa Yakꞌusda nohba hukwaꞌ ninzun.

1 Thessalonians 5:18

Tsꞌiyantsuk whe musi dahni. Jesus Christ ꞌen gha ꞌet whuz unꞌa Yakꞌusda nohtsꞌu hukwaꞌ ninzun ꞌet huwa.

Titus 1:16

Nduntꞌohne, “Yakꞌusda tꞌeznínzun,” hutni, ꞌet hoontsꞌi dude ꞌutꞌen be hichꞌaz ditni. ꞋEnne butsꞌu hoontsiꞌne hinli, ꞌinkꞌez dichꞌoh kꞌuneꞌ hutitꞌen-un ꞌet za hukwaꞌ huninzun. ꞋEt ꞌutꞌen unzoo-i ꞌuhutilhꞌelh-un, ꞌaw huba soo lheꞌhildzooꞌ wheꞌ hintꞌoh.

Hebrews 13:21

Yakꞌusda ookꞌuneꞌ ootꞌen nohoolhtselh whe nohba tenadutisdli. ꞋEt whe Yakꞌusda ntsꞌenꞌa nohtsꞌu hukwaꞌ ninzun-un, ꞌet tsꞌiyawh ooba ꞌoohooleh. ꞋInkꞌez ndai Yakꞌusda Jesus Christ be ꞌet nohba ꞌuwhulhꞌen-un, ꞌet ꞌuhóonla de, ꞌet whunílhcho whe hootátꞌeꞌ. ꞋEn za ꞌilhiz wheni ooba tsꞌodólhtiꞌ. ꞋEt ndo honeh.

Hebrews 4:6

Mbene la ndi khuni unzoo-i ꞌudechoo yudántsꞌone, ꞌenne ꞌaw ꞌoh daꞌ hikꞌú nulheꞌitꞌel. ꞋEt huwa ndet la nalyis-un, ꞌet ꞌaw dalhihiyal. ꞋEt hoontsꞌi whulohne, ꞌenne ꞌawhuz bugha whútaltsꞌulh wheꞌ hoontꞌoh.

James 1:22

Yakꞌusda ooghuni daja ni la, whuz unꞌa ookꞌuneꞌ oohtꞌen. ꞋAntsꞌi oozúlhtsꞌai iloh. ꞋEt ndahtꞌen de, nohnichꞌoh naꞌdunahtꞌah whé ꞌahtꞌen.

1 Peter 2:15

ꞋEt whuz unꞌa Yakꞌusda hukwaꞌ ninzun-un, tsꞌihꞌun unꞌa neꞌahtꞌen de, ꞌi be whusni be yalhdukne buze whudánaꞌdohꞌalh.

1 Peter 4:2

ꞋAndit whutsꞌun ndi yun kꞌut dutaltsꞌilh, ꞌaw ꞌuyoonne bukꞌunꞌa lubeshi tsꞌúlhtsꞌunoostꞌi. ꞋEt kꞌus Yakꞌusda netsꞌo hukwaꞌ ninzun hukwꞌunꞌa za tsꞌukhoonaꞌ hubaꞌ hoontꞌoh.

Revelation 2:27

Nduntꞌoh-un lhuztih tuz be ꞌusbai kꞌunꞌa butso nutíyalh ꞌinkꞌez lhentlꞌus oosaꞌ ꞌi kꞌunꞌa yanúbutiyuz. Whuz unꞌa ꞌet bughu tisdleh. SBá si cha whuz unꞌa stlꞌa hónꞌai.

Revelation 22:14

Mbene la yughuni kꞌuneꞌ ꞌutꞌenne, ꞌenne ꞌukꞌenus hoonzoo-un bugha whútaltsꞌulh. Ndi duchun oogha khútna-i, ꞌinkꞌez njan keyoh whuti whudati-un dahútidulh-un, ꞌenne za bughá whuntꞌai wheꞌ hoontꞌoh.

Revelation 3:5

Mbene la ꞌutꞌen untsiꞌ-i chꞌaꞌ ꞌulhdehne, naih ꞌulhyul-i be húdutaltsꞌilh. Ndi ꞌilhiz tsꞌukhuna-i be ꞌudustlꞌus kꞌut, ꞌaw bubooziꞌ ꞌukꞌu natoosges ꞌaitꞌoh. SBá ꞌinkꞌez oolizas bulh ꞌenne bubut ꞌenne schꞌeꞌne hinli budutásnelh.