Matthew 7:13 - Yak'usda Ooghuni

¹³ “Datíh hoondat-un ꞌet hukohdilh. Datíh ꞌinkꞌez ti hoontel-un, ꞌet kwuncho yo tsꞌu ti ꞌuhoontꞌoh ꞌinkꞌez lhane whuz whedilh.

Matthew 7:13 Iomraidhean Croise

Genesis 6:12

ꞋEt Yakꞌusda (Elohim) njan yun kꞌut ꞌet whunilhꞌen whe ꞌalha tube nintaꞌwhuntꞌen. Dunene, ꞌenne tsꞌiyawh soo tsꞌihꞌun ꞌantsꞌi halhjut leꞌ hintꞌoh suliꞌ.

Genesis 6:5

ꞋEt Moodihti (Yahweh) bunilhꞌen ndi yun kꞌut dune huye untsiꞌ tube ncha suliꞌ. Tsꞌiyawh ꞌahoolhyiz wheni ndune bubeni untsiꞌ, ꞌet whunilhꞌen.

Matthew 23:13

ꞋEt hoontsꞌi nohni Moses be ꞌudustlꞌus ꞌukꞌu nunáguzne nohni Phariseene cha, duba naꞌudzooꞌne ꞌahtꞌoh! Dawhultsiꞌ-un ꞌet nohtsꞌu hóoltsꞌulh. Lerwe yakꞌuz usda-un, ꞌet whudáti dune chꞌa dánaꞌ dihtan. Nohnichꞌoh daóohyaꞌ ꞌaitꞌoh. ꞋInkꞌez mbene la whuz ꞌudulhne, ꞌenne cha ꞌaw dábohlelh ꞌaitꞌoh.

Matthew 25:41

ꞋEt ꞌawet ꞌintlꞌus tsꞌunkꞌus ꞌuntꞌohne njan ndubudutánelh, ‘Ndai la Yakꞌusda ye hunilchꞌe-i nohbulh ꞌuntꞌohne suhliꞌ! Schꞌa nasahdilh! Ndi kwun ꞌaw nalhnusne-i netsudule dulizasne te buba ꞌuhóolya-un, whuz ꞌahdulh!

Matthew 25:46

ꞋEt nduntꞌohne, ꞌilhiz wheni dzoh nuhutideh tsꞌe hutidulh. ꞋEt hoontsꞌi tsꞌihꞌun ꞌuntꞌohne, ꞌilhiz whe tsꞌukhuna-un bugha óotakulh.”

Matthew 3:2

ꞋEt ꞌubulhni, “Noheni náhandunoohleh. Yakꞌuz kꞌuneꞌ whulꞌen-un nohtoh ꞌutitꞌelh-un, ꞌawet nilhdukw.”

Matthew 3:8

Whute lubeshi chꞌa noheni nahandunoohleh de, ndahtꞌen-un tsꞌiyanne tꞌehonózin ndahtꞌoh la,

Matthew 7:14

Datí-un hoondat ꞌinkꞌez ti ꞌilhiz be tsꞌukhuna-un ꞌet howa whulnaꞌ wheꞌ hoontꞌoh ꞌet huwa. ꞋAw lhane iloh nahuhóoꞌaih.”

Luke 14:33

ꞋEt huwa nohni nohtoh ꞌilhone ꞌahli whe, tsꞌiyawh ahtꞌi-i, ꞌaw oolalhduzahni de, ꞌaw sgha hodilꞌeꞌne oohleꞌ ꞌaitꞌoh.

Luke 9:33

ꞋEt hukwꞌelhꞌaz highu natisiꞌ whe Peter Jesus ꞌuyulhni, “Nemoodih neba hoonzoo njan uzdilhtsꞌi. Tat-un whutꞌah ꞌutsꞌoohooleh. ꞋIlhoghun nyun mba, ꞌilhoghun Moses ba, ꞌinkꞌez ꞌilhoghun Elijah ba.” Peter daja daniꞌ ꞌaw tꞌeoonuszun.

John 10:9

Si datí ꞌustꞌoh. Mbene la si sgha daníndilne, ꞌenne tsꞌiyawh hudutijih. Dahúnindil ꞌinkꞌez whuz ꞌaz whe hándil de, tlꞌo kꞌut nahuhootáꞌalh.

John 14:6

ꞋEt Jesus ꞌuyulhni, “Si yakꞌuz ti ꞌustꞌoh, khuni ꞌalhaꞌ ꞌuntꞌoh-i usdli, ꞌinkꞌez ꞌilhiz wheni be tsꞌukhuna-i, ꞌi cha usdli. ꞋAw ꞌilhoghun hoontsꞌi sBá yutsꞌun tóoyaꞌ ꞌaítꞌoh, si sgha za ꞌet ndótinelh.

Acts 3:19

ꞋEt huwa noheni nahandunahle ꞌinkꞌez Yakꞌusda ootsꞌu nálhyeh, ꞌawet de za la nohlubeshi nohunáyóolhdeh.

Romans 9:22

ꞋEt whuz unꞌa Yakꞌusda lhelhyoone whe lhelhtsꞌun unꞌa buba ꞌuhóonla. Whulohne bulubeshi gha Yakꞌusda kwuncho yo tsꞌe whébule, dichꞌoh khaná huwhutꞌalh huwaꞌ bulhꞌih. Saꞌ buba sulhꞌi ꞌet hoontsꞌi dzoh nubutilhdzut. ꞋEnne bugha Yakꞌusda dáltus tsꞌiyanne tꞌéhontázin, ꞌinkꞌez dalcho-i be lubeshi yutsꞌu dutni, ꞌet cha tsꞌiyawh tꞌehontázin.

2 Corinthians 4:4

Ooba ꞌalhaꞌ lheꞌhóotꞌohne ꞌuhintꞌoh. ꞋInkꞌez ndi yun kꞌut whuyakꞌusda, dudeni be lhuhoos̱ꞌen ꞌubulhtsi. ꞋEt whula gha tsꞌe Christ ooghuni unzoo-i yé diztiꞌ-i, Christ, ꞌen Yakꞌusda kꞌéguz-i, ndai la ootsꞌu há yanduz-i dudeni be lhuhoos̱ꞌenne doo ka si dudedodi huninzun.

2 Corinthians 6:17

ꞋInka neMoodihti netsꞌu náhizya whe ndutni, “Nohni ꞌenne butoh tsꞌu ha náhdilh ꞌinkꞌez buchꞌoh ꞌahtꞌoh. Tsun unli-i, ꞌi ootꞌa óohnalh junih, ꞌet de nohitáschulh.

Galatians 5:24

ꞋInkꞌez mbene Christ oochꞌeꞌ unline, ꞌet dáhoontꞌoh neyustꞌe lubeshi tsꞌu nintꞌi, ꞌet ꞌantsꞌi lubeshi tsꞌuznintꞌi-un leꞌ tsꞌintꞌoh, ꞌet tsꞌiyawh tulalhgus ꞌutsꞌodunilhtꞌo.

Philippians 3:19

Ooba ꞌalhaꞌ lheꞌhootꞌohne nintaꞌhutitꞌelh. Bubut ꞌi buba Yakꞌusda unli. Ndi yun kꞌut yooya tsꞌiyawh hiyulh ꞌuntꞌoh ꞌinkꞌez ꞌi za hiba whudílhtiꞌ. Ndi yun kꞌut hoonli-i, ꞌi za ghu nuni hunudeh.

1 John 5:19

Wheni Yakꞌusda bulh ꞌútsꞌintꞌoh tꞌetsꞌoninzun. ꞋInkꞌez ndi yun kꞌut whutꞌenne, ntsiꞌ-un tsꞌiyawh kꞌúneꞌ bulꞌen.

Revelation 12:9

ꞋInkꞌez ndi tlꞌughus cho khuna-i kꞌunꞌa núlget-i ncha-un, ꞌen téhinino. Ndi ꞌudaꞌ whutlꞌughus, netsudule ꞌinkꞌez Satan huyulhni. Ndi yun kꞌut ndulcho whe dune nanaꞌah-un, ꞌen ꞌuntꞌoh. Oolizas tubulh ndi yun kꞌébuhuninyoot.

Revelation 13:8

ꞋInkꞌez ndi yun kꞌut dilhtsꞌine, ꞌenne tsꞌiyawh ndi khuna-iti ntsiꞌ-i hitsꞌun teniꞌ huntilhdzilh. Ndun ꞌusbaiyaz ꞌudechoo ndi yun ꞌuhóolya whutsꞌun ꞌudaꞌ lháoodintꞌoh hizilhghi, ꞌenne ndi ꞌilhiz ꞌinkꞌez ꞌilhiz wheni tsꞌukhuna-un be ꞌudustlꞌus kꞌut bubooziꞌ ꞌukꞌu lhíguzne, ꞌenne ꞌuhintꞌoh.

Revelation 20:15

ꞋInkꞌez mbene la tsꞌukhuna-i ꞌudustlꞌus kꞌut bubooziꞌ ꞌukꞌu lhíguzne, ꞌenne tsꞌiyawh ndi kwun bunghun dulcho-i ꞌet tsú buhudalhdil.

Revelation 20:3

Tsa kꞌet whucho whutlꞌah hooloh-un, ꞌet ꞌayano ꞌinkꞌez yuchꞌaz dánaꞌ dinꞌai ꞌinkꞌez whudánaꞌdilhdze. ꞋEt whuz unꞌa 1,000 yus kꞌut lhaóodutaneh ꞌet whutsꞌun, ndi yun kꞌut ndulcho whe lhelhdoh didohne dune ꞌaw ꞌon ꞌun nabunooꞌah ꞌaitꞌoh ꞌinka. ꞋEt hoontsꞌi ꞌet hukwꞌelhꞌaz de ꞌatsulyaz hila nadootnih hubaꞌ hoontꞌoh.