Matthew 7:11 - Yak'usda Ooghuni

¹¹ Nohni lubeshi ꞌulhꞌenne ꞌahli, ꞌet hoontsꞌi tꞌeoonahzun unzoo-i nohuzke gha tíhꞌalh. Dáwhulcho-i be ꞌon nus ndo yakꞌuz nohBá yoodulhkutne, unzoo-i bugha tiꞌalh.

Matthew 7:11 Iomraidhean Croise

Genesis 6:5

ꞋEt Moodihti (Yahweh) bunilhꞌen ndi yun kꞌut dune huye untsiꞌ tube ncha suliꞌ. Tsꞌiyawh ꞌahoolhyiz wheni ndune bubeni untsiꞌ, ꞌet whunilhꞌen.

Genesis 8:21

ꞋEt Moodihti (Yahweh) ndi sooltsun-i yunahoolhtsun. ꞋInkꞌez Moodihti (Yahweh) didutchꞌoh dudzi yo ꞌutni, “ꞋAw ꞌon ꞌat ndi yun dune gha ꞌaw ookꞌehoosyih ꞌaitꞌoh. Dahintꞌoh la dune budzi ntsiꞌ hintsool whutsꞌun, ꞌet hoontsꞌi ꞌaw doo cha ꞌon ꞌat khuna-i ndi yun kꞌut gak hooselh ꞌaitꞌoh.

Matthew 23:9

Ndi yun kꞌut ꞌantsꞌi ꞌohne ‘ꞌubá’ budohneꞌ junih. ꞋAw ꞌilhoghun za nohBá unli ꞌet huwa, Yakꞌuz usda-un, ꞌen ꞌuntꞌoh.

Matthew 7:10

Kꞌus lho yutsꞌu ha ꞌutni de, ꞌaw ꞌi kꞌet tlꞌughus yugha óotꞌelh ꞌaitꞌoh.

John 3:16

Yakꞌusda ndi yun kꞌut dunene bukꞌensiꞌ kꞌet ꞌaw ꞌilhoghun duYeꞌ ꞌen bugha ínilhti. Mbene la ꞌen ghun ooba ꞌalhaꞌ yintꞌohne ꞌaw dalhótisa, ꞌilhiz wheni huhutinalh.

Romans 3:19

ꞋAlhaꞌ tꞌetsꞌonínzun Moses be ꞌudustlꞌus hikꞌúneꞌ ꞌutꞌenne ꞌudustlꞌus daja ni la, tsꞌiyawh hikꞌúneꞌ ootꞌen hubaꞌ hoontꞌoh. ꞋEt whula gha tsꞌe tsꞌiyanne Yakꞌusda hibut neníndil de, lubeshi ꞌuhulhꞌen tꞌéhonínzun, ꞌet huwa ꞌaw hoonli ꞌuhudooniꞌ ꞌaítꞌoh.

Romans 3:9

Wheni Lizwifne ꞌudun yun kꞌut whutꞌenne buba nus sóo tsꞌinzoo ninzun eh? ꞋAw whuz unꞌa lheꞌhóotꞌoh! ꞋUdaꞌ whúnyunistan nahúltꞌoh Lizwif ꞌinkꞌez ꞌudun yun kꞌut whutꞌenne lubeshi ꞌulhꞌenne ꞌuhintꞌoh. ꞋEt huwa Yakꞌusda buba nahutiyeh.

Romans 8:32

ꞋAw Yakꞌusda duYeꞌ buchꞌa lhúyootun whe neba datítsah wheni butlꞌa yálhti. ꞋEt Yakꞌusda neba ꞌedúja de, ꞌet duYeꞌ bulh ꞌet hóontꞌiꞌ whe tsꞌiyaitsuk negha tílelh.

Galatians 3:22

ꞋEt hoontsꞌi Yakꞌusda ooghuni ndutni, tsꞌiyanne dune lubeshi bulh ꞌuhintꞌoh inleꞌ. ꞋEt ndi ye butsꞌu náhizya-i, ꞌi mbe Jesus Christ buba ꞌalhaꞌ yintꞌohne, ꞌaw ꞌenne za bugha whútakulh.

James 1:17

NeBá, ꞌen yakꞌuz be hootꞌen-i tsꞌiyawh ꞌuyinla. Ndi be hootꞌen-i whuloh te ꞌutsꞌun unꞌa naꞌutꞌih ꞌinkꞌez tsawhúsꞌih leꞌ whulhꞌih. NeBá ꞌaw nawh huninizun-un unli iloh. ꞋEt huwa dai la ndus de negha nukat-i unzoo ꞌinkꞌez soo tsꞌihꞌun ꞌuntꞌoh, ꞌi tsꞌiyawh ꞌen za tsꞌu ha whúkat wheꞌ hoontꞌoh.

1 John 3:1

Dalcho-i be neBá nekꞌensiꞌ-un negha óoninꞌai, Yakꞌusda dichꞌoh ꞌuneúlhni buzkeh ꞌutsꞌintꞌoh soo cho whunulhꞌen. ꞋEt huwa ndi yun kꞌut whutꞌenne tꞌenehunúszun, didut ꞌaw tꞌehinúszun ꞌet huwa.

1 John 4:10

Njan nduwhutni, wheni Yakꞌusda ookꞌelhtsꞌísiꞌ inleꞌ, ꞌet hoontsꞌi nekꞌensiꞌ ꞌinkꞌez duYeꞌ whusayálhꞌaꞌ nelubeshi kꞌelha datitsa ha. ꞋI be soo cho netsꞌu naítatꞌen.