Matthew 6:9 - Yak'usda Ooghuni

⁹ ꞋInka ndiz unꞌa tenadoohdli, ‘NeBá yakꞌuz sinda. Nyooziꞌ dótiꞌ.

Matthew 6:9 Iomraidhean Croise

Matthew 10:29

ꞋAlhaꞌ iloh lakw nanki ꞌuchas, ꞌilho sooniya tsꞌuditiꞌ-i, ꞌet ꞌultsuk ꞌi be oohket? A, ꞌalha ꞌuhoontꞌoh. NeBá ꞌaw hukwa lheꞌnizun de, ꞌilhoghun ndi yun kꞌut naooltsꞌit ꞌaitꞌoh.

Matthew 23:9

Ndi yun kꞌut ꞌantsꞌi ꞌohne ‘ꞌubá’ budohneꞌ junih. ꞋAw ꞌilhoghun za nohBá unli ꞌet huwa, Yakꞌuz usda-un, ꞌen ꞌuntꞌoh.

Matthew 26:29

Njan ꞌet nohdusni, ndi mai tooꞌ ꞌaw doo cha za oosnaiꞌ ꞌaitꞌoh. Mai tooꞌ ꞌandidi-i, ꞌuBá lerwe unli-un, ꞌet whuz oozahdil-un, ꞌet dzin nohbulh tisnelh.”

Matthew 26:42

ꞋEt doo cha za whulh nat bugho whe naja tenadutidli ha. ꞋEt njan ndutni, “ꞋUBá ndi lubot ꞌaw sghu naóolhchoot ꞌaitꞌoh, ꞌi tsꞌiyawh usnaiꞌ ꞌet de za. Whuz unꞌa za hukwaꞌ ninzun de, ꞌet ndó honeh.”

Matthew 5:16

Dune ba be hootꞌen-i ꞌahli. ꞋI be nohꞌeꞌutꞌen unzoo-i dune huyuntilhꞌelh ꞌinkꞌez nohBá yakꞌuz usda-un hidutálhtiꞌ.”

Matthew 5:48

ꞋEt huwa nohBá yakꞌuz usda-un, ꞌen dantꞌoh whe tsꞌihꞌun ꞌuntꞌoh, ꞌet nohni cha whuz unꞌa za oohtꞌeꞌ hubaꞌ hoontꞌoh.”

Matthew 6:14

ꞋEt dune nohdulhyoh néꞌhutꞌen de, ꞌinkꞌez buba whunaoodúlhnoh de, ꞌet de nohBá yakꞌuz usda-un, ꞌen cha nohba whunaoodutilnoh.

Matthew 6:6

Tenadutihdli de, nohnichꞌoh whahtꞌi-un, dati dánadihtan whe tenadoohdli. NohBá lhistꞌen-un, tsꞌiyawh nohnilhꞌen, didutchꞌoh tsꞌiyanne nalh nohba ꞌukꞌelha whutilhtselh.

Matthew 7:11

Nohni lubeshi ꞌulhꞌenne ꞌahli, ꞌet hoontsꞌi tꞌeoonahzun unzoo-i nohuzke gha tíhꞌalh. Dáwhulcho-i be ꞌon nus ndo yakꞌuz nohBá yoodulhkutne, unzoo-i bugha tiꞌalh.

Luke 15:18

Dunadósjaꞌ ꞌinkꞌez ꞌubá ootsꞌu nátoosjaꞌ ꞌinkꞌez la ꞌudósniꞌ, ꞌubá yakꞌuz whudulhyoh cha lubeshi ꞌusdla ꞌinkꞌez nyun mbut cha.

Luke 15:21

ꞋInkꞌez ooyeꞌ uyúlhni, ‘ꞋUbá yakꞌuz whudulhyoh lubeshi ꞌusdla ꞌinkꞌez nyun mbut cha. ꞋAw ꞌon ꞌat nyeꞌ sodutánelh huba soo lhéꞌuzdzooꞌ.’

Luke 2:14

“Yakꞌusda ꞌudedo yakꞌut, ꞌen uzdilhtiꞌ. ꞋInkꞌez ndi yun kꞌut nedzi doghel, ꞌi be tsꞌiyanne dune butsꞌun hoonzoo holeꞌ!”

John 20:17

ꞋEt Jesus uyúlhni, “ꞋAw njan soontun iloh. ꞋAwhuz ndo sBá ootsꞌun nálhtuzusdai. ꞋEt hoontsꞌi sulhutsinke butsꞌun naíndalh ꞌinkꞌez ubudíni, ndo sBá ootsꞌun nátisdalh. ꞋEn nohni cha nohBá. Si sYakꞌusda ꞌinkꞌez nohni cha nohYakꞌusda unli.”

Romans 1:7

Nohni Rome dilhtsꞌine, Yakꞌusda nohkꞌensiꞌ ꞌinkꞌez Yakꞌusda oochꞌeꞌne nohúlhtsi. NeBá Yakꞌusda ꞌinkꞌez Jesus Christ neMoodihti nohgha ininꞌai whe nohdzi dóghel ꞌinkꞌez Yakꞌusda ye únzoo-i nohbulh óotꞌeꞌ ha.

Romans 8:15

ꞋEt Ndoni nohyudíltsꞌut whe ꞌaw Yakꞌusda be ntilhjut wheni ꞌulhna lhunohílhtsel. ꞋEt nohyudíltsꞌut whe Yakꞌusda ooduneꞌ nohulhtsi. ꞋEt huwa whélhtsꞌuniljut whe bulh yátsꞌulhduk ꞌinkꞌez, “Abba, ꞌuBá,” tsꞌutni.

Galatians 1:1

Si Paul whelꞌaꞌ-un usdli. ꞋAw dunene, ꞌenne bugha iloh ꞌusja, kꞌus ꞌilhoghun dune za iloh gha ꞌusja. ꞋEt hoontsꞌi Jesus Christ ꞌinkꞌez Yakꞌusda neBá, ꞌen ꞌuntꞌoh Jesus yaidlane toh dunaidilhti, ꞌen gha whelꞌaꞌ-un ꞌustꞌoh.

Galatians 4:6

ꞋInkꞌez Yakꞌusda buzkeh suhliꞌ. ꞋEt huwa Yakꞌusda duYeꞌ ooyughi, ꞌen nohtsꞌun whusayálhꞌaꞌ, nohdzi yoh oodaꞌ ha. Tube cho “Abba” ni. ꞋUBá ni whe ꞌutni.

1 Timothy 6:16

ꞋAw ꞌen za be dalhtsꞌutsa-i yutꞌi. Ndet usda-un, ꞌet ndi ootsꞌu ha yanduz-i, ꞌaw dune yuzih neooyaꞌ ꞌaitꞌoh. ꞋAw dune lhuyisꞌen ꞌinkꞌez ꞌaw dune yooꞌenne hooloh. ꞋAw ꞌen za ꞌilhiz be hoolhtus-i yutꞌi. ꞋEt huwa uzdilhtiꞌ. ꞋEt ndo honeh.

1 Peter 1:17

ꞋIlhoghun tsinli whe ntsꞌenꞌa la datsꞌitꞌen-un, neBá ꞌaw lhdítni whe neba nahutiyeh. ꞋInka ꞌen tsꞌun za tenadahdli de, soo cho khahdli. ꞋEn be nulhjut whe ndi yun kꞌut ꞌoh whuya lhóhdilh.

Revelation 4:11

“O neMoodihti ntsꞌu ha ꞌánduz, díntiꞌ, ꞌinkꞌez ilhtus cha ꞌintꞌoh. ꞋI tsꞌiyawh ꞌet ndun tsꞌídoniꞌ huba soo ꞌíldzooꞌ, tsꞌiyaitsuk ꞌinla ꞌet huwa. Nyun ꞌinla ꞌet huwa ꞌuntꞌoh, ꞌet whuz unꞌa hukwaꞌ ninzun.”

Revelation 5:12

ꞌenne tube cho njan hultus whe duhútni, “Ye ulhtus-i, hiye hoonzoo ꞌuntꞌoh-i, be whútnih-i, ꞌinkꞌez nutꞌi cha, be uzdiztiꞌ-i, ꞌinkꞌez be hóotꞌen-i, ꞌinkꞌez tsꞌuhoontꞌiꞌ te bé neꞌtsꞌulꞌen-i, ꞌusbaiyaz hizilhghi-i, ꞌen ꞌuntꞌoh ndowhi tsꞌiyawh huba soo ꞌúldzooꞌ whe uzdólhtiꞌ.”