Matthew 6:6 - Yak'usda Ooghuni

⁶ Tenadutihdli de, nohnichꞌoh whahtꞌi-un, dati dánadihtan whe tenadoohdli. NohBá lhistꞌen-un, tsꞌiyawh nohnilhꞌen, didutchꞌoh tsꞌiyanne nalh nohba ꞌukꞌelha whutilhtselh.

Matthew 6:6 Iomraidhean Croise

Matthew 14:23

Ndunne whe nábalhꞌaꞌ whe didutchꞌoh ndo dzulh kꞌuz whinya tenadutidli ha. Dichꞌoh ꞌet bé nadalhghel.

Matthew 6:18

ꞋEt whuz unꞌa soo hóotahni de, ꞌonghohne buchꞌa nonahꞌiꞌ. ꞋEt hoontsꞌi nohBá lhuhoostꞌen tsꞌe hoontsꞌi whunilhꞌen, ꞌen tsꞌiyanne nalh nohba ꞌukꞌelha whutilhtselh wheꞌ hoontꞌoh.”

Matthew 6:4

ꞋEt whuz unꞌa ꞌuyoonne tꞌehonúszun ꞌet dahtꞌen whe telꞌenne gha ꞌáhꞌaih. NohBá yakꞌuz usda-un, whuꞌiz hooꞌen, tsꞌiyawh nohnilhꞌen whe ꞌuntꞌoh. ꞋEt huwa didutchꞌoh tsꞌiyanne but nohba ꞌukꞌelha whutilhtselh.”

John 1:48

ꞋEt Nathanael Jesus yoodulhkut, “Di gha tꞌewhunínzun dantꞌoh-un dune usdli?” ꞋEt Jesus yúlhni, “Mai chun tꞌah sinda daꞌ, Philip ꞌanih nyudutánelh whutsodaꞌ, ꞌet nyunusꞌen,” yúlhni.

John 20:17

ꞋEt Jesus uyúlhni, “ꞋAw njan soontun iloh. ꞋAwhuz ndo sBá ootsꞌun nálhtuzusdai. ꞋEt hoontsꞌi sulhutsinke butsꞌun naíndalh ꞌinkꞌez ubudíni, ndo sBá ootsꞌun nátisdalh. ꞋEn nohni cha nohBá. Si sYakꞌusda ꞌinkꞌez nohni cha nohYakꞌusda unli.”

Acts 10:30

ꞋEt Cornelius ꞌutni, “ꞋEt ndowheya hoozulh atꞌen tat dzin inleꞌ whe dzetniz hukwꞌelhꞌaz 3:00 atꞌen ꞌuhunitꞌoh whe syoh sóo hoosni ꞌinkꞌez tenadusdli whe khuntsul dune naih soo ꞌulhyul-i be usda-un

Acts 10:9

ꞋEt ꞌom bun dzin ndunne keyoh Joppa ꞌawet whenghoh hidulh, ꞌet ꞌoh whuya hoozulh whuza Peter Joppa usda whe, dzetniz atꞌen ꞌet ndo bun kꞌut whuz dugha ínya tenadutidli ꞌet wheni.

Acts 9:40

ꞋEt Peter tsꞌiyanne ꞌaz whenaílhꞌaꞌ, dugwutsi be nenínya ꞌinkꞌez tenadidli. Nyoo nezi yutsꞌu nálhꞌa ꞌinkꞌez ꞌutni, “Tabitha, dudinyaih!” ꞋEt yutánꞌen ibulh Peter yutilhꞌen whe dó netlꞌa dindaꞌ.

Romans 8:5

Mbene la lubeshi za ghu nuní nuzutne ꞌahoolhyiz lubeshi ꞌuhulhꞌen. ꞋInkꞌez mbene la Ndoni kꞌoh tsꞌe za nuní nuzutne, ꞌenne Ndoni kꞌoh tsꞌe za hukwꞌú neꞌhutꞌen.

Ephesians 3:14

ꞋEt huwa Jesus Christ neMoodihti ooBá, ꞌen oobut sgwutsi be nenúsya.