Matthew 6:4 - Yak'usda Ooghuni

⁴ ꞋEt whuz unꞌa ꞌuyoonne tꞌehonúszun ꞌet dahtꞌen whe telꞌenne gha ꞌáhꞌaih. NohBá yakꞌuz usda-un, whuꞌiz hooꞌen, tsꞌiyawh nohnilhꞌen whe ꞌuntꞌoh. ꞋEt huwa didutchꞌoh tsꞌiyanne but nohba ꞌukꞌelha whutilhtselh.”

Matthew 6:4 Iomraidhean Croise

Matthew 10:42

ꞋInkꞌez mbene la si sgha hodulꞌehne, bubooziꞌ gha kꞌus hukwꞌeꞌih ꞌuntꞌoh-un, too sukꞌuz yubainkai de, ꞌalha ꞌunohdusni, ꞌen hoontsꞌi ooba ꞌukꞌelha whutaleh wheꞌ hoontꞌoh.”

Matthew 6:18

ꞋEt whuz unꞌa soo hóotahni de, ꞌonghohne buchꞌa nonahꞌiꞌ. ꞋEt hoontsꞌi nohBá lhuhoostꞌen tsꞌe hoontsꞌi whunilhꞌen, ꞌen tsꞌiyanne nalh nohba ꞌukꞌelha whutilhtselh wheꞌ hoontꞌoh.”

Matthew 6:3

ꞋEt huwa telꞌenne ghaꞌ tihꞌalh de, nohla ꞌintlꞌus tse datꞌen, nohla nailhnih tsꞌunkꞌus tꞌeoonoohzeh junih.

Matthew 6:6

Tenadutihdli de, nohnichꞌoh whahtꞌi-un, dati dánadihtan whe tenadoohdli. NohBá lhistꞌen-un, tsꞌiyawh nohnilhꞌen, didutchꞌoh tsꞌiyanne nalh nohba ꞌukꞌelha whutilhtselh.

Luke 14:14

ꞋEt nyun ꞌukꞌenus hoonzoo-un nyulh ꞌúhoneh, ꞌaw mba kꞌelha hoohoolhtselh ꞌaitꞌoh. ꞋInkꞌez nyun tsꞌihꞌun ꞌuntꞌohne dunahudidil de, ꞌet de mba kꞌelha whutaleh.”

Luke 8:17

Di la nistꞌi-i, nus de tsꞌiyawh ha ootikulh. Di la whuꞌiz ꞌulhꞌen, ꞌi hootꞌen-un, tsꞌet ha ootikulh.

1 Corinthians 4:5

ꞋEt huwa ndet dzin whusaootiltsꞌulh whutsꞌun, ꞌaw hoonliyaz buba nahoohyeh-un hooloh. NeMoodihti whusatiyalh whutsꞌun huba sulhꞌi whe tsalhgus yo tsꞌe nunuꞌiꞌ-i, ꞌi tsꞌiyawh tsꞌet ha naítilelh. ꞋInkꞌez dune budzi yo tsꞌe ꞌuhuninzun-un, tsꞌiyawh tsꞌiyanne bunalhtsꞌet ha óotilelh. ꞋEt Yakꞌusda ꞌilhone hinli whe hoonzoo whe bubulh whudutalhtiꞌ.

Hebrews 4:13

ꞋInkꞌez ndai la ndi yun kꞌut ꞌutsꞌulhꞌen-i ꞌaw ꞌilhoghi Yakꞌusda oochꞌa ntistꞌi-i hooloh. Tsꞌiyantsuk whunilhꞌen, ꞌinkꞌez ꞌantsꞌi ꞌi kwꞌunꞌaꞌtizbal leꞌ ꞌuntꞌoh. Yakꞌusda ꞌen datsꞌitꞌen-un, ꞌet tsꞌiyawh uzdutánelh wheꞌ hoontꞌoh.

Jude 1:24

ꞋEt ꞌawet mbe Yakꞌusda chꞌaz natilꞌahne whuchꞌa nohghundli-un, ꞌinkꞌez ootsꞌu ha yánduz-i zih nenóhtalelh, ꞌaw be ꞌukꞌehóotaltsꞌulh-i yit. ꞋEt soo ꞌukꞌenus hóontꞌiꞌ whe whuz unꞌa nohba ꞌuwhutilelh.

Revelation 2:23

ꞋInkꞌez ndun tsꞌeke buzkeh cha ubutisghan. ꞋInkꞌez Yakꞌusda ba ꞌilhunaoodulhne, tsꞌiyawh tꞌehontázin, si ꞌustꞌoh dune bubeni toh ꞌinkꞌez budzi bet cha hoonli hukwꞌu nústa. ꞋInkꞌez ꞌilhughun ꞌahli whe nohꞌeꞌutꞌen kꞌoh huwa nohba ꞌukꞌelha whutiselh.