Matthew 6:34 - Yak'usda Ooghuni

³⁴ ꞋEt huwa bunde dawhútanelh, ꞌet howu ni oohleꞌ junih. Bunde daootanelh la, ꞌet la ndo honeh. Dzin totsuk sooꞌ hoolcho whe huwu ni hooli ꞌet huwa.”

Matthew 6:34 Iomraidhean Croise

Matthew 6:11

ꞋAndit dzin ꞌuztiꞌulh-i, negha nínꞌaih.

Matthew 6:25

“ꞋEt huwa njan ndunóhdusni, yinka dúlhtsꞌi-un huwu ni oohleꞌ junih. Tihꞌulh-i ꞌinkꞌez tihnelh-i cha, ꞌinkꞌez nohyustꞌe soo naidutihleh, ꞌi cha, ꞌi tsꞌiyawh ooghuni oohleꞌ junih. Tihꞌulh-i be háhna-i anus diztiꞌ nahzun eh? Kꞌus naih ꞌi nohuyustꞌe anus diztiꞌ nahzun eh?

Matthew 6:27

Nohni nohtoh mbe ꞌuntꞌoh dalcho tileh howu ni unli? ꞋAw ꞌet huwa ꞌon nus ꞌulyiz ooleꞌ ꞌaitꞌoh!

Luke 10:41

ꞋInkꞌez Jesus ꞌuyulhni, “Martha Martha lhat-un howu nuni ninzut ꞌinkꞌez huwu ni inli!

Luke 11:3

ꞋAndit dzin ꞌuztiꞌulh-i, negha nínꞌaih.

Luke 12:11

ꞋInkꞌez lizwifne lugliz, kꞌus nahiyilhne, kꞌus moodihne cha bubut nenohonilhya de, daja dutihnelh-un, ꞌet huwu ni oohleꞌ junih.

Luke 12:22

ꞋInkꞌez yugha hodulꞌehne ꞌubulhni, “ꞋEt huwa nohdúsni, yinka dúlhtsꞌi-un, ndai la tihꞌulh-i ꞌinkꞌez be sóo nadutihtneh-i, ꞌi tsꞌiyawh ooghuni oohleꞌ junih!

John 14:27

Be nedzi dizghel-i, ꞌi nohghu nenánustꞌai. ꞋI sichꞌoh be sdzi dizghel-i, ꞌi nohgha núsꞌai. Ndi be nedzi dizghel nohgha núsꞌai-i, ꞌi ꞌaw yinka whuduneꞌne nohgha húyuꞌaih-i, ꞌi ndúlhiltꞌoh whe ꞌuntꞌoh. Khun te nohdzi úndoodaꞌ ꞌinkꞌez noolhjut júnih!

John 16:33

ꞋAndit njan ꞌet huwun ndi khuni ꞌi be nohbulh yásduk, daja nohdásniꞌ la, ꞌet huwa la be nedzi be dizghel-i oohtꞌeꞌ. Ndi yun kꞌut nohehútizilalh, ꞌet hoontsꞌi hóhtꞌeꞌ, ndi yun kꞌut humoodih ꞌinkꞌez be ꞌutꞌen kꞌoh cha, tsꞌiyawh oochꞌaꞌ nus de ꞌet huwa.”

Acts 14:22

Yugha hodulꞌehne soo budzi ulhtus whe ndet la buba ꞌalha ꞌuhoontꞌoh-un whulh hóoyin bubuhulhtsi. “Lhat-un whe dzoh nutsꞌudeh de, ꞌaw ꞌet de za ntsꞌe Yakꞌusda whe lerwe unli-un dáztidulh,” hutni whe whubuhodulhꞌeh.

Philippians 4:6

Hoonli huwu ni oohleꞌ junih! ꞋEt kꞌus tsꞌiyaitsuk ooba tenadahdli. ꞋInkꞌez tedahdlih, ꞌinkꞌez musi dóhniꞌ. Be ndunihzut-i, ꞌi tsꞌiyawh Yakꞌusda tsꞌun ookaꞌ dahni.

1 Peter 5:7

Ndet huwu ni ꞌahli-un, tsꞌiyawh Yakꞌusda ootlꞌa wháhle. ꞋAhoolhyiz nohghunli ꞌet huwa.