Matthew 6:30 - Yak'usda Ooghuni

³⁰ ꞋEt Yakꞌusda tlꞌo unzoo-i yilhꞌi. ꞋI ꞌandit dzin tlꞌo kꞌut ha niyeh ꞌinkꞌez bunde ꞌi tsehidutilhkulh ꞌinkꞌez dutákꞌun. ꞋEt dáhoolcho-i be nohni ꞌon nus soo nanohdutileh? Nohni ntsool-iyaz be ꞌalha lheꞌhootꞌohne ꞌunohdúsni!

Matthew 6:30 Iomraidhean Croise

Matthew 14:31

ꞋAho Jesus yula súgooh whe ꞌuyulhni, “ꞋAw soo ꞌultsuk-i be ꞌalha ꞌuhoontꞌoh-i lhintꞌih. Di ha mba nawh ꞌuhoontꞌoh?”

Matthew 16:8

Jesus tꞌeoonanzin whe ꞌet ꞌúbulhni, “Be ꞌalha nahzun-i untsool! ꞋEt huwaꞌ ꞌudahni. ꞋAw lhes whusálhahꞌal, ꞌet howu yalhduk?

Matthew 17:17

ꞋEt Jesus ꞌuyulhni, “Nohni ꞌandit whudizulhne, nohni ꞌaw be ꞌalha ꞌuhoontꞌoh-i lhahtꞌih, ꞌinkꞌez tankꞌus zaꞌ ꞌihtꞌelh. Dawhuldzoh nohtoh tisdalh? ꞋInkꞌez dawhuldzoh nohba ndutistꞌelh? Deꞌ, nyeꞌ sghu nilhtih!”

Matthew 8:26

ꞋEt ꞌubulhni, “Di ha whénulhjut? Nohbé ꞌalha whutꞌen-i soo ꞌúltus-i lhahtꞌiꞌ wheꞌ dahni.” Dudinya whe khuniti be hukwaꞌ yudániꞌ too ꞌinkꞌez nilhtsi bulh yatilhduk, ꞌinkꞌez ꞌawet dinghel.

Mark 4:40

ꞋEt Jesus yugha hodulꞌehne ndúbulhni, “Dahoontꞌoh huwa stabe nulhjut, ꞌaw eh bé ꞌalha ꞌuhoontꞌoh-i lhuhtꞌih whé ꞌahtꞌoh?”

Mark 9:19

ꞋInkꞌez Jesus uyúlhni, “ꞋAw nohni dune nohba ꞌalhaꞌ hotꞌeꞌ ꞌaítꞌoh! Dáwhuldzoh nohzih tisdalh? Dawhuldzoh nohtoh tisdalh sudutáhtsꞌo whutsꞌun ꞌinkꞌez nohba ꞌalhaꞌ tistꞌelh? Tsꞌoodun ndiz stsꞌun túlhtih!” ubúlhni.

Luke 12:28

ꞋEt Yakꞌusda tlꞌo unzoo-i yilhꞌi. ꞋAndit dzin tlꞌo kꞌut ha níyeh ꞌinkꞌez bunde ꞌi tsehidutilhkulh. ꞋEt nohni dalcho-i be ꞌon nus soo nanohdooleh. Tube ntsool-i be nohba ꞌalha ꞌuhoontꞌoh.

Luke 9:41

ꞋEt Jesus ꞌutni, “Nohni ꞌandit whudizulhne ꞌaw nohba ꞌalhaꞌ lheꞌhootꞌoh ꞌinkꞌez tankꞌus neꞌahtꞌen. Dawhuldzoh nohtoh ꞌutistꞌelh ꞌinkꞌez nohbulh óosyin? Nyeꞌ stsꞌílhtelh!”

John 20:27

ꞋEt Thomas ꞌulhni, “Sla nilhꞌen ꞌinkꞌez nlasga be ska kꞌet nudilga ꞌinkꞌez nla be szih kꞌut cha nudílnih. ꞋOn ꞌat si sghun whutsꞌoodóntlaiꞌ junih. Mba ꞌalhaꞌ ꞌuhotꞌeꞌ,” yúlhni.

Hebrews 3:12

Sulhutsinke nohnichꞌoh soo cho huwahli! Nohni nohtoh whulohne tilah nohdzi tankꞌus ꞌuntꞌoh ꞌet whe ꞌaw nohba ꞌalhaꞌ lheꞌhóotꞌoh. ꞋEt huwa Yakꞌusda ꞌilhiz wheni ꞌuntꞌoh-un, doo ka si ꞌen oochꞌaz naóolhyeh.

1 Peter 1:24

ꞋEt huwa ndi khuni njan ndutni, “Tsꞌiyanne ꞌantsꞌi tlꞌo leꞌ hintꞌoh. Ndi tlꞌo ꞌatsulyaz ꞌuntꞌoh. ꞋInkꞌez dune ye diztiꞌ-i, ꞌi oomaiꞌ leꞌ ꞌuntꞌoh. Tlꞌo bisdai dugih ꞌinkꞌez nakuk.