Matthew 6:27 - Yak'usda Ooghuni

²⁷ Nohni nohtoh mbe ꞌuntꞌoh dalcho tileh howu ni unli? ꞋAw ꞌet huwa ꞌon nus ꞌulyiz ooleꞌ ꞌaitꞌoh!

Matthew 6:27 Iomraidhean Croise

Matthew 5:36

Kꞌus khun te ‘Whe khasna-un whe nahooyeh,’ junih. ꞋAw nohtsigha, ꞌilho hoontsꞌi ꞌulhyul kꞌus dulhgus naoolhtselh ꞌaítꞌoh ꞌet huwa.

Matthew 6:25

“ꞋEt huwa njan ndunóhdusni, yinka dúlhtsꞌi-un huwu ni oohleꞌ junih. Tihꞌulh-i ꞌinkꞌez tihnelh-i cha, ꞌinkꞌez nohyustꞌe soo naidutihleh, ꞌi cha, ꞌi tsꞌiyawh ooghuni oohleꞌ junih. Tihꞌulh-i be háhna-i anus diztiꞌ nahzun eh? Kꞌus naih ꞌi nohuyustꞌe anus diztiꞌ nahzun eh?

Matthew 6:28

ꞋInka di ha be dune tihleh ooghuni ꞌahli? ꞋIndaiyaz ntsꞌenꞌa ha niyeh, howu nuni nahzut. ꞋAw lheꞌustꞌen ꞌinkꞌez ꞌaw naih cha lheꞌhulhꞌen ye dune tileh ha.

Matthew 6:31

ꞋEt huwa khun lhoodolhkut junih, di suba tsꞌooꞌalh, kꞌus di suba tsꞌootnaiꞌ, kꞌus di suba be dune tsꞌooleꞌ, noohzin junih.

Matthew 6:34

ꞋEt huwa bunde dawhútanelh, ꞌet howu ni oohleꞌ junih. Bunde daootanelh la, ꞌet la ndo honeh. Dzin totsuk sooꞌ hoolcho whe huwu ni hooli ꞌet huwa.”

Luke 10:41

ꞋInkꞌez Jesus ꞌuyulhni, “Martha Martha lhat-un howu nuni ninzut ꞌinkꞌez huwu ni inli!

Luke 12:11

ꞋInkꞌez lizwifne lugliz, kꞌus nahiyilhne, kꞌus moodihne cha bubut nenohonilhya de, daja dutihnelh-un, ꞌet huwu ni oohleꞌ junih.

Luke 12:22

ꞋInkꞌez yugha hodulꞌehne ꞌubulhni, “ꞋEt huwa nohdúsni, yinka dúlhtsꞌi-un, ndai la tihꞌulh-i ꞌinkꞌez be sóo nadutihtneh-i, ꞌi tsꞌiyawh ooghuni oohleꞌ junih!

1 Corinthians 12:18

ꞋEt ꞌinka Yakꞌusda neyustꞌe lhat-un wheni ꞌulya yulhtsi, ꞌet whuz unꞌa hukwaꞌ ninzun ꞌinka ꞌet ꞌúyinla.

Philippians 4:6

Hoonli huwu ni oohleꞌ junih! ꞋEt kꞌus tsꞌiyaitsuk ooba tenadahdli. ꞋInkꞌez tedahdlih, ꞌinkꞌez musi dóhniꞌ. Be ndunihzut-i, ꞌi tsꞌiyawh Yakꞌusda tsꞌun ookaꞌ dahni.

1 Peter 5:7

Ndet huwu ni ꞌahli-un, tsꞌiyawh Yakꞌusda ootlꞌa wháhle. ꞋAhoolhyiz nohghunli ꞌet huwa.