Matthew 6:25 - Yak'usda Ooghuni

²⁵ “ꞋEt huwa njan ndunóhdusni, yinka dúlhtsꞌi-un huwu ni oohleꞌ junih. Tihꞌulh-i ꞌinkꞌez tihnelh-i cha, ꞌinkꞌez nohyustꞌe soo naidutihleh, ꞌi cha, ꞌi tsꞌiyawh ooghuni oohleꞌ junih. Tihꞌulh-i be háhna-i anus diztiꞌ nahzun eh? Kꞌus naih ꞌi nohuyustꞌe anus diztiꞌ nahzun eh?

Matthew 6:25 Iomraidhean Croise

Matthew 10:19

ꞋAwet whutlꞌa nohuhanla de, daja dutihnelh, huwu ni oohleꞌ junih. Ntsꞌoya hoozulh whe be yátilhduk-i, ꞌet la tꞌewhunoohzeh.

Matthew 13:22

Whus toh ꞌanankat-i, khuni hiditsꞌo, yun kꞌut huwu ni nuzut, hoonzooꞌ hoontꞌoh be naznutaꞌ-i, whus cho be bulh lheyúllhuk ndultꞌoh. ꞋEt huwa ꞌaw lhadúlyane hooleꞌ ꞌaitꞌoh.

Matthew 6:31

ꞋEt huwa khun lhoodolhkut junih, di suba tsꞌooꞌalh, kꞌus di suba tsꞌootnaiꞌ, kꞌus di suba be dune tsꞌooleꞌ, noohzin junih.

Matthew 6:34

ꞋEt huwa bunde dawhútanelh, ꞌet howu ni oohleꞌ junih. Bunde daootanelh la, ꞌet la ndo honeh. Dzin totsuk sooꞌ hoolcho whe huwu ni hooli ꞌet huwa.”

Mark 13:11

ꞋAnóhuhanꞌai ꞌinkꞌez nahiyílh-un but nenóhnilhti de dája dutihnelh-un huwu ni oohleꞌ junih ꞌinkꞌez nohdzi dóghel. ꞋEt neóoninzut te, nohza dánkat, ꞌi be la yaoolhduk. Ndoni ꞌi yatilhduk ꞌaw nohni iloh ꞌudutihnelh.

Mark 4:19

ꞋEt hoontsꞌi ndi yun kꞌut huwu ni udli-un, ndi yun kꞌut hoonzooꞌ hoontꞌoh-un, ꞌinkꞌez yun kꞌut huhóontꞌiꞌ tuneꞌ hutꞌen-un, ꞌet ꞌi tsꞌiyawh whus cho ꞌi be bulh lheꞌullhuk. ꞋEt huwa ꞌaw lhadúlyane hooleꞌ ꞌaitꞌoh.

Luke 12:11

ꞋInkꞌez lizwifne lugliz, kꞌus nahiyilhne, kꞌus moodihne cha bubut nenohonilhya de, daja dutihnelh-un, ꞌet huwu ni oohleꞌ junih.

Luke 8:14

Ndai la whus cho toh nanánkat-i, dune Yakꞌusda ooghuni hiditsꞌo ꞌet hoontsꞌi yun kꞌut huwu ni tsinli-un, ndi yun kꞌut hoonzooꞌ hoontꞌoh-un, ꞌinkꞌez ndi yun kꞌut huhoontꞌiꞌ tuneꞌ hutꞌen-un, ꞌi tsꞌiyawh whus cho ꞌi be bulh lhellhoh ndultꞌoh. ꞋEt huwa ꞌaw lhadúlyane hooleꞌ ꞌaitꞌoh.

Romans 8:32

ꞋAw Yakꞌusda duYeꞌ buchꞌa lhúyootun whe neba datítsah wheni butlꞌa yálhti. ꞋEt Yakꞌusda neba ꞌedúja de, ꞌet duYeꞌ bulh ꞌet hóontꞌiꞌ whe tsꞌiyaitsuk negha tílelh.

1 Corinthians 7:32

Howu ni ꞌahli-un, ꞌet whuchꞌa nohtsꞌu hukwaꞌ nuszun. Whunilhꞌen, mbe la soh nuyá-un, ꞌen neMoodihti be ꞌutꞌen kꞌoh ꞌinkꞌez ooba hootazooꞌ, ꞌet za howu ni ꞌaztan.

Philippians 4:6

Hoonli huwu ni oohleꞌ junih! ꞋEt kꞌus tsꞌiyaitsuk ooba tenadahdli. ꞋInkꞌez tedahdlih, ꞌinkꞌez musi dóhniꞌ. Be ndunihzut-i, ꞌi tsꞌiyawh Yakꞌusda tsꞌun ookaꞌ dahni.

2 Timothy 2:4

Dune salda unli-un, ꞌen dumoodih ba za ꞌutꞌen. ꞋAw ꞌudun ꞌutꞌen-i gha lhasnoh.

1 Peter 5:7

Ndet huwu ni ꞌahli-un, tsꞌiyawh Yakꞌusda ootlꞌa wháhle. ꞋAhoolhyiz nohghunli ꞌet huwa.