Matthew 6:23 - Yak'usda Ooghuni

²³ ꞋEt hoontsꞌi dune na lubeshi be untsiꞌ de, ꞌet ooyustꞌe ndulcho whe tsalhgus be dutabun. ꞋEt huwa ndi be hootꞌen nohbulh ꞌuntꞌoh tsalhgus kꞌunꞌa be hoodatꞌen de, ꞌet dálcho-i be suba tsahólhgus ooleꞌ?”

Matthew 6:23 Iomraidhean Croise

Matthew 20:15

ꞋAlhaꞌ iloh lakw ndai la ꞌustꞌi-i ntsꞌenꞌa hukwaꞌ nuszun tuneꞌ ꞌúsꞌen? ꞋUszooꞌ ꞌet huwa eh sghe oolhnih?’ ubúlhni.”

Matthew 6:22

“ꞋEt nena neyustꞌe ba too dizkꞌun leꞌ ꞌuntꞌoh. ꞋEt nohna soo ꞌuntꞌoh de, ꞌet nohyustꞌe be hootꞌen-i dizbun.

Mark 7:22

ꞌuhundunutꞌih, ꞌuyoonne chꞌeꞌ haꞌ huninzun, hoontsiꞌ kꞌunꞌa túneꞌ hutꞌen, dune nahunaꞌah cha ꞌuhutꞌen, hoontsiꞌ tuneꞌ hutꞌen, ꞌuhoolnih cha, Yakꞌusda chꞌaz yahalhduk, ꞌududíltiꞌ, ꞌinkꞌez huwusni.

Luke 11:34

ꞋEt whuz unꞌa nohna ꞌi ꞌantsꞌi nohyustꞌe ba too dizkꞌun leꞌ ꞌuntꞌoh. ꞋEt nohna soo ꞌuntꞌoh de, nohyustꞌe ndulcho whe be hootꞌen-i be whudizbun. ꞋEt hoontsꞌi nohna lheꞌízooꞌ de, nohyustꞌe ꞌi cha tsalhgus be dizbun.

Luke 8:10

ꞋEt ubúlhni, “Ndi buba wheꞌ hoontꞌoh hooyoh-un Yakꞌusda lerwe unli-i, ꞌi ghun, tꞌeoonoohzeh ha ꞌudaꞌ nohtlꞌa hóoltsꞌut. ꞋEt hoontsꞌi ꞌonghohne be whutsꞌodulꞌeh-i whuz unꞌa za bubulh yasduk. Doo ka la, ‘Honalhꞌen ꞌet hoontsꞌi ꞌaw lhuhuhoos̱ꞌen. ꞋEt hoditsꞌo ꞌet hoontsꞌi ꞌaw tꞌehonuszun daja ni.’”

Romans 1:22

Whunihne dune naꞌhundunúdzun ꞌet hoontsꞌi ꞌaw tꞌe honínzun-un hooloh.

1 Corinthians 2:14

ꞋEt hoontsꞌi mbe la Ndoni lhitꞌih-un, ndai la Yakꞌusda ooyughi ootsꞌu ha dultsꞌit-i, ꞌi ꞌaw lheyulhchoot, whusni be hoonli kꞌunꞌa oobaꞌ yintꞌoh ꞌet huwa. Soo Ndoni ꞌen gha za tꞌehontizeh, ꞌet huwa Ndoni daja ni ꞌaw tꞌeoonoozeh ꞌaitꞌoh.

Ephesians 4:18

Bubeni tsalhgus yo ꞌuntꞌoh, ꞌet huwa Yakꞌusda ye khuna-i chꞌoh ꞌuhintꞌoh. ꞋAw hoonli tꞌehonuszun, budzi dutsꞌun suliꞌ ꞌet huwa.

Ephesians 5:8

ꞋOh daꞌ tsálhgus yo dúlhtsꞌi inleꞌ ꞌet huwa. ꞋEt ꞌandit neMoodihti, ꞌen be hootꞌen-i nohba suliꞌ. ꞋInka tsꞌoodunne be hootꞌen-i niz nuhúdilh ꞌet ndóhtꞌeꞌ hubaꞌ hoontꞌoh.

1 John 2:11

ꞋEt hoontsꞌi ndun dudulhutsin tsꞌu dutni-un, ꞌen tsálhgus yo ꞌuntꞌoh ꞌinkꞌez tsálhgus yo nuya. ꞋInkꞌez ntsꞌe tizya-un ꞌaw tꞌeoonúszun, ndi tsahólhgus-i be hoos̱ꞌen suliꞌ ꞌet huwa.