Matthew 6:19 - Yak'usda Ooghuni

¹⁹ “Ndi yun kꞌut uhtꞌiꞌ-i ꞌilhoozáhle iloh. ꞋUkꞌenaditsih ꞌinkꞌez musdziyaz cha gak yutilhtselh. ꞋUndunutꞌihne nohghu dáꞌ hutiyus ꞌinkꞌez hiduntitꞌih.

Matthew 6:19 Iomraidhean Croise

Matthew 19:21

Jesus ndúyulhni, “Lhadulya-un tanlelh hukwaꞌ ninzun de, ndai la ꞌintꞌi-i, ꞌi tsꞌiyawh beꞌ oonket, ꞌinkꞌez telꞌenne butainínle. ꞋEt de la ndo yakꞌuz ndai ꞌilhoozanla-i, ꞌet mba tilalh. ꞋInkꞌez ꞌanih seꞌ ꞌutꞌen kꞌoh tuneꞌ óntꞌen ha sunanyalh.”

Matthew 6:20

ꞋEt kꞌus ndai la yakꞌuz be hoonzooꞌ hoontꞌoh-i, ꞌi yakꞌuz ꞌilhoozáhle. ꞋEt whuz unꞌa ꞌaw kꞌenádotsih ꞌaitꞌoh. Musdziyaz cha ꞌaw gak yoolhtselh ꞌaitꞌoh. ꞋAw nohghu daꞌ hooyis ꞌinkꞌez nohgheꞌ hundunootꞌih ꞌaitꞌoh.

Luke 12:21

ꞋEt whuz unꞌa mbe lhai duba ꞌilhozdla-un ꞌinkꞌez Yakꞌusda ba hoonli lhitꞌiꞌ.”

Luke 12:33

Ndai ahtꞌi-i be ꞌóhket ꞌinkꞌez telꞌenne bugha yohlelh. Sooneya zus ninta lheꞌustꞌi-i ꞌudulhneh. ꞋInkꞌez di la unzoo-i ꞌilhiz wheni oolatoh hoolóh-i, ꞌi be yóohlelh, ꞌi la yakꞌuz tsꞌe neóohlelh. ꞋAw whuz ꞌundunutꞌih-un daooyaꞌ ꞌaitꞌoh ꞌinkꞌez ꞌaw yun nulhꞌas-i nintaꞌyolhꞌen ꞌaitꞌoh.

Luke 12:39

ꞋInkꞌez tꞌeoonahzeh, yoh whumoodih ntsꞌowhuya whudizulh-un ꞌundunutꞌih-un whusatíyalh, ꞌet tꞌewhuninzun de, ꞌet daꞌ huwoleꞌ, ꞌinkꞌez ꞌaw hiyoh daꞌ óoyis ꞌaitꞌoh.

Luke 18:22

ꞋEt Jesus njan whudantsꞌo whe ꞌet ꞌuyulhni, “ꞋAwhuz ꞌilhoghun mba ꞌet whuzꞌai. Ndai la ꞌintꞌi-i tsꞌiyawh be ꞌóonket, ꞌinkꞌez telꞌenne gha nínꞌaih. ꞋEt de la yakꞌuz diztiꞌ-i, ꞌet mba oolaꞌ. ꞋInkꞌez ꞌanih seꞌ ꞌutꞌen kꞌoh tuneꞌ óntꞌen ha sunanyalh.”

Luke 18:24

ꞋEt Jesus yunilhꞌen whe ndun tube oodzi unduda suliꞌ, ꞌet ꞌutni, “Hoonzooꞌ ꞌuntꞌohne dawhulcho whe buba howa whulnaꞌ whe Yakꞌusda whe lerwe unli tsꞌe hutidulh.

1 Timothy 6:17

Ndi yun kꞌut hoonzooꞌ ꞌuntꞌohne, ꞌenne khuni ulhtus-i be budoniꞌ, ꞌaw ndi yun kꞌut beꞌ hoonzooꞌ tsꞌintꞌoh-i hoonli lhiloh. ꞋAw sooniya ootꞌa ninintan-i iloh ꞌuntꞌoh. ꞋEt kꞌus Yakꞌusda mbe la khuna-un, ꞌaw ꞌen za ootꞌa ninoohtan. Yakꞌusda ꞌen oola hoonli whe tsꞌiyaitsuk be tsꞌohotꞌeꞌ ha negha yunleh.

Hebrews 13:5

Ndi yun dulhtsꞌi-un huwahli. Ndai ꞌandit ahtꞌi-i, ꞌon nus ꞌuyoo ka daoohtni junih. ꞋEt huwa neMoodihti njan ndutni, “ꞋAw nohghu toosyaꞌ ꞌaitꞌoh, ꞌinkꞌez nohla doosnih ꞌaitꞌoh.”