Matthew 6:16 - Yak'usda Ooghuni

¹⁶ “ꞋEt ndet soo hóotahnih de, duba naꞌudzooꞌne bukꞌunꞌa oohtꞌeꞌ junih. Ndutꞌenne dudzi yo ꞌuhilhdzun naꞌhududilꞌi wheꞌ hintꞌoh. ꞋInkꞌez dunin be teꞌhududilꞌen ꞌinkꞌez dzoh nuhuzut naꞌhududilꞌi. ꞋEt whuz unꞌa ꞌuyoonne whúbonulhtun ntsꞌenꞌa la soo huhooni hukwꞌunꞌa. ꞋAlhaꞌ whe nohdusni, mbe la ndutꞌenne buba ꞌukꞌelha yutaleh-i, ꞌudaꞌ buba kꞌelha whuzdliꞌ wheꞌ hintꞌoh.

Matthew 6:16 Iomraidhean Croise

Matthew 6:1

“Huwahli! Khun telꞌenne ghaꞌ tihꞌalh de, tsꞌet whucho ndóhtꞌen junih. Ndahtꞌen de, nohBá yakꞌuz usda-un, ꞌaw nohba; ꞌukꞌelha hoolhtselh ꞌaitꞌoh.

Matthew 6:2

ꞋEt huwa telꞌenne ghaꞌ tihꞌalh de, khun tsꞌiyanne nalh ꞌududolhtiꞌ junih. Duba naꞌudzooꞌne, ꞌenne whuz unꞌa ꞌet nduhútꞌen. Lizwif bulugliz kꞌus ti whulheguz-un ꞌet tsꞌiyanne ubunoolhꞌen ha, ꞌet nduhutꞌen. ꞋAlhaꞌ dusni, ooba kꞌelha whutalehne, ꞌudaꞌ buba nkꞌelha whuzdliꞌ whe ꞌuhintꞌoh.

Matthew 6:5

“Tenadahdli de, khun duba naꞌudzooꞌne kꞌoh tsꞌe tenadoohdli junih. Whuz unꞌa lizwif bulugliz cha nódilhya, kꞌus ti whulheto huhóontꞌiꞌ whe whuz unꞌa tenahududli tsꞌiyanne ubunoolhꞌen ha. Nohdúsni, ꞌudaꞌ buba ꞌukꞌelha whuzdliꞌ wheꞌ hintꞌoh.

Mark 2:18

John dune too be ꞌulhꞌen-un yugha hodulꞌehne ꞌinkꞌez Phariseene bugha hodulꞌehne cha soo húhoonih whe Jesus highu nindil ꞌinkꞌez ꞌuhuyúlhni, “ꞋEt dáhoontꞌoh huwa John dune too be ꞌulhꞌen-un yugha hodulꞌehne ꞌinkꞌez Pharisee bugha hodulꞌehne soo húhoonih ꞌet hoontsꞌi nyun ngha hodulꞌehne, ꞌenne gak?”

Luke 18:12

Lisman totsuk nat sóo hoosnih. ꞋInkꞌez ndai la sba ꞌukꞌelha unli-i, ꞌi cha ooloh, 10%, lugliz huwasꞌaih,’ ni Pharisee.

Luke 2:37

Ndun tsandilh, ꞌen lhkꞌu dit whunizyat ꞌon ꞌat dit be yus kꞌut atꞌen (84). ꞋAw lugliz whucho whuchꞌa lhiyal. Dzenis ꞌinkꞌez ꞌulhdzis ibulh soo hooni ꞌinkꞌez tenadudli whe Yakꞌusda ba neꞌutꞌen-un unli.

Acts 10:30

ꞋEt Cornelius ꞌutni, “ꞋEt ndowheya hoozulh atꞌen tat dzin inleꞌ whe dzetniz hukwꞌelhꞌaz 3:00 atꞌen ꞌuhunitꞌoh whe syoh sóo hoosni ꞌinkꞌez tenadusdli whe khuntsul dune naih soo ꞌulhyul-i be usda-un

Acts 14:23

Ndet Jesus Christ gha ꞌilhozdílne hoonli-un dune tso whudilhdzulhne buba ꞌutahahánla. ꞋEt tenadudli ꞌinkꞌez soo húhoonih, ꞌinkꞌez neMoodihti tlꞌábahanla whe Jesus soo hitꞌa nínintan.

1 Corinthians 7:5

ꞋAw lhchꞌoh oohkeꞌ huba lheꞌhootꞌoh. ꞋEt hoontsꞌi ꞌatsulyaz whe soo hootahni ꞌinkꞌez tenadutihdli hukwaꞌ nuhzun de, ꞌet nanulhtꞌo soo lhgha hoonuhtꞌiꞌ de, ꞌet sooꞌ whutatꞌelh. ꞋEt hukwꞌelhꞌaz doo cha za lhkꞌeoohsiꞌ ꞌinkꞌez lhzih nenaoohtꞌas, doo ka la ꞌaw nohyustꞌe ooghu tihle huba soo lheꞌahtꞌoh de, ꞌet Satan nohootalhdzih.

2 Corinthians 11:27

ꞋUtꞌen ulhtus-i be ꞌustꞌen. ꞋEt huwa whuloh te tube nenúsi. Lhat ꞌaw lhústoh. Lhat syeꞌúltsꞌilh ꞌinkꞌez taꞌóosda. Lhat-un whe sóo hoosnih, kꞌus lhat hukwꞌuz yo nusúsya dzoh ꞌet dune usdli whe.

2 Corinthians 6:5

ꞌinkꞌez nehoolhtsas-un, ꞌanehudilhꞌai-un, nebulh hódutulhzuk-un cha, ꞌutꞌen howa whúlnaꞌ-i cha. Lhtsꞌitoh-un cha, soo tsꞌúhooni-un, ꞌet cha.