Matthew 6:14 - Yak'usda Ooghuni

¹⁴ ꞋEt dune nohdulhyoh néꞌhutꞌen de, ꞌinkꞌez buba whunaoodúlhnoh de, ꞌet de nohBá yakꞌuz usda-un, ꞌen cha nohba whunaoodutilnoh.

Matthew 6:14 Iomraidhean Croise

Matthew 5:7

ꞋUyoonne gha tꞌeninzunne, ꞌenne Yakꞌusda cha bugha teꞌuntazeh, ꞌenne ꞌukꞌenus hoonzoo-un bughá whultsꞌut.

Matthew 6:12

ꞋInkꞌez ꞌuyoonne bulh dulhyoh tsꞌuwhulhꞌai de, buba whunatsꞌodoolnoh.

Matthew 7:2

Ntsꞌenꞌa ꞌuyoonne ba nahahyeh, ꞌet whuz unꞌa nohba nahutideh. ꞋInkꞌez ntsꞌenꞌa ꞌuyoonne neꞌbulhꞌen de, whuz unꞌa za nohba ꞌukꞌelha whutaleh.

Mark 11:25

ꞋInkꞌez sahyin whe tenadahdli de, ꞌuyoonne tsꞌun nohba dzoh de buba nꞌún whutulhdilh ꞌet la nohBá, yakꞌuz úsda-un, nohni cha nohlubeshi nohba ꞌun yutoolhdilh.

Luke 6:37

“ꞋUyoonne ba nahoohyeh junih, ꞌet de ꞌaw nohba nahoodeh ꞌaitꞌoh. ꞋUyoonne kꞌehohꞌalh junih, ꞌet de ꞌaw nohkꞌeholtsꞌit ꞌaitꞌoh. ꞋUyoonne ba whunaoodolnoh, ꞌinkꞌez nohni cha nohba whunaoodutitnoh.

Ephesians 4:32

ꞋInkꞌez tsꞌiyawh lhtsꞌu ꞌoóhzooꞌ, ꞌinkꞌez tsꞌiyantsuk whe nohdzi óolhdzooꞌ whe lhgha teꞌuntihdzin, ꞌinkꞌez ntsꞌenꞌa Christ, ꞌen be Yakꞌusda nohlubeshi nohba yunaꞌalhde, ꞌet nohni cha whuz unꞌa za ꞌilhone ꞌahli whe lhba ꞌun whutoolhdilh.

Colossians 3:13

Lhulh sooꞌ tsꞌintꞌoh, ꞌinkꞌez tsꞌiyantsuk lhba whunawhudulhneh. Nohtoh ꞌilhoghun ꞌuyoon kꞌehoonꞌai de, ntsꞌenꞌa Christ nohba whunaoodilhnoh, nohni cha whuz unꞌa za buba whunaoodoolhnoh.

James 2:13

ꞋInka ndet dzin suba neba nahutideh-un whusaóotiltsꞌulh, mbene lhgha tꞌelhenízun-un, ꞌen oogha telheꞌwhunídzun whe Yakꞌusda buba nahutiyeh. ꞋEt mbe ꞌuyoon gha téꞌ ninzun-un, ꞌen Yakꞌusda yugha teꞌuntazeh whe yuba nahutiyeh.

1 John 3:10

ꞋEt ndiz unꞌa Yakꞌusda buzkeh ꞌinkꞌez netsudule buzkeh cha tꞌehunudzun: Mbe la tsꞌihꞌun nulheꞌustꞌen, kꞌus dudulhutsin kꞌelhísiꞌ, ꞌen Yakꞌusda uniyalh-un iloh whe ꞌuntꞌoh.