Matthew 6:12 - Yak'usda Ooghuni

¹² ꞋInkꞌez ꞌuyoonne bulh dulhyoh tsꞌuwhulhꞌai de, buba whunatsꞌodoolnoh.

Matthew 6:12 Iomraidhean Croise

Matthew 26:28

ꞋEt ndi suzkaiꞌ ꞌi be ꞌandidi be nohtsꞌu nahizusya, ꞌet huba ꞌulya. Lhane ba nadútiltꞌih. ꞋI be bulubeshi buba gak tileh.

Matthew 9:2

ꞋAho ꞌawet ndun delhdusni-un, lili be whusahúyankai. Jesus tꞌeooninzun buba ꞌalha ꞌuhoontꞌoh. ꞋEt délhdusni-un ꞌuyulhni, “Yeꞌ ndzi hoteꞌ, nlubeshi mba hooloh suliꞌ!”

Mark 11:25

ꞋInkꞌez sahyin whe tenadahdli de, ꞌuyoonne tsꞌun nohba dzoh de buba nꞌún whutulhdilh ꞌet la nohBá, yakꞌuz úsda-un, nohni cha nohlubeshi nohba ꞌun yutoolhdilh.

Luke 11:4

ꞋInkꞌez ꞌuyoonne bulh dulhyoh tsꞌuwhulhꞌai de, buba whunatsꞌodoolnoh. ꞋEt whuz unꞌa za nelubeshi neba oonaoodolnoh. Tankꞌus uznintꞌi-un whuchꞌa neghinli. ꞋInkꞌez ntsiꞌ-un chꞌa néghinli.’”

Luke 13:4

Kꞌus keyoh Siloam huwhútni, ꞌet tse whedinꞌai-i whunizyane ꞌon ꞌat lhkꞌudine, ꞌenne bukꞌé ningez whe tsꞌiyawh higan. ꞋEt Jerusalem whutꞌenne buba nus lubeshi ꞌuhulhꞌenne ꞌuhintꞌoh nahzun eh?

Luke 6:37

“ꞋUyoonne ba nahoohyeh junih, ꞌet de ꞌaw nohba nahoodeh ꞌaitꞌoh. ꞋUyoonne kꞌehohꞌalh junih, ꞌet de ꞌaw nohkꞌeholtsꞌit ꞌaitꞌoh. ꞋUyoonne ba whunaoodolnoh, ꞌinkꞌez nohni cha nohba whunaoodutitnoh.

Acts 13:38

ꞋEt Paul ꞌon ꞌun ndutni, “ꞋEt huwa sulhutsinke nohni, ꞌalha ꞌuhoontꞌoh ndun Jesus dája la ꞌet huwa nohlubeshi nohunatidoh. ꞋEt tꞌewhunóhzin ndai la Moses ye náhizya-i, ꞌi gha nohlubeshi nohunaoodeh ꞌaítꞌoh inleꞌ. ꞋEt hoontsꞌi Jesus Christ ꞌen gha nohlubeshi tsꞌiyawh gak nohba whulhtsi.

Ephesians 1:7

Yakꞌusda neBá Jesus Christ ꞌen be duduzkaiꞌ be naneonket. ꞋInkꞌez nintaꞌtsꞌuntꞌen-un neba whunaꞌalhde. Ye unzoo-i dádiztiꞌ, ꞌet whuz unꞌa ꞌuniltsuk whe neba ꞌuhóonla.

Ephesians 4:32

ꞋInkꞌez tsꞌiyawh lhtsꞌu ꞌoóhzooꞌ, ꞌinkꞌez tsꞌiyantsuk whe nohdzi óolhdzooꞌ whe lhgha teꞌuntihdzin, ꞌinkꞌez ntsꞌenꞌa Christ, ꞌen be Yakꞌusda nohlubeshi nohba yunaꞌalhde, ꞌet nohni cha whuz unꞌa za ꞌilhone ꞌahli whe lhba ꞌun whutoolhdilh.

Colossians 3:13

Lhulh sooꞌ tsꞌintꞌoh, ꞌinkꞌez tsꞌiyantsuk lhba whunawhudulhneh. Nohtoh ꞌilhoghun ꞌuyoon kꞌehoonꞌai de, ntsꞌenꞌa Christ nohba whunaoodilhnoh, nohni cha whuz unꞌa za buba whunaoodoolhnoh.