Matthew 6:10 - Yak'usda Ooghuni

¹⁰ Whe lerwe inli-un, whusahooltsꞌit. Hukwaꞌ ninzun te, ndo honeh. Ndi yun kꞌut ꞌinkꞌez yakꞌuz cha, ndúhoneh.

Matthew 6:10 Iomraidhean Croise

Matthew 12:50

ꞋEt huwa sBá ꞌen yakꞌuz usda, yukꞌuneꞌ ꞌutꞌen-un, ꞌen sulhutsin, sulhtus, ꞌinkꞌez sloo ꞌuhintꞌoh!”

Matthew 16:28

Soo tsꞌihꞌun unꞌa nohdusni, whulohne njan núdilhyane, dahutitsah whutsꞌo Yinka Dune Yeꞌ whe lerwe unli-un, whuz unꞌa whuz de uyalh de, dahútitsa whutsꞌo huyuntilhꞌelh.”

Matthew 26:42

ꞋEt doo cha za whulh nat bugho whe naja tenadutidli ha. ꞋEt njan ndutni, “ꞋUBá ndi lubot ꞌaw sghu naóolhchoot ꞌaitꞌoh, ꞌi tsꞌiyawh usnaiꞌ ꞌet de za. Whuz unꞌa za hukwaꞌ ninzun de, ꞌet ndó honeh.”

Matthew 3:2

ꞋEt ꞌubulhni, “Noheni náhandunoohleh. Yakꞌuz kꞌuneꞌ whulꞌen-un nohtoh ꞌutitꞌelh-un, ꞌawet nilhdukw.”

Matthew 4:17

ꞋEt whutsꞌun Jesus dune bubulh yawhénilhduk whe ndubúlhni, “Noheni náhandunoohleh! Yakꞌuz kꞌuneꞌ whulꞌen-un ꞌawet nilhdukw suliꞌ.”

Matthew 7:21

“ꞋAw tsꞌiyanne, ‘SMoodihti, sMoodihti,’ sulhnine, ꞌaw yakꞌuz kꞌuneꞌ tsꞌuwhulꞌen-un whuz hutooyaꞌ ꞌaitꞌoh. Mbe la ꞌuBá butsꞌo hukwaꞌ ninzun tuneꞌ ꞌutꞌenne, ꞌenne za yakꞌuz tsꞌe hutidulh.

Mark 11:10

Netsodaꞌ David oolerwe keyoh ꞌet hoonzoo-un oogha holtsꞌit. NeMoodihti booziꞌ be whusawhútiltsꞌulh ꞌinka Yakꞌusda ba tsꞌodólhtiꞌ!”

Mark 3:35

Mbene la Yakꞌusda kꞌúneꞌ ꞌutꞌen unli-un, ꞌen sulhutsin, sulhtus, ꞌinkꞌez sloo cha ꞌuhintꞌoh.”

Luke 19:11

ꞋEt njan hidantsꞌo whe ꞌuyoo khuni be whútsꞌodulꞌeh-i be bubulh yawhénilhduk. Jerusalem whenghoh hidulh ꞌinkꞌez ꞌuhuninzun ndet Yakꞌusda whe lerwe unli-un, ꞌawet ꞌaho whe óodutaltsilh huninzun.

Luke 19:38

ꞋInkꞌez ꞌuhutni, “Lerwe ꞌen Moodihti booziꞌ be whusainya-un, ꞌukꞌenus hoonzoo-un oogha whultsꞌut! Ndo yakꞌuz whudutághel, ꞌinkꞌez ꞌudedo kꞌus whudutatiꞌ.”

Luke 22:42

ꞋEt ndutni, “ꞋUBá hukwaꞌ ninzun de, ndi be dzoh nutiszut-i sghu nahoolhchoot. ꞋEt hoontsꞌi ꞌaw si hukwaꞌ nuszun kꞌunꞌa iloh. Nyun hukwaꞌ ninzun kꞌunꞌa ꞌuhóneh!”

John 4:34

ꞋEt Jesus ubúlhni, “Mbe la whuz de sutilhꞌaꞌ-un, ndet stsꞌu húkwaꞌ ninzun, ꞌoh te neꞌóostꞌen ꞌinkꞌez be ꞌutꞌen lhadóosdleh huba ꞌuhoontꞌoh. Ndi ꞌi za sꞌalh-i ꞌuntꞌoh.

John 6:40

Mbene la Yakꞌusda ooYeꞌ tꞌeinínzunne ꞌinkꞌez ꞌen buba ꞌalhaꞌ ꞌuyintꞌohne, ꞌilhiz wheni huye khúna-i hitátꞌelh ꞌinkꞌez ꞌudekꞌez dzin de ꞌenne dunabudutásdlelh. Ndun whuz de sútilhꞌaꞌ-un njan ꞌet hukwaꞌ ninzun ꞌet huwa,” ubúlhni.

John 7:17

Mbene la Yakꞌusda yukꞌúneꞌtitꞌen hukwaꞌ ninzunne, ꞌenne la tꞌehonózin, ndi khuni Yakꞌusda ootsꞌu ha idiltsꞌut-i ꞌuntꞌoh, kꞌus sichꞌoh sghuni be tilah yasduk, ꞌet la tꞌehonózin.

Acts 13:22

ꞋEt Saul Yakꞌusda whusanáyalhti hukwꞌelhꞌaz ꞌet la David ꞌen bulerwe yulhtsi ꞌinkꞌez Yakꞌusda ꞌen yughun ndutni, ‘David Jesse ooyeꞌ ꞌen sdzi kꞌoh tsꞌe dune unli. Tsꞌiyantsuk whe skꞌúneꞌ titꞌen whe ꞌuntꞌoh.’

Acts 21:14

ꞋEt hoontsꞌi ꞌaw nekꞌoh tsꞌe lhéꞌinel ꞌinka, “Tꞌezdínel, ntsꞌenꞌa la neMoodihti hukwaꞌ ninzun kꞌunꞌa la ꞌahóneh,” tsꞌutni.

Acts 22:14

ꞋInkꞌez ndutni, ‘Netsodaꞌne buYakꞌusda ꞌen ꞌutahányalhti Yakꞌusda be ꞌutꞌen kꞌoh tꞌéoononzeh ꞌinkꞌez Jesus Christ ꞌen tsꞌihꞌun unꞌa yuba ꞌutꞌen-un cha onꞌen ꞌinkꞌez dichꞌoh cha nyulh yaóolhduk ha.

Romans 12:2

ꞋInkꞌez dune ꞌandit dzin dahíntꞌoh bubun dóhtꞌeꞌ hukwa oohtꞌen junih. ꞋEt kꞌus ꞌandit noheni ꞌutsꞌun unꞌa naꞌahleh. ꞋEt nduhtꞌen de, ꞌet la tꞌéwhunóhzin ndet la Yakꞌusda nohtsꞌu húkwaꞌ ninzun-un. Yakꞌusda be ꞌutꞌen kꞌoh tsꞌiyawh hoonzoo, tsꞌiyanne ba hoonzoo, ꞌinkꞌez tsꞌihꞌun unꞌa ꞌuhoontꞌoh.

Ephesians 6:6

Nohmoodih nohnilhꞌen whe ꞌahcha naꞌdudulhꞌi de, ꞌet whuz unꞌa ndahtꞌen iloh, kꞌus Christ be ꞌulhnane suhliꞌ whe ndet Yakꞌusda nohtsꞌu hukwaꞌ ninzun-un, ꞌet hukwꞌunꞌa oohtꞌen.

Colossians 1:13

NeBá ndi tsalhgus yo ulhtus-i tsꞌu ha náneanla, ꞌinkꞌez duYeꞌ yukꞌensiꞌ-un, ntsꞌe whulerwe unli-un, ꞌet nenáneninla.

Colossians 1:9

ꞋEt whula gha tsꞌe ꞌoh daꞌ ndet dzin whulh ꞌúzdantsꞌo, ꞌoh daꞌ whutsꞌun nohba tenazdudli-un ꞌaw ꞌetsul lheꞌtsꞌudísni. Whuz unꞌa Yakꞌusda nohba tsꞌoodulhkut whe nohtsꞌo hukwaꞌ ninzun-un, soo tsꞌihꞌun unꞌa tꞌewhunoohzeh. ꞋEt whe Ndoni ꞌen be, be whutnih-i ꞌinkꞌez be tꞌeoonudzun-i cha, ꞌi tsꞌiyawh ꞌi be dutíhbun.

1 Thessalonians 4:3

ꞋEt Yakꞌusda ba ꞌudun nenohninlane, lhghu lhdúlhtsꞌi whe lhulh nintaꞌoohtꞌen junih, ꞌet whuz unꞌa Yakꞌusda nohba hukwaꞌ ninzun.

1 Thessalonians 5:18

Tsꞌiyantsuk whe musi dahni. Jesus Christ ꞌen gha ꞌet whuz unꞌa Yakꞌusda nohtsꞌu hukwaꞌ ninzun ꞌet huwa.

Hebrews 1:14

ꞋEt ndunne lizasne, ꞌenne nudúdeh ꞌinkꞌez be ꞌustlenne ꞌuhintꞌoh. Yakꞌusda whébalhꞌaꞌ ꞌet de mbene la ndi bé uzdujis-i netsꞌu tíkulh, ꞌet huba neba neꞌutꞌenne ꞌuhintꞌoh.

Hebrews 10:36

ꞋEt njan ꞌet tsꞌiyawh oola doohtnih junih! ꞋEt Yakꞌusda nohtsꞌu hukwaꞌ ninzun-un, lhaoodihla de, ꞌet nóhtsꞌu nahizya-un, ꞌet nohgha whútakulh.

Hebrews 10:7

ꞋEt huwa njan dúdusni, ‘O Yakꞌusda ndi ꞌudustlꞌus sghun ꞌukꞌuneꞌ ꞌúsguz ꞌet ꞌalha ꞌuhoontꞌoh. Nyun hukwaꞌ ninzun-un te neꞌtistꞌen ꞌet huwa whusásya.’”

Hebrews 13:21

Yakꞌusda ookꞌuneꞌ ootꞌen nohoolhtselh whe nohba tenadutisdli. ꞋEt whe Yakꞌusda ntsꞌenꞌa nohtsꞌu hukwaꞌ ninzun-un, ꞌet tsꞌiyawh ooba ꞌoohooleh. ꞋInkꞌez ndai Yakꞌusda Jesus Christ be ꞌet nohba ꞌuwhulhꞌen-un, ꞌet ꞌuhóonla de, ꞌet whunílhcho whe hootátꞌeꞌ. ꞋEn za ꞌilhiz wheni ooba tsꞌodólhtiꞌ. ꞋEt ndo honeh.

1 Peter 2:15

ꞋEt whuz unꞌa Yakꞌusda hukwaꞌ ninzun-un, tsꞌihꞌun unꞌa neꞌahtꞌen de, ꞌi be whusni be yalhdukne buze whudánaꞌdohꞌalh.

1 Peter 4:2

ꞋAndit whutsꞌun ndi yun kꞌut dutaltsꞌilh, ꞌaw ꞌuyoonne bukꞌunꞌa lubeshi tsꞌúlhtsꞌunoostꞌi. ꞋEt kꞌus Yakꞌusda netsꞌo hukwaꞌ ninzun hukwꞌunꞌa za tsꞌukhoonaꞌ hubaꞌ hoontꞌoh.

Revelation 11:15

ꞋEt ꞌawet whúlh lhtakꞌantꞌit-un lizas be tsꞌújih-i be ꞌudíja. ꞋEt yakꞌuz tsꞌe lhane tube njan duhutni, “Ndi yun kꞌut lerwene bukeyoh neMoodihti ꞌinkꞌez ooChrist, buchꞌeꞌ whuzdliꞌ. ꞋInkꞌez ꞌilhiz ꞌinkꞌez ꞌilhiz wheni lerwe tileh.”

Revelation 12:10

ꞋEt ndo yakꞌuz tsꞌe tube cho njan nduhudija, “ꞋAwet be ꞌuzdutijih-i, ꞌinkꞌez be tsꞌilhtus-i, ꞌinkꞌez Yakꞌusda lerwe unli-un, ꞌinkꞌez ooChrist moodih tileh-un whusahóoltsꞌut. Netsudule mbe la neulhutsinke bukꞌehoꞌalh-un, ꞌen ndi yun kꞌéhininyoot ꞌet huwa. Netsudule ꞌen ꞌutꞌen Yakꞌusda but uzyin whe dzin ꞌinkꞌez ꞌulhdzis ibulh neulhutsinke bukꞌu whulhꞌaih-un.

Revelation 19:6

ꞋEt whudustsꞌo ꞌantsꞌi dune lhane ꞌilhoh yahatilhduk leꞌ hutni. ꞋAntsꞌi natájilh kꞌunꞌa ꞌuwhutni. ꞋInkꞌez tube cho ditni dutni léꞌwhutni, whe njan duhútni, “Yakꞌusda uzdólhtiꞌ! NeMoodihti Yakꞌusda ꞌukꞌenus ulhtus-un, ꞌen tsꞌiyantsuk kꞌuneꞌ whulꞌen ꞌet huwa.

Revelation 20:4

ꞋEt kwꞌutsꞌuzda cho diztiꞌ-i lhai tísꞌen. ꞋInkꞌez yukꞌudilhtsꞌine, ꞌenne dune ba nahutiyeh-un, ꞌet bughá whuntꞌai. ꞋEt ndunne Jesus ooghuni ghu yalhdukne, ꞌinkꞌez Yakꞌusda ooghuni cha, ꞌet huwa ꞌenne ꞌoh daꞌ butsi kꞌunónutselh. ꞋInkꞌez mbene nyoo khuna-iti ntsiꞌ-i kꞌus ookꞌeyíltsi-i tsꞌun tenelheꞌnílhdzilne, ꞌinkꞌez mbene oonutsi be buninta kꞌus bula kꞌut bukꞌulheꞌíguzne, ꞌenne tsꞌiyawh buzul nusꞌen. ꞋEnne nahukhítnaꞌ ꞌinkꞌez 1,000 yus kꞌut ndúwhulyiz whe Christ ꞌen bulh moodih hinli.