Matthew 6:1 - Yak'usda Ooghuni

¹ “Huwahli! Khun telꞌenne ghaꞌ tihꞌalh de, tsꞌet whucho ndóhtꞌen junih. Ndahtꞌen de, nohBá yakꞌuz usda-un, ꞌaw nohba; ꞌukꞌelha hoolhtselh ꞌaitꞌoh.

Matthew 6:1 Iomraidhean Croise

Matthew 16:27

Yinka Dune Yeꞌ whusatiyalh, ooBá ye diztiꞌ-i ꞌinkꞌez oolizas, bubulh, whusatiyalh whe tsꞌiyanne dahitꞌen, whuz unꞌa ꞌilhone whe buba kꞌelha whutilhtselh.

Matthew 16:6

ꞋEt Jesus ꞌubulhni, “Kahdli ndunne Phariseene ꞌinkꞌez Sadduceene cha, ꞌenne bules untuldoh-i chꞌa.”

Matthew 23:13

ꞋEt hoontsꞌi nohni Moses be ꞌudustlꞌus ꞌukꞌu nunáguzne nohni Phariseene cha, duba naꞌudzooꞌne ꞌahtꞌoh! Dawhultsiꞌ-un ꞌet nohtsꞌu hóoltsꞌulh. Lerwe yakꞌuz usda-un, ꞌet whudáti dune chꞌa dánaꞌ dihtan. Nohnichꞌoh daóohyaꞌ ꞌaitꞌoh. ꞋInkꞌez mbene la whuz ꞌudulhne, ꞌenne cha ꞌaw dábohlelh ꞌaitꞌoh.

Matthew 23:5

ꞋUtꞌen ꞌuhuyulhꞌen-i, ꞌi hiyoonne yunoolhꞌen huba za ꞌuhuyulhꞌen. ꞋInkꞌez Yakꞌusda ooghuni zus, Phylacteries huyulhni, ꞌon nus ncha huyilhꞌi tsꞌiyanne hinoolhꞌen ha. ꞋInkꞌez luglok tenahududli te nahuyitsꞌuz-i, ꞌi cha ootso ꞌon nus ꞌudilyiz nahuyulhtsih.

Matthew 25:40

ꞋEt lerwe njan ndúbudutanelh, ‘Ꞌalha ꞌi be nohdusni, ndunne sulhutsinke, ꞌaw nchane lhiloh, ꞌenne ꞌilhoghun hoontsꞌi whuz unꞌa ꞌet ndúbahla de, si ꞌusáhla wheꞌ hoontꞌoh.’

Matthew 5:16

Dune ba be hootꞌen-i ꞌahli. ꞋI be nohꞌeꞌutꞌen unzoo-i dune huyuntilhꞌelh ꞌinkꞌez nohBá yakꞌuz usda-un hidutálhtiꞌ.”

Matthew 5:46

Mbene nohkꞌensiꞌne, ꞌenne za bukꞌehtsiꞌ de, di suba nohgha óokat? Ndunne sooniya nalhdzoohne, ꞌenne cha whuz unꞌa za nduhutꞌen.

Matthew 5:48

ꞋEt huwa nohBá yakꞌuz usda-un, ꞌen dantꞌoh whe tsꞌihꞌun ꞌuntꞌoh, ꞌet nohni cha whuz unꞌa za oohtꞌeꞌ hubaꞌ hoontꞌoh.”

Matthew 6:16

“ꞋEt ndet soo hóotahnih de, duba naꞌudzooꞌne bukꞌunꞌa oohtꞌeꞌ junih. Ndutꞌenne dudzi yo ꞌuhilhdzun naꞌhududilꞌi wheꞌ hintꞌoh. ꞋInkꞌez dunin be teꞌhududilꞌen ꞌinkꞌez dzoh nuhuzut naꞌhududilꞌi. ꞋEt whuz unꞌa ꞌuyoonne whúbonulhtun ntsꞌenꞌa la soo huhooni hukwꞌunꞌa. ꞋAlhaꞌ whe nohdusni, mbe la ndutꞌenne buba ꞌukꞌelha yutaleh-i, ꞌudaꞌ buba kꞌelha whuzdliꞌ wheꞌ hintꞌoh.

Matthew 6:9

ꞋInka ndiz unꞌa tenadoohdli, ‘NeBá yakꞌuz sinda. Nyooziꞌ dótiꞌ.

Mark 8:15

ꞋEt Jesus bugha ꞌutni whe, “Huwohleꞌ, ꞌahoolhyiz khuhdli Phariseene ꞌinkꞌez Herod bules untuldoh-i chꞌa,” ubúlhni.

Luke 11:35

ꞋEt huwa be nohyustꞌe be hootꞌen-i ꞌahli, khun te nohyustꞌe tsalhgus naoodleꞌ junih. ꞋEt whuchꞌa huwohleꞌ!

Luke 12:1

ꞋOh daꞌ whe lhane dune ꞌilhuhozdil. Huldlai kꞌet lhkꞌunuhúdilh chaꞌ hutꞌen. Mbene la yugha hodulꞌehne, ꞌenne cho ndubulhni, “Phariseene bules be untuldoh-i, ꞌi chꞌa soo cho howahli. ꞋI dune nalh ye dúba naꞌudzooꞌ-i, ꞌi ꞌuntꞌoh.

Luke 12:15

ꞋInkꞌez Jesus ꞌubulhni, “Huwahli! ꞋUyoon dune chꞌeꞌ haꞌ noohzin junih! Dune daltsuk hoonli yutꞌi ndi yun kꞌut, ꞌohwhi ꞌantsꞌi ꞌúntꞌoh whe ꞌuntꞌoh.”

Luke 16:15

ꞋInka ꞌubulhni, “Dune toh tsꞌihꞌun ꞌuntꞌohne naꞌdudulhꞌi, ꞌet hoontsꞌi Yakꞌusda nohdzi dantꞌoh la tꞌeooninzun. Di la dune ba díztiꞌ-i, ꞌi Yakꞌusda yutsꞌu dutni whe ꞌuntꞌoh.

John 12:43

ꞋEnne dune ubudílhtiꞌ-un, ꞌet Yakꞌusda ubúdutálhtiꞌ-un whanus huhóontꞌiꞌ.

John 5:44

Nohnichꞌoh nohtoh lhudúlhtiꞌ. ꞋEt hoontsꞌi, ndai la be ꞌúzdilhtiꞌ-i Yakꞌusda didutchꞌoh ootsꞌu haídiltsꞌut-i, ꞌi ꞌaw ookúlhnuzahtoh, ꞌet huwa ntsꞌenꞌa nohba ꞌalhaꞌ whutatꞌelh?

Acts 3:12

ꞋEt Peter ꞌubunilhꞌen ꞌinkꞌez ubúlhni, “Israel ootsꞌu hainzutne, di ha nenulhꞌen ꞌinkꞌez whe nóhgha ꞌunjaz? ꞋAw whenichꞌoh be tsꞌinzoo kꞌus be tsꞌílhtus ꞌi gha iloh ndun dune nuya natsꞌúlhtsi.

Galatians 6:12

ꞋEt mbene la ooyustꞌe ꞌet huba soo ꞌuldzooꞌne, ꞌenne ꞌet hukwaꞌ hutꞌen, ꞌenne ꞌuhintꞌoh, nohni ooka dune ꞌahli-i kꞌut nohotitꞌus whutsꞌu nohonilhtꞌi. ꞋEt njan huwa hutꞌen, Christ tulalhgus kꞌut neba dazsai-un huwa yatsꞌulhduk-un, ꞌet huwa dzoh nunéhulhdzut, ꞌet whuchꞌa neꞌhootꞌen-un hukwaꞌ hutꞌen.

Hebrews 11:26

Christ ꞌen gha ndunne Egypt whutꞌenne, Israel tsꞌu haindene buchꞌaz yahalhduk. ꞋEt Moses nduninzun buchꞌaz yahalhduk-un, ꞌet Egypt whulerwe daltsuk sooniya, ꞌi tsꞌiyawh ba nus yinzoo. Yakꞌusda oochꞌeꞌne buba ꞌukꞌelha whutaleh-un, ꞌet buba neóoninꞌai, ꞌet huwa ꞌet dúhoontꞌoh-un za Moses hukwa itísꞌen.

Hebrews 2:1

ꞋEt huwa Yakꞌusda ooghuni ndet whulh ꞌúzdantsꞌo-un, ꞌet soo tsꞌihꞌun unꞌa tsꞌuhotun ꞌinkꞌez nedzi yo netsꞌú hoꞌalh doo ka la ookwꞌúneꞌ tsꞌutꞌen-un whulazdootni.

Hebrews 6:10

Yakꞌusda oochꞌeꞌne, ꞌenne nohni ooba neꞌútꞌenne ꞌahli ínleꞌ, ꞌinkꞌez ꞌawhuz ꞌet za nduhtꞌen. Nohꞌeꞌutꞌen ꞌinkꞌez Yakꞌusda ookꞌehsiꞌ whe ꞌahtꞌen, ꞌet tsꞌiyawh Yakꞌusda whunilhꞌen. Yakꞌusda tsꞌihꞌun unꞌa ꞌuntꞌoh, ꞌet huwa ꞌaw whunaoodoolnoh ꞌaitꞌoh.

2 John 1:8

Nohnichꞌoh khahdli! Ndai ꞌutꞌen beni ꞌutsꞌitꞌen-i ninta tsꞌoolelh whuchꞌa. ꞋEt de la soo cho neba ꞌukꞌelha hóleꞌ.