Matthew 5:9 - Yak'usda Ooghuni

⁹ Mbe la tsꞌihꞌun lhtsꞌun ꞌuhootꞌeꞌne, ꞌenne Yakꞌusda buzkeh ubodutánelh. ꞋEnne ꞌukꞌenus hoonzoo-un bughá whultsꞌut.

Matthew 5:9 Iomraidhean Croise

Matthew 5:45

ꞋEt de la whunúlhtun nohBá yakꞌuz usda-un, buzkeh ꞌahli whe ꞌahtꞌoh. Yakꞌusda sa ntsiꞌne ꞌinkꞌez unzoone sa bukꞌidindi. Tsꞌihꞌun ꞌuntꞌohne ꞌinkꞌez tsꞌihꞌun lheꞌitꞌohne cha lhgha bukꞌut nawhúlhtih.

Matthew 5:48

ꞋEt huwa nohBá yakꞌuz usda-un, ꞌen dantꞌoh whe tsꞌihꞌun ꞌuntꞌoh, ꞌet nohni cha whuz unꞌa za oohtꞌeꞌ hubaꞌ hoontꞌoh.”

Luke 20:36

ꞋAw doo cha yahódlah ꞌaitꞌoh. Yakꞌusda buzkeh huzdliꞌ ꞌinkꞌez lizasne bubulh hulhgha ꞌuhintꞌoh. ꞋEnne dujihne ꞌuhintꞌoh.

Luke 6:35

ꞋEt hoontsꞌi nohchꞌaz ditnine bukꞌeoohsiꞌ, ꞌinkꞌez soo neꞌboolhꞌen. Bughe ꞌoolhlaꞌ ꞌinkꞌez hoonli nohtlꞌunátiltsꞌulh hukwa tse hólhleꞌ junih. ꞋInkꞌez hooncha whe nohba kꞌelha whutaleh. ꞋEt mbe la yakꞌuz soo ꞌudedo ꞌuntꞌoh-un, ꞌen ooyeꞌke tihleh. ꞋAlhaꞌ mbene la musi lhdusnine ꞌinkꞌez ntsiꞌne cha, tsꞌiyawh butsꞌun unzoo.

Acts 7:26

ꞋEt ꞌom bun dzin ꞌet la nane Israel ootsꞌu hainzutne lhehútꞌus ꞌet la, ‘Dah!’ ubúlhni, ‘Soo zúlhtsꞌai sulh dune lhulhutsin ꞌahli, di ha lhéhtꞌus?’ ubúlhni.

Romans 12:18

Ndet la soo ꞌon ꞌun oohneh ꞌaítꞌoh whe tsꞌiyanne dune tsꞌihꞌun unꞌa lhtsꞌun oohtꞌeꞌ.

Romans 8:14

Kꞌus mbene la Ndoni butsꞌu húkwaꞌ ninzun hukwꞌunꞌa ꞌuhutꞌenne, ꞌenne Yakꞌusda ooduneꞌ hinli.

Romans 8:16

Ndoni ꞌen ꞌuntꞌoh neyughi whubunulhtun, wheni Yakꞌusda buzkeh tsꞌinli.

Romans 8:19

Ndai la Yakꞌusda ꞌuyinla-i, tsꞌiyawh duduneꞌne whubuntilhtun-un, ꞌet soo hukwa tse húhoolih.

1 Corinthians 6:6

ꞋEt hoontsꞌi lheꞌahja! ꞋIlhoghun dune dulhutsin ooba nahutideh tsꞌe yoolhti. Ndunne nahiyilhne ooba ꞌalhaꞌ lheꞌhootꞌohne hoontsꞌi bubut nenilhti?

2 Corinthians 13:11

Sulhutsinke ꞌudekꞌez nohdusni. Whunólhni! Soo tsꞌihꞌun unꞌa lhadulyane tihleh. Yakꞌusda kꞌenaíninꞌane tihleh. ꞋIlho za noheni tihleh. Whudizghel-i, ꞌi be ndi yun kꞌut dúlhtsꞌi. ꞋInkꞌez Yakꞌusda, mbe nekꞌensiꞌ-un, ꞌinkꞌez nedzi bé dizghel-i negha íninꞌai-un, ꞌen nohbulh óotꞌeꞌ.

2 Corinthians 5:20

ꞋEt huwa Christ ꞌen ba khuni naꞌáne tsinli. Yakꞌusda wheni nebe nohbulh yálhduk leꞌ ꞌutni. ꞋEt whe nohtsꞌun tézdudli, ꞌandit whutsꞌun soo Yakꞌusda tsꞌun naóolhyeh!

Galatians 5:22

ꞋEt hoontsꞌi Ndoni nebaꞌ yinla-i, ꞌi ꞌuntꞌoh, be lhkꞌetsꞌusiꞌ-i, be tsꞌónilhni cha, be nédzi dizghel, hoonli talhtsꞌodini-un, ꞌinkꞌez ꞌuyoonne tsꞌun tsꞌínzoo ꞌi cha. ꞋEt tsꞌiyaitsuk unzoo-i ꞌutsꞌulhꞌen, Yakꞌusda neba ꞌalhaꞌ ꞌuntꞌoh-un cha.

Ephesians 4:1

Si, neMoodihti ooba ꞌadinꞌai-un ꞌustꞌoh. Njan Yakꞌusda dutihjih ha nohkaꞌ daniꞌ, ꞌet huba soo ꞌúlhdzooꞌ whe whuz toohdilh, ꞌet nohtsꞌu hukwaꞌ dusni.

Philippians 4:2

Nohni tsꞌekoo Euodia ꞌinkꞌez Syntyche, nohghu tedusdli, neMoodihti ꞌen be lhkꞌunꞌa za nuni nuhzut.

Colossians 3:13

Lhulh sooꞌ tsꞌintꞌoh, ꞌinkꞌez tsꞌiyantsuk lhba whunawhudulhneh. Nohtoh ꞌilhoghun ꞌuyoon kꞌehoonꞌai de, ntsꞌenꞌa Christ nohba whunaoodilhnoh, nohni cha whuz unꞌa za buba whunaoodoolhnoh.

Hebrews 12:14

Tsꞌiyanne butsꞌun tsꞌihꞌun unꞌa lhtsꞌun oohtꞌeꞌ hukwaꞌoohtꞌen. Lubeshi ooghu hoolohne dune oohleꞌ hukwaꞌoohtꞌen. ꞋAw ꞌet de za neMoodihti uztiꞌelh.