Matthew 5:8 - Yak'usda Ooghuni

⁸ Mbene la oodzi dutsun lhilohne, ꞌenne kꞌat le Yakꞌusda hutiꞌelh ꞌet huwa ꞌenne ꞌukꞌenus hoonzoo-un bughá whultsꞌut.

Matthew 5:8 Iomraidhean Croise

Genesis 32:30

ꞋInkꞌez Jacob nyoo boozi, “Penuel,” whulhni, “Yakꞌusda soo oonin tsꞌe ꞌusꞌen ꞌinkꞌez ꞌaw dalhusnel,” ni ꞌet huwa.

Acts 15:9

Wheni Lizwifne tsinli ꞌinkꞌez ꞌenne ꞌudun yun kꞌut whutꞌenne hinli ꞌet hoontsꞌi ꞌaw lhelhtsꞌun unꞌa lheneꞌílhdzun. ꞋEt whe ndunne Jesus Christ buba ꞌalha ꞌuhoontꞌoh suliꞌ ꞌet huwa bulubeshi bubunayalhde.

1 Corinthians 13:12

ꞋEt be náꞌuzdunulꞌen be dzoh naꞌdunuzꞌen léꞌustꞌoh. ꞋEt ꞌawet whusahooltsꞌut de, ꞌet whuzisꞌen-un, ꞌet soo tsꞌihꞌun ntsꞌenꞌa la tsꞌunulꞌen, ꞌet whuz unꞌa tsꞌuhooꞌen suliꞌ. ꞋEt ꞌawet whulukhun za tꞌeóonúszun ꞌet hoontsꞌi ndet la whusahooltsꞌut de, ꞌet de ntsꞌenꞌa la Yakꞌusda tꞌesunínzun, ꞌet si cha whuz unꞌa za tsꞌiyantsuk tꞌewhuntiszeh.

2 Corinthians 7:1

ꞋEt huwa ookꞌesiꞌne soo zúlhtsꞌai, ndi yé netsꞌu nahizya-i, ꞌi neghun hoonli. ꞋEt huwa neyustꞌe ꞌinkꞌez neyughi ꞌi ndai lubeshi be dutsun suliꞌ, ꞌi tsꞌiyawh bunaꞌtsꞌoolhdeh. Yakꞌusda ꞌen bé uznuljut huwa ꞌet ꞌi be ndi lubeshi ooghu hooloh-un, tsꞌooleꞌ.

Titus 1:15

ꞋEt mbene la buyo tsꞌe lhoditsunne, ꞌenne hoonli buba me lhiloh. ꞋEt hoontsꞌi mbene la budzi dutsun suliꞌne, ꞌinkꞌez buba ꞌalhaꞌ lheꞌhóotꞌohne, tsꞌiyai buba me yinli. ꞋInkꞌez bubeni ꞌinkꞌez buyo tsꞌe ꞌi gha tꞌetsꞌoninzun-i, ꞌi tsꞌiyai dutsun whe ꞌuntꞌoh.

Hebrews 10:22

ꞋEt huwa wheni cha soo cho neba ꞌalha ꞌootꞌeꞌ ꞌinkꞌez nedzi tsꞌihꞌun ꞌuntꞌoh whe ootsꞌúztooyaꞌ. ꞋInkꞌez duzkaiꞌ be ꞌudaꞌ nedzi tunayuzguz. ꞋI be ndet neyo tsꞌe oogha tꞌetsꞌoninzun-i whudutsun-un neba whunaꞌalhde. ꞋInkꞌez neyustꞌe too unzoo-i be tunásguz leꞌ tsꞌootꞌeꞌ.

Hebrews 12:14

Tsꞌiyanne butsꞌun tsꞌihꞌun unꞌa lhtsꞌun oohtꞌeꞌ hukwaꞌoohtꞌen. Lubeshi ooghu hoolohne dune oohleꞌ hukwaꞌoohtꞌen. ꞋAw ꞌet de za neMoodihti uztiꞌelh.

Hebrews 9:14

ꞋEt hoontsꞌi Christ ꞌen dichꞌoh duduzkaiꞌ ꞌi be ꞌon nus dáwhulcho whe neyo tsꞌe oogha tꞌetsꞌoninzun-i ꞌet tsꞌiyawh neba whunaꞌalhde. ꞋUtsꞌulhꞌen-i, ꞌaw nela ꞌootꞌen ꞌaitꞌoh, ꞌantsꞌet ꞌuhoontꞌoh. ꞋEt huwa Yakꞌusda, mbe la khuna-un, ooba néꞌtsꞌootꞌen hubaꞌ hoontꞌoh. Christ ꞌen ꞌuja ꞌaw hoonliyaz bulh lhodíꞌoh whe Ndoni mbe la ꞌilhiz khuna-un, ꞌen be Yakꞌusda yutlꞌaꞌ dudilti, neba datítsah ha.

James 3:17

ꞋEt hoontsꞌi ndus de be whutnih-i, ꞌudechoo-i netsun hooloh neilhꞌi, ꞌinkꞌez nedzi dizghel cha yulhtsi, ꞌinkꞌez nánilhtsulyaz néꞌtsꞌutꞌen. ꞋEt whe ꞌuyoonne hukwaꞌ huninzun kꞌunꞌa bugha tsꞌúwhunle. Be teꞌ nudzun-i, cha ꞌuztitꞌelh, ꞌinkꞌez ꞌuyoonne ba cha ꞌutꞌen unzoo-i ꞌutsꞌoolhꞌen. ꞋInkꞌez tsꞌiyanne lhgha za nebutsꞌoolhꞌen, ꞌinkꞌez ꞌaw nawh lheꞌtsꞌunizun whe neꞌtsꞌootꞌen.

James 4:8

Yakꞌusda be nghoh nenahya de, ꞌet de Yakꞌusda didut cha nohenghoh netiyalh. Nohni nintaꞌutꞌihne, ꞌet whuchꞌa nohla tunáhgus. Nohni nawh ninidohne, nohdzi ootsun hooloh naoolhtselh.

1 Peter 1:22

Ndoni ꞌen be ndi khuni ꞌalhaꞌ ꞌuntꞌoh-i, ꞌi ookꞌuneꞌ ꞌahtꞌen, ꞌi be nohdzi ꞌaw lubeshi ooghu hooloh sulhtsi. Nohdzi ndulcho-i be ooba ꞌalha ꞌuhoontꞌohne bukꞌehsiꞌ. Nohdzi ꞌaw lhdutsun whe ꞌilhoghun ꞌahli whe soo cho lhkꞌeoohsiꞌ.

Revelation 22:4

Hinin hiyuntilhꞌelh, ꞌinkꞌez booziꞌ buninta hukwꞌu dutaꞌalh.