Matthew 5:48 - Yak'usda Ooghuni

⁴⁸ ꞋEt huwa nohBá yakꞌuz usda-un, ꞌen dantꞌoh whe tsꞌihꞌun ꞌuntꞌoh, ꞌet nohni cha whuz unꞌa za oohtꞌeꞌ hubaꞌ hoontꞌoh.”

Matthew 5:48 Iomraidhean Croise

Genesis 17:1

ꞋEt Abram ꞌen ꞌilho hooloh whunizyai ꞌon ꞌat ꞌilho hooloh (99) nawhudizut whe, Moodihti (Yahweh) yunalhtsꞌet hainya ꞌinkꞌez ꞌuyulhni, “Yakꞌusda ꞋUkꞌenus ꞋUltus-un (El Shaddai) ꞌustꞌoh, stso inyalh ꞌinkꞌez ꞌaw hoonli nkꞌelhuholhtsꞌit.

Matthew 5:16

Dune ba be hootꞌen-i ꞌahli. ꞋI be nohꞌeꞌutꞌen unzoo-i dune huyuntilhꞌelh ꞌinkꞌez nohBá yakꞌuz usda-un hidutálhtiꞌ.”

Matthew 5:45

ꞋEt de la whunúlhtun nohBá yakꞌuz usda-un, buzkeh ꞌahli whe ꞌahtꞌoh. Yakꞌusda sa ntsiꞌne ꞌinkꞌez unzoone sa bukꞌidindi. Tsꞌihꞌun ꞌuntꞌohne ꞌinkꞌez tsꞌihꞌun lheꞌitꞌohne cha lhgha bukꞌut nawhúlhtih.

Matthew 5:47

ꞋInkꞌez nohulhutsinke, ꞌenne za hadih budahni de, ꞌet ꞌuyoonne anus ahzoo naꞌdunáhzun eh? Sooneya nalhdzoohne, ꞌenne cha whuz unꞌa za nduhutꞌen.

Luke 6:36

ꞋInka nohBá ntsꞌenꞌa la teꞌninzun, nohni cha whuz unꞌa za teꞌnoohzin.”

Luke 6:40

Hodulꞌeh-un ꞌinkꞌez whuyodulhꞌeh-un ꞌaw yando lheꞌítꞌoh. ꞋEt hoontsꞌi tsꞌihꞌun unꞌa hodilꞌehne hubodalhꞌeꞌ-un kꞌunꞌa ꞌuhutitꞌelh.

2 Corinthians 13:11

Sulhutsinke ꞌudekꞌez nohdusni. Whunólhni! Soo tsꞌihꞌun unꞌa lhadulyane tihleh. Yakꞌusda kꞌenaíninꞌane tihleh. ꞋIlho za noheni tihleh. Whudizghel-i, ꞌi be ndi yun kꞌut dúlhtsꞌi. ꞋInkꞌez Yakꞌusda, mbe nekꞌensiꞌ-un, ꞌinkꞌez nedzi bé dizghel-i negha íninꞌai-un, ꞌen nohbulh óotꞌeꞌ.

2 Corinthians 13:9

ꞋEt wheni tetsꞌutsun ꞌinkꞌez nohni ulhtusne ꞌahli de, wheni tsꞌuhóontꞌiꞌ. ꞋInkꞌez soo tsꞌihꞌun unꞌa lhadíntꞌohne tihle, ꞌet whuz unꞌa nohba tenazdudli.

2 Corinthians 7:1

ꞋEt huwa ookꞌesiꞌne soo zúlhtsꞌai, ndi yé netsꞌu nahizya-i, ꞌi neghun hoonli. ꞋEt huwa neyustꞌe ꞌinkꞌez neyughi ꞌi ndai lubeshi be dutsun suliꞌ, ꞌi tsꞌiyawh bunaꞌtsꞌoolhdeh. Yakꞌusda ꞌen bé uznuljut huwa ꞌet ꞌi be ndi lubeshi ooghu hooloh-un, tsꞌooleꞌ.

Ephesians 3:1

ꞋEt whula gha tsꞌe Si Paul nohni ꞌudun yun kꞌut whutꞌenne nohba Christ Jesus ꞌen ba ꞌustꞌen. ꞋEt huwa ꞌadinꞌai-un usdli.

Colossians 1:28

ꞋEn ghun tsꞌiyanne bulh yatsꞌulhduk. Be whutnih-i, ꞌi be tsꞌiyanne bugha tsꞌútni, ꞌinkꞌez tsꞌiyawh whubutsꞌodulhꞌeh. ꞋEt whe tsꞌiyanne Christ Jesus ꞌen be lhadulyane ꞌuhootꞌeꞌ. ꞋEt whuz unꞌa za ꞌuhintꞌoh whe neBá ootsꞌun buztilelh.

Colossians 4:12

Epaphras ꞌen cha nohbulh ꞌilhoghun ꞌuntꞌoh, ꞌinkꞌez hadih nohúlhni. Christ ooba ꞌulhna ꞌuntꞌoh. Soo kꞌus hooncha whe nohba tenadudli. ꞋEt whe Yakꞌusda nohtsꞌun hukwaꞌ ninzun-un, tsꞌihꞌun unꞌa ꞌen ba nudútalhyalh ꞌinkꞌez lhadúlyane cha tihleh.

James 1:4

Yakꞌusda ba ulhtusne suhliꞌ, tsꞌihꞌun unꞌa tsꞌiyawh hodoolhꞌeh. ꞋEt de la Yakꞌusda ba lhadúlyane oohleꞌ. ꞋInkꞌez tsꞌihꞌun unꞌa ꞌutꞌen kꞌoh lhaóodahla. Yakꞌusda ba hoonliyaz whuyit lheꞌáhnel.

1 John 3:3

ꞋInkꞌez mbene whuz unꞌa hitsꞌun hukwa tse hooline, dutsun hooloh naꞌhudutiltselh, dantꞌoh la ootsun hooloh, whuz unꞌa.