Matthew 5:46 - Yak'usda Ooghuni

⁴⁶ Mbene nohkꞌensiꞌne, ꞌenne za bukꞌehtsiꞌ de, di suba nohgha óokat? Ndunne sooniya nalhdzoohne, ꞌenne cha whuz unꞌa za nduhutꞌen.

Matthew 5:46 Iomraidhean Croise

Matthew 11:19

ꞋEt Yinka Dune Yeꞌ, dune taninya ꞌaꞌalh ꞌinkꞌez tatnaiꞌ, ꞌinkꞌez ꞌuhutni, ‘Nyoon oocha hooncha ꞌinkꞌez tsꞌekoo tooꞌ ꞌutnai. Sooneya nalhdzoohne ꞌinkꞌez lubeshi ꞌulhꞌenne, bukꞌeke unli,’ dáhni. ꞋEt hoontsꞌi Yakꞌusda gha whunih suliꞌne, ꞌenne tsꞌiyawh hiye whunih-i, ꞌi be tsꞌihꞌun ꞌuhintꞌoh suliꞌ.”

Matthew 18:17

ꞋInkꞌez ꞌaw lhunoh oozílhtsꞌai de, ꞌet de Yakꞌusda ba ꞌilhunaoodulhne cha budóhni. ꞋEnne cha ꞌaw lhuboozílhtsꞌai de, ꞌet de mbe la ꞌaw ooba ꞌalha lheꞌhootꞌoh-un kꞌus mbe la sooniya ꞌilhunaoosꞌaih-un, ꞌet ndun lubeshi be ndulhyo ꞌuja-un, ꞌen ꞌenne bukꞌunꞌa noolhꞌen.

Matthew 5:47

ꞋInkꞌez nohulhutsinke, ꞌenne za hadih budahni de, ꞌet ꞌuyoonne anus ahzoo naꞌdunáhzun eh? Sooneya nalhdzoohne, ꞌenne cha whuz unꞌa za nduhutꞌen.

Matthew 6:1

“Huwahli! Khun telꞌenne ghaꞌ tihꞌalh de, tsꞌet whucho ndóhtꞌen junih. Ndahtꞌen de, nohBá yakꞌuz usda-un, ꞌaw nohba; ꞌukꞌelha hoolhtselh ꞌaitꞌoh.

Mark 2:15

Hukwꞌelhꞌaz Levi ooyoh lhanne sooniya nalhdzóohne ꞌinkꞌez lubeshi ꞌulhꞌenne, Jesus yugha hodulꞌehne cha ꞌet bula naꞌutꞌalh.

Mark 2:16

ꞋEt Moses beꞌ ꞌudustlꞌus ꞌukꞌu nunáguzne ꞌinkꞌez Pharisee didowhne, Jesus hinilhꞌen lubeshi ꞌulhꞌenne, ꞌinkꞌez sooniya nalhdzóohne bula naꞌutꞌalh. Phariseene Jesus yugha hodulꞌehne hubuhoodulhkut, “Dáhoontꞌoh huwa nduntꞌóhne bula ꞌaꞌalh?”

Luke 15:1

ꞋEt sooniya nalhdzoohne ꞌinkꞌez lubeshi ꞌulhꞌenne cha tsꞌiyawh Jesus huyootuzálhtsꞌilh ha highu nindil.

Luke 18:13

ꞋEt ndun sooniya ꞌilhunaoosꞌaih-un, ꞌen cha ꞌudun usyin. ꞋAw ndo hoontsꞌi yutóꞌen ꞌaitꞌoh ꞌinkꞌez yo nilhꞌai. ꞋInkꞌez dudzi kꞌut hoolhchis, ‘Yakꞌusda sgha teꞌninzeh! Lubeshi ꞌulhꞌen-un ꞌustꞌoh,’ ni.”

Luke 19:2

ꞋInkꞌez ꞌet ꞌilhoghun dune ꞌen ꞌet usda, Zacchaeus huyulhni. ꞋEn sooniya ꞌilhunaoosꞌaihne bumoodih, ꞌinkꞌez soo dinꞌa-un.

Luke 19:7

ꞋEt tsꞌiyanne hinalhꞌen whe whutsꞌo disnih, ꞌinkꞌez howu yahalhduk, “Lubeshi ꞌulhꞌen-un, ꞌen zih tidalh.”

Luke 3:12

Sooneya ꞌilhunaoosꞌaihne cha too beꞌ hutilnelh ha hitsꞌu whusaindil whe huyoodulhkut, “Whuneodulhꞌeh-un ntsꞌenꞌa daztinelh.”

Luke 5:29

ꞋEt Levi duyoh tsꞌe Jesus ba hooncha whe dune gha náꞌuntai. ꞋEt sooniya ꞌilhunaoosꞌaihne huldlai. ꞋInkꞌez ꞌuyoonne cha lhane bubulh ꞌet dilhtsꞌi.

Luke 5:30

ꞋEt Moses be ꞌudustlꞌus ꞌukꞌu nunáguzne ꞌinkꞌez Phariseene, didutchꞌoh highu yalhduk ꞌinkꞌez Jesus yugha hodulꞌehne, ꞌubuhútni, “ꞋEt nyoonne sooniya ꞌilhunaoosꞌaihne ꞌinkꞌez lubeshi ꞌulhꞌenne, di ha bubulh áhꞌalh ꞌinkꞌez bubulh ꞌáhtnai?”

Luke 7:29

Tsꞌiyanne dune ꞌinkꞌez sooniya nalhdzoohne, Jesus daja ni hidantsꞌo whe Yakꞌusda buba ꞌalhaꞌ yija, John too beꞌ balhꞌen ꞌet huwa.

Luke 7:34

ꞋEt Yinka Dune Yeꞌ whusainya, ꞌaꞌalh ꞌinkꞌez ꞌutnai. ꞋEt ꞌudáhni, ‘Ndun dune oocha hooncha ꞌinkꞌez tanutnai. Sooneya ꞌilhunaoosꞌaihne ꞌinkꞌez lubeshi ꞌulhꞌenne bukꞌeke,’ dáhni.