Matthew 5:44 - Yak'usda Ooghuni

⁴⁴ ꞋEt hoontsꞌi nohdusni, nohchꞌaz ditnine bukꞌeoohsiꞌ. Mbene la denóhdulene, ꞌenne khuni unzoo-i be bubulh yaóolhduk. Nohtsꞌu dutnine, butsꞌun oohzooꞌ. Hoontsiꞌ nohtsꞌun neꞌhutꞌen ꞌinkꞌez dzoh nunohulhdzutne, buba tenadoohdli.

Matthew 5:44 Iomraidhean Croise

Luke 23:34

ꞋEt Jesus ꞌutni, “ꞋUBá buba whunaoodilnoh. ꞋAw dahútꞌen-un tꞌehonuszun, ꞌet huwa ꞌuhutꞌen.” Hina lhkꞌehuyilya ꞌinkꞌez higha ꞌaínlih.

John 13:34

ꞋIlho khuni ꞌandidi-i nohtlꞌa tísꞌalh ꞌinkꞌez ndi ꞌi ꞌuntꞌoh, tsꞌiyawh lhkꞌeoohsiꞌ. Ntsꞌenꞌa la si nohkꞌesiꞌ, ꞌet whuz unꞌa za nohni cha lhkꞌeoohsiꞌ.

Acts 16:28

Paul soo ꞌultus-un ꞌuidílya, “Dah! ꞋUdun dóldah junih, tsꞌiyawh ꞌawet uzdilhtsꞌi!” yúlhni.

Acts 7:60

ꞋEt dugwutsi be nenínya ꞌinkꞌez soo ꞌultus-un ꞌutni, “SMoodihti ndi lubeshi ꞌuhuyínla-i, ꞌi buba ꞌun yutolhdilh!” Ndúdija ꞌinkꞌez dazsai.

Romans 12:14

Dune nohezúla de, butsꞌun oohzooꞌ ꞌinkꞌez bukꞌehoohyih junih.

1 Thessalonians 5:15

Mbe la hoontsiꞌ nohtsꞌun ꞌuja-un, khun te hoontsiꞌ-i be buba ꞌukꞌelha hoolhtselh junih! ꞋEt kꞌus nohnichꞌoh cha ꞌinkꞌez ꞌuyoonne ba cha, ndai unzoo-i tsꞌunóohtꞌi, ꞌi za lhunihdulh.

1 Peter 2:23

ꞋEt khuni untsiꞌ-i be hiyulh yalhduk ꞌet hoontsꞌi ꞌaw khuni untsiꞌ be butsꞌun kꞌulhditnel. ꞋOh daꞌ dzoh nusúzut whe, ꞌet hoontsꞌi ꞌaw bubulh lheꞌoonílhjoot. ꞋEt kꞌus mbe la soo tsꞌihꞌun unꞌa nahiyilh-un, ꞌen yutlꞌaꞌ dudilti.

1 Peter 3:9

ꞋUyoonne nohtsꞌun tankꞌus ꞌuhuninzun de, khun te kꞌunóohdzin junih. ꞋUyoonne nohchꞌaz yáhalhduk de, nohni khun buchꞌaz yaóolhduk junih. Kꞌus ꞌantsꞌi khuni unzoo-i be za bubulh yaóolhduk. Tꞌeoonáhzun whuz unꞌa Yakꞌusda nohtsꞌo húkwaꞌ ninzun. ꞋEt de la Yakꞌusda yutꞌi-i, ꞌi nohghá holtsꞌit.