Matthew 5:42 - Yak'usda Ooghuni

⁴² Mbe la hoonli ntsꞌu háꞌ ꞌutni de, ooghá yonꞌalh. Hoonli dughu sinla nyulhni de, oochꞌaz naoolꞌah junih.”

Matthew 5:42 Iomraidhean Croise

Matthew 5:41

Dune dawhuldzoh sulh tányalh nyulhni de, nat ꞌuwhuldzoh tsꞌe bulh ha óonyaꞌ.

Luke 11:41

ꞋEt hoontsꞌi ndai la ahtꞌi-i, ꞌi be ꞌi ooloh telꞌenne be la oohtꞌen. ꞋEt tsꞌiyaitsuk nohba whunaꞌoodeh.

Romans 12:20

ꞋEt huwa nohchꞌaz ditni-un ooyeꞌíltsꞌul de, oogha óohꞌalh. ꞋEt taꞌóosda de, too oogha óolhdzeh. ꞋEt diz unꞌa nduhtꞌen de, ꞌet de ꞌantsꞌi kwuntsit ootsi la dahdzaih leꞌ tihtꞌelh.

Hebrews 13:16

ꞋEt hoonzoo-un ꞌuwhulhꞌen ꞌinkꞌez tsꞌiyawh ꞌalhgoh lhla ꞌahtꞌen, ꞌet khun whunaoodoolhnoh junih. ꞋEt whuz unꞌa Yakꞌusda gha whutꞌaih-un, tsꞌiyawh ꞌet tube hóontꞌiꞌ.

Hebrews 6:10

Yakꞌusda oochꞌeꞌne, ꞌenne nohni ooba neꞌútꞌenne ꞌahli ínleꞌ, ꞌinkꞌez ꞌawhuz ꞌet za nduhtꞌen. Nohꞌeꞌutꞌen ꞌinkꞌez Yakꞌusda ookꞌehsiꞌ whe ꞌahtꞌen, ꞌet tsꞌiyawh Yakꞌusda whunilhꞌen. Yakꞌusda tsꞌihꞌun unꞌa ꞌuntꞌoh, ꞌet huwa ꞌaw whunaoodoolnoh ꞌaitꞌoh.

James 1:27

ꞋEt tsꞌihꞌun ꞌuhoontꞌoh, ꞌinkꞌez ꞌalha ꞌuhoontꞌoh whe Yakꞌusda neBá, ꞌen ba néꞌtsꞌutꞌen-un, ꞌet njan dúhoontꞌoh: tsꞌunohne ꞌinkꞌez tsandilhne, ꞌenne dzoh nahudeh huwa buzih nutsꞌoodilh hubaꞌ hoontꞌoh bula tsꞌootꞌen ha. ꞋInkꞌez cha ndi yun kꞌut dawhútꞌen lubeshi ꞌulꞌen, ꞌet whuchꞌa khutsꞌoodleꞌ.