Matthew 5:4 - Yak'usda Ooghuni

⁴ Dulubeshi ghu ni unline, ꞌenne ꞌukꞌenus kꞌenánitꞌane hutileh. ꞋEnne ꞌuhuja ꞌukꞌenus hoonzoo-un bugha whultsꞌut.

Matthew 5:4 Iomraidhean Croise

Luke 16:25

ꞋEt hoontsꞌi Abraham ꞌuyulhni, ‘Syeꞌ yinka sinda daꞌ whunailnih eh? Tsꞌiyaitsuk unzoo-i nghánkat. ꞋEt hoontsꞌi Lazarus hoontsiꞌ-un za oogha whunkat. ꞋEt ꞌawet hoonzoo-un ooghá whultsꞌut, ꞌinkꞌez nyun ꞌandit dzoh ninzut.

Luke 6:21

Nohni ooyeꞌúltsꞌilhne, untihdai ꞌukꞌenus hoonzoo-un nohgha whultsꞌut. Mbene la ꞌandit utsone tihdloh ꞌet huwa dawhuldzooꞌ-un nohgha whultsꞌut.

Luke 6:25

Nohni soo ꞌaꞌalhne, nohni cha soo cho howahli! Nohyéꞌtiltsꞌulh! Mbene la udlóhne howahli! Nohdzi dúntidaꞌ ꞌinkꞌez tihtso!

Luke 7:38

ꞋEt yutꞌa syin, ꞌutso ꞌinkꞌez dunatsultooꞌ be yuke tunawhiningus ꞌinkꞌez dutsighaꞌ be yunaꞌulhdeh, ꞌinkꞌez yuke naditsꞌooz. ꞋInkꞌez ndi sooltsun-i be yuke yulhlo.

Luke 7:50

ꞋInkꞌez tsꞌeke ꞌúyulhni, “Mba ꞌalha ꞌuhoontꞌoh-i, ꞌi be dinjih. Ndzi dizghel whe naindalh!”

James 1:12

Mbe la óolhdzai-un, ꞌawhuz whulh usyin, ꞌen ꞌukꞌenus hoonzoo-un oogha whutaltsꞌulh. ꞋEn ꞌuntꞌoh ꞌilhiz ye khútinalh-un ooghá whuntꞌai. Whuchꞌaꞌ whunílhde-un, ꞌet cha oogha whútaltsꞌulh. Mbene la neMoodihti yukꞌensiꞌne, whuz unꞌa butsꞌún hoozi.

Revelation 21:4

ꞋInkꞌez Yakꞌusda bunatsul tooꞌ buna kꞌet whunaitilhdoh. Yatsꞌadlah-un cha ꞌetsul ꞌuwhutanelh. Tsꞌodi tsinli-un ꞌinkꞌez tsꞌutso-un cha ꞌetsul ꞌuwhutanelh. ꞋAw ꞌon ꞌun hukwꞌe tsꞌunduda-un cha hootáloh. Whutsꞌo daꞌ ꞌuhoontꞌoh-un tsꞌiyawh gak whuzdliꞌ ꞌet huwa.”