Matthew 5:39 - Yak'usda Ooghuni

³⁹ ꞋEt hoontsꞌi ꞌunohdusni, dune ntsiꞌ-un kꞌólꞌen junih. ꞋEt kꞌus mbe la nailhnih tsꞌe nohnizkuk de, ꞌintlꞌus tsꞌe ootsꞌun nándunontꞌah.

Matthew 5:39 Iomraidhean Croise

Matthew 5:40

Nzootꞌan nahiyilh-un but ntsꞌu yuka ꞌulhni de, ndzoot cha ooghá yolhchoos.

Luke 22:64

ꞋInkꞌez hina kꞌúnaꞌuzguz ꞌinkꞌez huyoonukat ꞌinkꞌez huyoodulhkut, “Neba nus hóoꞌen nedini mbe ꞌunyinla nyunízkuk?”

Luke 6:7

ꞋInka Moses be ꞌudustlꞌus ꞌukꞌu nunáguzne ꞌinkꞌez Phariseene cha soo cho highunli daooneh suba. Dune nalyis-un dzin ꞌet tilah soo naꞌyooleh. ꞋEt whe hoonliyaz highu nahootáꞌalh hukwaꞌ hutꞌen.

John 18:23

ꞋEt Jesus uyúlhni, “Dzoh kꞌunꞌa yatísduk de, ꞌet nedini daja dusni. ꞋEt tsꞌihꞌun unꞌa ꞌudusni de, di ha sunínkuk?”

1 Corinthians 6:7

ꞋInkꞌez njan dune ba nahutideh tsꞌe yoolhti, ꞌet whe ꞌudaꞌ nohnichꞌoh chꞌa naꞌnulhde whuzdliꞌ. Dune ꞌutsꞌun unꞌa neꞌnohulhꞌen de, di ha lhoohoozulhchoot? Kꞌus dune nohꞌeꞌhuwhulhtsꞌit de, whute ꞌuhoontꞌoh.

1 Thessalonians 5:15

Mbe la hoontsiꞌ nohtsꞌun ꞌuja-un, khun te hoontsiꞌ-i be buba ꞌukꞌelha hoolhtselh junih! ꞋEt kꞌus nohnichꞌoh cha ꞌinkꞌez ꞌuyoonne ba cha, ndai unzoo-i tsꞌunóohtꞌi, ꞌi za lhunihdulh.

Hebrews 12:4

Nohni lubeshi chꞌa neꞌahtꞌen-un, tube nohba huwa whúlna ꞌet hoontsꞌi ꞌaw hukwꞌe yalhizahdla.

James 5:6

Mbene tsꞌihꞌun unꞌa ꞌutꞌenne, ꞌenne nohni bukꞌé whahꞌai, ꞌinkꞌez ꞌet whe ubahghan, ꞌet hoontsꞌi ꞌaw kꞌúlhonidzun, nohnichꞌoh hukwaꞌ nahzun huwa ꞌáhtꞌen.

1 Peter 3:9

ꞋUyoonne nohtsꞌun tankꞌus ꞌuhuninzun de, khun te kꞌunóohdzin junih. ꞋUyoonne nohchꞌaz yáhalhduk de, nohni khun buchꞌaz yaóolhduk junih. Kꞌus ꞌantsꞌi khuni unzoo-i be za bubulh yaóolhduk. Tꞌeoonáhzun whuz unꞌa Yakꞌusda nohtsꞌo húkwaꞌ ninzun. ꞋEt de la Yakꞌusda yutꞌi-i, ꞌi nohghá holtsꞌit.