Matthew 5:37 - Yak'usda Ooghuni

³⁷ ꞋEt kꞌus ndiz unꞌa njan dúdoohtni, ꞌet ꞌawet ‘A,’ dahni, ‘A,’ ꞌuntꞌoh. ꞋInkꞌez ‘ꞋAwúndooh,’ dahni de cha, ‘ꞋAwúndooh,’ ꞌuhoontꞌoh. ꞋEt ꞌutsꞌun unꞌa ꞌudahni de, ꞌet ntsiꞌ-un tsꞌu ha dutídoh whe ꞌuntꞌoh.”

Matthew 5:37 Iomraidhean Croise

Matthew 13:19

Mbe la yakꞌuz ꞌuhuhoolhdzun-un whulh ꞌúhuditsꞌo ooghuni daja ni whe ꞌutni ꞌaw tꞌehonuszun te, ntsiꞌ-un whusayaih ꞌinkꞌez budzi be ha naídaꞌaih! ꞋI ꞌuntꞌoh ti whuzih ꞌanilya-i, unli.

Matthew 13:38

Ha niyeh kꞌet, ꞌi yun kꞌut ꞌuhoontꞌoh. Mai unzoo-i, ꞌi yakꞌuz whulerwe buzkehne, nuhíntꞌoh. ꞋEt hoontsꞌi ꞌutꞌantsiꞌ, ꞌi ntsiꞌ-un buzkeh nuhíntꞌoh.

Matthew 15:19

Dune budzi bez ha yúkat, be ne-eni untsiꞌ-i, dune hutuzilhghelh, ꞌuyoon dune ooꞌat kꞌus ꞌuyoon tsꞌeke ooki bulh nintaꞌantꞌen-un, ꞌinkꞌez ꞌaw lhghulhdiltsꞌine hoontsꞌi whuz unꞌa za neꞌhutꞌen. ꞋUndunutꞌih-un, ꞌuyoonne ba whutsꞌit-un, ꞌinkꞌez Yakꞌusda chꞌaz yalhduk-un cha.

Matthew 5:36

Kꞌus khun te ‘Whe khasna-un whe nahooyeh,’ junih. ꞋAw nohtsigha, ꞌilho hoontsꞌi ꞌulhyul kꞌus dulhgus naoolhtselh ꞌaítꞌoh ꞌet huwa.

Matthew 6:13

ꞋInkꞌez ntsiꞌ-un, ꞌen chꞌa neghinli. ꞋEt yakꞌuz kꞌuneꞌ ꞌintꞌen-un ꞌintꞌoh, ꞌinkꞌez be ilhtus-i cha, bé dintiꞌ-i cha, ꞌi ꞌilhiz wheni ꞌi tsꞌiyawh nchꞌeꞌ ꞌuntꞌoh. ꞋEt ndo honeh.’

John 17:15

ꞋAw ndi yun kꞌut whuchꞌa nabónlelh-un, ꞌet iloh ntsꞌu húkwaꞌ dusni, ꞌet hoontsꞌi ntsiꞌ-un, ꞌen chꞌa soo cho bughonleꞌ, ꞌet ntsꞌu húkwaꞌ dusni.

John 8:44

Netsudule ꞌen nohbá ꞌuntꞌoh. Ndet la ꞌen hukwaꞌ ninzun, ꞌoh te za neꞌóohtꞌen hukwaꞌ nahzun. Soo ꞌudechoo daꞌ whutsꞌun dune ughan-un unli. ꞋAw tsꞌihꞌun ꞌuhoontꞌoh-un hukwa lheꞌnizun, ꞌet huwa ꞌaw ndi khuni ꞌalhaꞌ ꞌuntꞌoh-i ooghu whéyooloh. Ntsꞌoh tula neꞌduniꞌ-un tankꞌus unꞌa za yalhduk, dichꞌoh dukꞌunꞌa ꞌutni ꞌet huwa. Whutsꞌit-un unli, ꞌinkꞌez whutsꞌit-i, ꞌen za ootsꞌu haídukat.

Ephesians 4:25

ꞋEt huwa ꞌilhone ꞌahli whahtsꞌit-un ꞌetsul ꞌudóhnih! ꞋInkꞌez ꞌandit whutsꞌun ꞌilhone ꞌahli whe nohenghoh whutꞌine bulh, ꞌenne cha khuni ꞌalhaꞌ ꞌuntꞌoh-i, ꞌi be bubulh yaoolhduk, tsꞌiyawh ꞌilhoh didowhne tsinli, ꞌet huwa.

Ephesians 6:16

ꞋEt ndi neba be ꞌalha ꞌuhoontꞌoh-i, ꞌi ꞌantsꞌi neꞌi súbal leꞌ ꞌuntꞌoh ólhchoot. ꞋI be kꞌaza kwun leꞌ ꞌuntꞌoh, ꞌi ntsiꞌ-un netsꞌítutsoh. Be ꞌalha ꞌuhoontꞌoh-i, ꞌi be la nanoolhnoh.

Colossians 3:9

ꞌinkꞌez lhunoohtꞌah junih. ꞋEt ꞌudaꞌ datsꞌintꞌoh la inleꞌ, ꞌun whutulhdil ꞌet huwa.

Colossians 4:6

ꞋAhoolhyiz nohghuni unzoo-i be bubulh yaoolhduk. ꞋEt huwa tꞌeoonóhzin buba hootazooꞌ kꞌunꞌa, ꞌet ꞌilhoghun hinli whe bubulh yátilhduk.

2 Thessalonians 3:3

ꞋEt hoontsꞌi neMoodihti ootꞌa níuznootan hubaꞌ hoontꞌoh. ꞋEn ulhtus-i be núdulhya nohulhtsi. ꞋInkꞌez ndun ntsiꞌ-un, ꞌen chꞌa nohghunli.

James 5:12

ꞋInkꞌez sulhutsinke ndi ꞌuhoontꞌoh-un ꞌunohdúsni, hoonliyaz dune tsꞌu nahizinya de, khun te yakꞌuz whunalh ꞌudúsni kꞌus ndi yun kꞌut whunalh ꞌudusni, kꞌus ꞌuyoo khuni be, whuz unꞌa te yatoolhdih junih. ꞋEt kꞌus, “A,” dutihnelh de, ꞌantsꞌi, “A,” doohtniꞌ. ꞋEt, “Dah,” dutihnelh de, ꞌet cha, “Dah,” doohtniꞌ! Doo ka si nohba nahoodeh.

1 John 2:13

Nebáke ndultꞌohne ndun mbe ꞌudechoo whutsꞌun hoonli-un, ꞌen tꞌenahzun, ꞌet huwa nohtsꞌó kꞌeꞌusges. Chilke ntsiꞌ-un oochꞌaꞌ nulhde ꞌet huwa nohtsꞌó kꞌeꞌusges. Tsꞌoodunne neBá tꞌenahzun, ꞌet huwa nohtsꞌó kꞌeꞌusges.

1 John 3:12

Ndun Cain ꞌen kꞌunꞌa iloh. ꞋEn ndun ntsiꞌ-un uniyalh-un inleꞌ ꞌinkꞌez dudulhutsin yuzilhghi. Ndet hukwa yinla yuzilhghi? Be ꞌutꞌen untsiꞌ ꞌinkꞌez bulhutsin ꞌen tsꞌihꞌun neꞌutꞌen, ꞌet hukwaꞌ yinla.

1 John 5:18

Mbe Yakꞌusda yé ulhtus-i gha whuzdli-un, ꞌaw lubeshi lheꞌulhꞌen, ꞌet tꞌetsꞌoninzun. ꞋEt hoontsꞌi mbe la Yakꞌusda yé ulhtus-i gha whuzdli-un didutchꞌoh khudli whe ꞌuntꞌoh, ꞌinkꞌez ntsiꞌ-un ꞌaw yutꞌaóonalh ꞌaitꞌoh.