Matthew 5:30 - Yak'usda Ooghuni

³⁰ ꞋInkꞌez nailhni tsꞌe nla be níntaꞌ nintꞌen de, kꞌontꞌas ꞌinkꞌez ꞌun tolhꞌis. ꞋOn nus sooꞌ hoontꞌoh nohyustꞌe ndulcho dutákꞌun-un whanus sooꞌ hoontꞌoh.”

Matthew 5:30 Iomraidhean Croise

Matthew 11:6

ꞋInkꞌez mbene la si sgha ꞌaw buba dzoh lhilel de, ꞌukꞌenus hoonzoo-un bughá whaltsꞌulh.”

Matthew 13:21

ꞋEt hoontsꞌi didutchꞌoh ꞌaw bughih hooloh leꞌ hintꞌoh. ꞋEt huwa ꞌatsulyaz za buba ꞌalha ꞌuhoontꞌoh ꞌinkꞌez ndi khuni ꞌi gha dzoh nuhudeh ꞌinkꞌez ꞌonghohne buchꞌaz huditni. ꞋAho whula hudutnih.

Matthew 16:23

Peter yutsꞌu nálhꞌa ꞌinkꞌez ꞌuyulhni, “Satan stꞌa nenínyaih! Sba dzoh ꞌudini! Yakꞌusda datꞌen-un, ꞌaw howu nuni lhnuzinzut. Ndi yun kꞌut dune neꞌhutꞌen-un, huwun nuni ninzut!”

Matthew 17:27

ꞋEt hoontsꞌi Capernaum whutꞌenne, ꞌenne nebulh hónilchꞌe hukwꞌunꞌa ꞌubutsꞌoolhꞌen ꞌaitꞌoh. Dugweꞌ, bun guz tsꞌinyalh ꞌinkꞌez oolhjas. Soo ꞌudechoo lho silhjus-i, ꞌi ooze lhchꞌaz ꞌuhoonleh. ꞋEt sooniya naitánꞌalh. ꞋI ilhchoot ꞌinkꞌez neba bugha íninꞌaih.”

Matthew 18:8

Nla kꞌus nke be hukwaya hoonli tuneꞌ ꞌantꞌen de, kꞌunintꞌas ꞌinkꞌez ꞌun tilhꞌis! Dzoh ninya kꞌus nyustꞌe bodinꞌai de, ꞌet whuz unꞌa ꞌilhiz be tsꞌukhuna-i nghaltsꞌut de, ꞌet ꞌon nus ꞌukꞌenus mba hootázooꞌ. ꞋEt hoontsꞌi nke nankultꞌoh cha ꞌinkꞌez nla nankultꞌoh cha bulh ꞌíntꞌoh whe kwun nalhnusne-i tanyoníno de, ꞌukꞌenus mba hootátsiꞌ.

Matthew 22:13

ꞋEt lerwe duba neꞌutꞌenne ubúlhni, ‘Ndun dune ulhchoot ꞌinkꞌez ꞌulhghel. ꞋAz tsalhgus yo tsꞌe táhneh! Whuz titso ꞌinkꞌez dughoo lhudookꞌus si.’

Matthew 25:20

ꞋEt kwulaiꞌ yutlꞌa inla-un, kwulaiꞌ be ꞌon ꞌun ꞌuniltsuk-i, ꞌi yuba whusanáyanla. ꞋEt ndúyulhni, ‘Smoodih kwulaiꞌ sooniya diztiꞌ-i stlꞌa inla. Nah! Nilhꞌen kwulaiꞌ be ꞌon nus mba be naꞌusdla.’

Matthew 26:31

ꞋEt Jesus ndúbulhni, “ꞋAndit ꞌulhdzis nohni tsꞌiyawh ska yátihleh. Whuz unꞌa ꞌukꞌehooguz whe ndutni, ‘ꞋUsbai ghunli-un, tuzilghelh huba whutlꞌa tístelh. ꞋOh de ꞌusbai tsꞌiyawh yahitalhꞌus.’

Matthew 5:22

ꞋEt hoontsꞌi sichꞌoh ꞌunohdusni, mbe la ꞌantsꞌet dulh dune bulh hunilchꞌe de, ꞌenne buba nahutideh wheꞌ hoontꞌoh. ꞋEt mbe la dudulh dunene ‘Raca!’ ꞌulhníne de, ꞌet ndi khuni dakelh kꞌunꞌa ‘Ntsiꞌ’, ni whe ꞌutni, ꞌi gha nahiyilh-un but hutiyin. ꞋInkꞌez cha za mbe la dune, ‘Whuzini dune inli!’ yulhni de, mbe la ndutnine, ꞌenne tube whe whúnujut-un kwuncho yo tsꞌe buhutinoh.

Matthew 5:29

ꞋEt nailhni tsꞌe nyuna ꞌi be lubeshi ꞌinla de, ha nónꞌalh ꞌinkꞌez ꞌun ntolhꞌis. ꞋEt ꞌon nus sooꞌ hoontꞌoh nohyustꞌe ndulcho dutákꞌun-un whanus sooꞌ hoontꞌoh.

Mark 9:43

ꞋEt nla ꞌi gha lubeshi ꞌinla de, kꞌunintꞌas! Nla kꞌuz za ꞌintꞌi whe yakꞌuz whénya de whuz ꞌilhiz hutanalh, ꞌet mba hootázooꞌ. Lhchꞌaz nla bulh kwuncho yo tsꞌe whénya de ꞌukꞌenus mba hootátsiꞌ, whuz kwun nalhnusne whe ꞌuntꞌoh.

Luke 12:5

ꞋEt hoontsꞌi mbe la be ntilhjut-un, ꞌen bunóhuntistun. Mbe la nohyustꞌe silhghi-un, ꞌet hukwꞌelhꞌaz, ꞌen oobaꞌ hoontꞌoh whe kwuncho yo tsꞌe cha nohtinoh, ꞌen za be noolhjoot! ꞋAlhaꞌ nohdusni, ꞌen be noolhjut!

Luke 17:2

Mbe dune ꞌen gha tsꞌoodunneyaz tankꞌus ꞌúhutꞌen ꞌubulhtsi de, ꞌen dune tse cho hitsꞌilchun edinguz ꞌinkꞌez takhulh-un tahúyano de, ꞌet ꞌon nus hózooꞌ ooleꞌ daꞌ.

Romans 9:33

ꞋEt soo whuz unꞌa ꞌuhóoja nus hóoꞌen-un Isaiah whutsodaꞌ Yakꞌusda dája bubúlhni la whe ꞌutni, “Whunulhꞌen, keyoh Zion tsꞌuwhútni-un, ꞌet tse ꞌet nedúntasꞌalh, ꞌi la dune hinedúntidaih. ꞋEt mbene la Yakꞌusda ooghuni lhuyúlhchootne, ndi tse buba lheꞌyízooꞌ. ꞋEt hoontsꞌi mbene la ooba ꞌalha ꞌuhoontꞌohne, ꞌenne ꞌaw hukwaya hooleꞌ ꞌaítꞌoh.”

1 Corinthians 8:13

ꞋEt huwa ndi ꞌutꞌalh-i huwa tꞌaih-i, ꞌi gha sulhutsin tankꞌus óoneh de, ꞌet de ꞌaw ꞌon ꞌat ꞌutsung óosꞌalh ꞌaitꞌoh, doo ka la si sgha sulhutsin tankꞌus óoneh.

Galatians 5:11

ꞋEt sulhutsinke ndi ooka dune ulhli-i ꞌawhuz hiyotꞌas dusni de, ꞌawhuz ꞌet za ndudúsni de, ꞌet di ha ꞌawhuz hukwa dzoh nusulhdzut? ꞋEt whuz unꞌa howu yasduk de, ꞌet Jesus Christ tulalhgus kꞌut dazsai-un howu yasduk de, ꞌaw daꞌ buba dzoh lheꞌduzoosnih ooleꞌ.

1 Peter 2:8

ꞋInkꞌez ooghuni ndutni, “Ndi tse ꞌi hitꞌaz nunughalh ꞌinkꞌez ꞌi be ꞌahoolhyiz buba dzoh lhih.” Yakꞌusda ooghuni hikꞌu nulheꞌustꞌen, ꞌi gha nónughalh. ꞋEt whuz unꞌa Yakꞌusda bubaꞌ hóonla.