Matthew 5:3 - Yak'usda Ooghuni

³ “Lubeshi ꞌulhꞌenne, budzi telꞌen unline, ꞌenne yakꞌuz kꞌuneꞌ whulꞌen-un oochꞌeꞌ huzdliꞌ, ꞌet huwa ꞌukꞌenus hoonzoo-un bugha whultsꞌut.

Matthew 5:3 Iomraidhean Croise

Matthew 11:25

Jesus ꞌawhuz bubulh yalhduk ꞌet ndutni, “ꞋUBá nyun nyudústiꞌ. Yakꞌuz ꞌinkꞌez yun kꞌut whuMoodihti inli. Whunihne ꞌinkꞌez hodulꞌehne, ndi ꞌi tsꞌiyawh buchꞌa whuntinꞌi. ꞋEt hoontsꞌi tsꞌoodunyaz leꞌ ꞌuntꞌohne, bunalhtsꞌet ha honꞌai.

Matthew 11:6

ꞋInkꞌez mbene la si sgha ꞌaw buba dzoh lhilel de, ꞌukꞌenus hoonzoo-un bughá whaltsꞌulh.”

Matthew 13:16

ꞋEt hoontsꞌi nohni nohna be whunulhꞌen-un, tsꞌihꞌun unꞌa whunulhꞌen. ꞋInkꞌez nohdzeh whe soo whúdahtsꞌo, ꞌet huwa ꞌukꞌenus hoonzoo-un nohghá whultsꞌut.

Matthew 19:14

ꞋEt Jesus ꞌúbulhni, “Whute tsꞌoodunneyaz stsꞌó toodilh. Dah budóhniꞌ junih! Yakꞌusda whe lerwe unli-un whuz dilhtsꞌine, ndunne tsꞌoodunneyaz ubunduhúltꞌoh wheꞌ hintꞌoh.”

Matthew 24:46

ꞋEt oomoodih whusanaja de ꞌinkꞌez de ꞌulhna-un whuz unꞌa nduja-un ꞌet whunilhꞌen de, ꞌen ꞌukꞌenus hoonzoo-un ootsꞌu hóoltsꞌulh.

Matthew 25:34

ꞋEt lerwe nailhni tsꞌunkꞌus ꞌuntꞌohne ndubudutanelh, ‘Nohni ꞌuBá ꞌukꞌenus hoonzoo-un nohghá whultsꞌutne ꞌahli. ꞋEt huwa ꞌanih! Yun ꞌutilnelh whutso, lerwe yakꞌuz úsda-un, ꞌet nohba lhaoodinla, nohgha óotaltsꞌulh.

Matthew 3:2

ꞋEt ꞌubulhni, “Noheni náhandunoohleh. Yakꞌuz kꞌuneꞌ whulꞌen-un nohtoh ꞌutitꞌelh-un, ꞌawet nilhdukw.”

Matthew 8:11

Nohdusni ndaz de ꞌinkꞌez nooz de lhane whusatidulh yakꞌuz keyoh ꞌet Abraham cha, Isaac, ꞌinkꞌez Jacob cha, ꞌalhgoh lhla náꞌhutitꞌulh.

Mark 10:14

ꞋEt Jesus whunalhꞌen whe whutsꞌu dutni ꞌinkꞌez yugha hodulꞌehne ubúlhni, “Whute tsꞌoodunne stsꞌó toodilh. Khun te dah budóhniꞌ junih. Yakꞌusda whe lerwe unli-un whuz dilhtsꞌine, tsꞌoodunneyaz duhúltꞌoh wheꞌ hintꞌoh.

Luke 11:28

ꞋEt hoontsꞌi Jesus ꞌuyulhni, “ꞋEt ꞌon nus hooncha-un ꞌuhoontꞌoh, mbe Yakꞌusda ooghuni yuditsꞌone ꞌinkꞌez yoontunne, ꞌukꞌenus hoonzoo-un bubulh ꞌuhooja!”

Luke 18:14

ꞋEt Jesus ꞌubulhni, “Nohdusni ndun sooniya ꞌilhunaoosꞌaih-un, ꞌen Yakꞌusda nalh tsꞌihꞌun naꞌuja whe duyoh tsꞌe naoosja. ꞋEt ꞌilhoghun ꞌaw ndúlhinel. ꞋInkꞌez mbe la duba naꞌudzooꞌ-un, ꞌen yooya yutilhtselh. ꞋInkꞌez mbe la yo ꞌúdudildzun-un, ꞌen Yakꞌusda yudutalhtiꞌ.”

Luke 22:29

ꞋInka sBá stlꞌa hónꞌai whe lerwe usdli-un, whuz unꞌa nohni cha lerwe tihleh-un nohgha hónꞌai.

Luke 22:30

ꞋEt whe lerwe usdli-un, ꞌet slutab kꞌut sulh ꞌutihꞌulh ꞌinkꞌez sulh utihtnelh. Kwꞌutsꞌuzda cho diztiꞌ-i, ꞌet hukwꞌu dutálhtsꞌilh ꞌinkꞌez whunizyat ꞌon ꞌat nat-un Israel ootsꞌu hainzutne bulh didowhne buba nahutihyeh.”

Luke 4:18

“Moodihti ooyughi ꞌi sulh ꞌuntꞌoh. ꞋI be ꞌutahasalhti, telꞌenne khuni unzoo-i bugha tisꞌalh ha. Oodzi undudane, ꞌenne nabutisyih ha butsꞌó whusasya. Mbene la ílchootne, bula nadutisnih. ꞋInkꞌez hoos̱ꞌenne, huhooꞌen nahutidleh. Mbene la dune ꞌaboꞌenne, cha donáꞌ butisdlelh.

John 20:29

ꞋEt Jesus uyúlhni, “Thomas, ꞌandit sanꞌen, ꞌet huwa mba ꞌalha ꞌuhoontꞌoh. ꞋEt hoontsꞌi mbene la ꞌaw sulhíꞌelne hoontsꞌi, ꞌinkꞌez buba ꞌalha ꞌuhoontꞌohne, ꞌenne ꞌukꞌenus hoonzoo-un bugha whultsꞌut.”

James 1:10

ꞋEt hoontsꞌi hoonzoo ꞌuntꞌoh-un duzooneya be do ꞌúdudildzun-un, ꞌen Yakꞌusda yo naꞌyitilalh, ꞌet huwa hótꞌeꞌ hubaꞌ hoontꞌoh. ꞋEt hoontsꞌi tꞌewhunónzin ntsꞌenꞌa la ꞌindaiyaz dátsaih, whuz unꞌa za ye hoonzoo ꞌuntꞌoh-i, ꞌi gha khoonaꞌ ꞌaitꞌoh.

James 1:12

Mbe la óolhdzai-un, ꞌawhuz whulh usyin, ꞌen ꞌukꞌenus hoonzoo-un oogha whutaltsꞌulh. ꞋEn ꞌuntꞌoh ꞌilhiz ye khútinalh-un ooghá whuntꞌai. Whuchꞌaꞌ whunílhde-un, ꞌet cha oogha whútaltsꞌulh. Mbene la neMoodihti yukꞌensiꞌne, whuz unꞌa butsꞌún hoozi.

James 2:5

Sulhutsinke ookꞌesiꞌne, soo zúlhtsꞌai. Ndi yun kꞌut telꞌenne, Yakꞌusda kꞌensiꞌne, ꞌenne ꞌutahábanla buba ꞌalha ꞌuhoontꞌoh-i, ꞌi be hoonzoo ꞌuntꞌohne ꞌubulhtsi. ꞋAw ndi yun kꞌut be ꞌutsꞌintꞌoh-i iloh. ꞋInkꞌez ntsꞌe Yakꞌusda lerwe unli-un, neBá yutꞌi-i bugha ítalelh-i, ꞌet ꞌi bugha ootakulh. ꞋEt whuz unꞌa mbene la yukꞌensiꞌne, ꞌenne cha bugha ítalelh.

Revelation 19:9

ꞋEt ndun yalhduk-un, ꞌen ꞌusúlhni, “Njan ꞌukꞌehoonges, ꞌusbaiyaz ꞌat titꞌelh-un naꞌhutitꞌulh-un, mbene ooghu nusjane, ꞌenne ꞌukꞌenus hoonzoo-un bugha whútaltsꞌulh.” ꞋInkꞌez ꞌusulhni, “Ndi ꞌi soo tsꞌihꞌun Yakꞌusda ooghuni ꞌutni.”

Revelation 22:14

Mbene la yughuni kꞌuneꞌ ꞌutꞌenne, ꞌenne ꞌukꞌenus hoonzoo-un bugha whútaltsꞌulh. Ndi duchun oogha khútna-i, ꞌinkꞌez njan keyoh whuti whudati-un dahútidulh-un, ꞌenne za bughá whuntꞌai wheꞌ hoontꞌoh.

Revelation 3:17

Lheꞌdahni, ‘Hoonzooꞌ tsꞌintꞌoh ꞌon nus cha hoonzoo tsꞌuja. ꞋAw ꞌuyoo hoonliyaz ka lheꞌuznízun,’ dahni. ꞋEt dahitꞌoh dalhtsiꞌ la tsꞌiyantsuk nohba nekꞌeꞌ hootꞌoh cha ꞌahtꞌoh. Teilhꞌen cha ꞌahtꞌoh. Whuzihꞌen cha ꞌahtꞌoh, ꞌinkꞌez ꞌustꞌet ꞌahtꞌoh.