Matthew 5:29 - Yak'usda Ooghuni

²⁹ ꞋEt nailhni tsꞌe nyuna ꞌi be lubeshi ꞌinla de, ha nónꞌalh ꞌinkꞌez ꞌun ntolhꞌis. ꞋEt ꞌon nus sooꞌ hoontꞌoh nohyustꞌe ndulcho dutákꞌun-un whanus sooꞌ hoontꞌoh.

Matthew 5:29 Iomraidhean Croise

Matthew 10:28

Neyustꞌe ughanne bube noolhjut junih. ꞋAw nezul ꞌi hizoolhghelh ꞌaitꞌoh, ꞌet nduntꞌohne, bube noolhjut junih. ꞋEt hoontsꞌi Yakꞌusda nohzul nohyustꞌe bulh kwuncho yo tsꞌe nohtinoh, ꞌen bé noolhjut.

Matthew 11:6

ꞋInkꞌez mbene la si sgha ꞌaw buba dzoh lhilel de, ꞌukꞌenus hoonzoo-un bughá whaltsꞌulh.”

Matthew 16:26

Dune ndi yun nduwhúlcho oochꞌeꞌ whúzdliꞌ de, ꞌinkꞌez duzul ꞌi ninta inínꞌai de, ndet whuchꞌa óotaldoh? Kꞌus duzul di kꞌelha suba nayoket?

Matthew 17:27

ꞋEt hoontsꞌi Capernaum whutꞌenne, ꞌenne nebulh hónilchꞌe hukwꞌunꞌa ꞌubutsꞌoolhꞌen ꞌaitꞌoh. Dugweꞌ, bun guz tsꞌinyalh ꞌinkꞌez oolhjas. Soo ꞌudechoo lho silhjus-i, ꞌi ooze lhchꞌaz ꞌuhoonleh. ꞋEt sooniya naitánꞌalh. ꞋI ilhchoot ꞌinkꞌez neba bugha íninꞌaih.”

Matthew 19:12

ꞋEt whulohne dune ꞌaw bughez hoonuloh whe huwhuzdli. ꞋOnghohne whuz unꞌa dune ꞌubinla. ꞋInkꞌez whulohne yakꞌuz whulerwe-un, ꞌen ba whuz unꞌa soo whulh ꞌutitꞌelhne, ꞌenne whuz unꞌa la whulh ꞌúhootꞌeꞌ.”

Matthew 23:15

Nohni Moses be ꞌudustlꞌus ꞌukꞌu nunáguzne, nohni Phariseene cha, duba naꞌudzooꞌne ꞌahtꞌoh! Dawhultsiꞌ-un ꞌet nohtsꞌu hóoltsꞌulh! Yun kꞌut ndulcho whe náhdilh ꞌinkꞌez too kꞌut ndulcho whe nahke, ꞌilhoghun tilah nohnichꞌoh nohkꞌunꞌa ꞌuntꞌoh oolhtselh. Whuchꞌa nulhde de, ndun nat ꞌuwhultsiꞌ whe nohanus kwuncho yo whuyeꞌ tileh.

Matthew 23:33

Tlꞌughus lubezo buzkehke léꞌahtꞌoh! Kwuncho yo wheni nohba nahutideh-un, ntsꞌenꞌa ꞌutihnelh whenghoh táhdulh? Soo gak!

Matthew 5:22

ꞋEt hoontsꞌi sichꞌoh ꞌunohdusni, mbe la ꞌantsꞌet dulh dune bulh hunilchꞌe de, ꞌenne buba nahutideh wheꞌ hoontꞌoh. ꞋEt mbe la dudulh dunene ‘Raca!’ ꞌulhníne de, ꞌet ndi khuni dakelh kꞌunꞌa ‘Ntsiꞌ’, ni whe ꞌutni, ꞌi gha nahiyilh-un but hutiyin. ꞋInkꞌez cha za mbe la dune, ‘Whuzini dune inli!’ yulhni de, mbe la ndutnine, ꞌenne tube whe whúnujut-un kwuncho yo tsꞌe buhutinoh.

Matthew 5:30

ꞋInkꞌez nailhni tsꞌe nla be níntaꞌ nintꞌen de, kꞌontꞌas ꞌinkꞌez ꞌun tolhꞌis. ꞋOn nus sooꞌ hoontꞌoh nohyustꞌe ndulcho dutákꞌun-un whanus sooꞌ hoontꞌoh.”

Mark 8:36

Di suba dunne oogha ooltsꞌit, ndi yun kꞌut nduhoolcho whe oogha whultsꞌut de, ꞌinkꞌez duzul nintainilhte de?

Luke 12:5

ꞋEt hoontsꞌi mbe la be ntilhjut-un, ꞌen bunóhuntistun. Mbe la nohyustꞌe silhghi-un, ꞌet hukwꞌelhꞌaz, ꞌen oobaꞌ hoontꞌoh whe kwuncho yo tsꞌe cha nohtinoh, ꞌen za be noolhjoot! ꞋAlhaꞌ nohdusni, ꞌen be noolhjut!

Romans 6:6

Tꞌetsꞌonínzun, ꞌudaꞌ datsꞌintꞌoh la, ꞌet Jesus Christ tulalhgus kꞌut whulh dazsai. ꞋEt whe lubeshi ꞌuztilhꞌelh hukwa ꞌuzninzun-un gak neba whutaleh. ꞋEt huwa niz de néꞌtsꞌustꞌen-un, ꞌaw ꞌon ꞌun hukwꞌú neꞌtsꞌootꞌen ꞌaítꞌoh. ꞋAw ꞌon ꞌun netsudúle be ꞌulhna lhtsꞌutisle, ꞌinkꞌez ꞌaw ꞌon ꞌun lubeshi ꞌuztilhꞌelh-un hukwa lheꞌtsꞌuntiszil.

Romans 8:13

ꞋEt whuz unꞌa dune ulhi de, ꞌet ꞌalha ꞌuhoontꞌoh whe kwuncho yo tsꞌu tíhdulh. ꞋEt hoontsꞌi Ndoni ꞌen gha nohyustꞌe lubeshi haꞌ ninzun-un ꞌetsul ꞌuhla de, ꞌet de ꞌilhiz wheni hutihnalh.

1 Corinthians 9:27

Sichꞌoh syustꞌe be syaih ꞌet whe skꞌuneꞌ titꞌen. ꞋEt ꞌaw ndulhuzustꞌen de, lhelhyoone khuni unzoo-i be bubulh yasduk hoontsꞌi sichꞌoh sba dzoh naóodleꞌ la.

Galatians 5:24

ꞋInkꞌez mbene Christ oochꞌeꞌ unline, ꞌet dáhoontꞌoh neyustꞌe lubeshi tsꞌu nintꞌi, ꞌet ꞌantsꞌi lubeshi tsꞌuznintꞌi-un leꞌ tsꞌintꞌoh, ꞌet tsꞌiyawh tulalhgus ꞌutsꞌodunilhtꞌo.

Colossians 3:5

ꞋEt huwa ndi yun kꞌut nohyustꞌe daootsah-un howa núlhtih. Ninta lheꞌzoohtꞌen, nintaꞌtsꞌutꞌih-un, ꞌinkꞌez whudutsun tuneꞌ oohtꞌen junih, ꞌinkꞌez nintaꞌuztitꞌelhꞌun, ꞌet hukwa lheꞌnuzooszin, hoontsiꞌ tuneꞌ utihtꞌen-un hukwaꞌ noohzin junih, ꞌinkꞌez ꞌuyoonne chꞌeꞌ haꞌ noohzin junih, ꞌet ꞌukꞌeltsi neba ꞌalhaꞌ ꞌuntꞌóh-un leꞌ hoontꞌoh.