Matthew 5:26 - Yak'usda Ooghuni

²⁶ Tsꞌihꞌun unꞌa nohdusni, ndai la tsꞌiyaitsuk ookꞌelha whutilhtselh ꞌet whutsꞌun, ntsꞌenꞌa suba whuchꞌa naoohjaꞌ?”

Matthew 5:26 Iomraidhean Croise

Matthew 10:29

ꞋAlhaꞌ iloh lakw nanki ꞌuchas, ꞌilho sooniya tsꞌuditiꞌ-i, ꞌet ꞌultsuk ꞌi be oohket? A, ꞌalha ꞌuhoontꞌoh. NeBá ꞌaw hukwa lheꞌnizun de, ꞌilhoghun ndi yun kꞌut naooltsꞌit ꞌaitꞌoh.

Matthew 18:34

Oomoodih yulh hunilchꞌe. Dune dzoh nulhdehne, ꞌenne butlꞌa yálhti. Ye yutsꞌu whulhꞌai-i, ꞌi tsꞌiyawh yuba kꞌelha whutilhtselh whutsꞌun.

Matthew 25:41

ꞋEt ꞌawet ꞌintlꞌus tsꞌunkꞌus ꞌuntꞌohne njan ndubudutánelh, ‘Ndai la Yakꞌusda ye hunilchꞌe-i nohbulh ꞌuntꞌohne suhliꞌ! Schꞌa nasahdilh! Ndi kwun ꞌaw nalhnusne-i netsudule dulizasne te buba ꞌuhóolya-un, whuz ꞌahdulh!

Matthew 25:46

ꞋEt nduntꞌohne, ꞌilhiz wheni dzoh nuhutideh tsꞌe hutidulh. ꞋEt hoontsꞌi tsꞌihꞌun ꞌuntꞌohne, ꞌilhiz whe tsꞌukhuna-un bugha óotakulh.”

Mark 12:42

ꞋEt ꞌilhoghun tsandilh telꞌen-un, ꞌóh whuya uyalh, ꞌinkꞌez nanki sooniyayaz dénalhdil.

Luke 12:58

Mbe la nchꞌaz ditni-un, ꞌen nahiyilh-un but nenyutalhtelh, ꞌet whuz ahꞌus whe ꞌet tube ootsꞌun lhanaoodonleh hukwa ꞌontꞌen. Doo ka la nahiyilh-un but nényutalhtelh ꞌinkꞌez nahiyilh-un neilhchuk-un tlꞌa nyutilhtelh, ꞌinkꞌez neilhchuk-un ꞌanyutiꞌalh.

Luke 12:59

ꞋEt nohdusni ndi sooniya ntꞌum-iyaz hoontsꞌi tsꞌiyawh ookwꞌelha whutalhtselh, ꞌet whutsꞌun ꞌadutanꞌalh.”

Luke 16:26

ꞋInkꞌez ꞌaw ꞌet za iloh, nyun ꞌinkꞌez wheni neulh eguz tube yádalhdzaꞌ wheꞌ hoontꞌoh. ꞋEt huwa njan whutsꞌun ꞌaw ntsꞌun hutooyaꞌ ꞌaitꞌoh kꞌus nyun nyooz de cha ꞌaw diz hutooyaꞌ ꞌaitꞌoh.’

2 Thessalonians 1:9

NeMoodihti ꞌinkꞌez ꞌukꞌenus ye diztiꞌ-i, ꞌi ꞌilhiz wheni yuchꞌa nabutálelh. ꞋEt ꞌilhiz wheni hiye dzoh nutideh ꞌinkꞌez ꞌaw buba oolatoh nalhuhóoꞌoh. ꞋEt whuz buba ꞌukꞌelha whutilhtselh.

James 2:13

ꞋInka ndet dzin suba neba nahutideh-un whusaóotiltsꞌulh, mbene lhgha tꞌelhenízun-un, ꞌen oogha telheꞌwhunídzun whe Yakꞌusda buba nahutiyeh. ꞋEt mbe ꞌuyoon gha téꞌ ninzun-un, ꞌen Yakꞌusda yugha teꞌuntazeh whe yuba nahutiyeh.