Matthew 5:24 - Yak'usda Ooghuni

²⁴ ꞌet whutso nyulh dune bulh kꞌeke nalhoolhtselh. ꞋEt hukwꞌelhꞌaz ꞌandit za loodel kꞌut huwaꞌ tanꞌalh-i, ꞌet huwa ónꞌalh.

Matthew 5:24 Iomraidhean Croise

Matthew 23:23

Nohni Moses be ꞌudustlꞌus ꞌukꞌu nunáguzne, nohni Phariseene cha, duba naꞌudzooꞌne ꞌahtꞌoh! Dawhultsiꞌ-un ꞌet nohtsꞌu hóoltsꞌulh! Ndai la ha níyeh-i, ꞌutꞌan sooltsun-i cha, anise huyulhni cha, ꞌinkꞌez cummin huyulhni, ꞌi cha, ꞌi ooloh za, 10%, Yakꞌusda ghahꞌaih. ꞋEt hoontsꞌi Moses be ꞌudustlꞌus kꞌut ꞌukꞌenus whudíztiꞌ-un, ꞌet tsꞌiyawh whula dihtnih. Ndiz unꞌa tsꞌihꞌun ꞌuhoontꞌoh. Ndet la tsꞌihꞌun unꞌa neꞌáhtꞌen-un, ye negha teꞌuntazeh-i cha, ꞌinkꞌez be néba ꞌalha ꞌuhoontꞌoh-i, ꞌi cha, njan ꞌet tsꞌiyawh whula dihtnih, whuz unꞌa ndóhtꞌen hubaꞌ hoontꞌoh, ꞌinkꞌez ꞌonghuni cha ꞌaw lhálhduzahle whe oola doohtnih junih.

Matthew 5:23

ꞋEt huwa hoonliyaz loodel kꞌut howaꞌ tánꞌalh-i, ꞌinkꞌez nyulh dune hoonli whe nchꞌaz ditni whunailni de,

Mark 9:50

Lisel unzoo whe ꞌuntꞌoh, ꞌet hoontsꞌi lisel oonalhuwhúlhni ꞌulhih te, ntsꞌenꞌa doo cha lisel oonawhúlnih uztílhtselh? Whuz unꞌa nohdzi ootsiꞌ junih ꞌinkꞌez nohbulh dune tsꞌun nohdzi dóghel.”

1 Corinthians 11:28

ꞋEt dune dichꞌoh naꞌdunulꞌen ꞌet hukwꞌelhꞌaz ndi lhes huyooꞌalh ꞌinkꞌez ndi lubot huyootnaiꞌ.

1 Timothy 2:8

ꞋEt huwa ndi yun kꞌut ndulcho whe dunene tenahudoodli. ꞋEt bula lubeshi ooghu hooloh whe dodolnih. ꞋAw huske bubeni toh hooloh ꞌinkꞌez buba nawh lheꞌhostꞌeꞌ whe tenahudoodli. ꞋEt whuz unꞌa buba hukwaꞌ nuszun.

James 5:16

Lhtsꞌun tankꞌus ꞌahtꞌen de, lhudóhni ꞌinkꞌez lhba tenadoohdli. ꞋEt ndahtꞌen de, ꞌet de la soo naꞌoohtneh. Tsꞌihꞌun dune, ꞌen tsꞌihꞌun unꞌa whe tenadudli de, ꞌet whuz unꞌa ootenadudli gha lhat-un hooncha túneꞌ whutitꞌen ꞌet huwa.