Matthew 5:22 - Yak'usda Ooghuni

²² ꞋEt hoontsꞌi sichꞌoh ꞌunohdusni, mbe la ꞌantsꞌet dulh dune bulh hunilchꞌe de, ꞌenne buba nahutideh wheꞌ hoontꞌoh. ꞋEt mbe la dudulh dunene ‘Raca!’ ꞌulhníne de, ꞌet ndi khuni dakelh kꞌunꞌa ‘Ntsiꞌ’, ni whe ꞌutni, ꞌi gha nahiyilh-un but hutiyin. ꞋInkꞌez cha za mbe la dune, ‘Whuzini dune inli!’ yulhni de, mbe la ndutnine, ꞌenne tube whe whúnujut-un kwuncho yo tsꞌe buhutinoh.

Matthew 5:22 Iomraidhean Croise

Genesis 37:4

ꞋEt bulhutsinke dalcho-i be la bubá Joseph yukꞌensiꞌ huwhunilhꞌen, ꞌinka hitsꞌu dutni ꞌinkꞌez ꞌaw soo cho hiyulh yalhulhduk.

Genesis 37:8

ꞋInkꞌez bulhutsinke ꞌet ꞌuhuyulhni, “Nelerwe tanleh whe ꞌudini ꞌinkꞌez nemoodih tanleh whe ꞌudini?” ꞋEt tsꞌo ꞌonus hitsꞌu dutni nute-un huwa ꞌinkꞌez ooghuni cha huwa tsꞌiyawh hitsꞌu dutni.

Matthew 10:17

Whulohne dune buchꞌa khohleꞌ. Lizwif nahiyilhne bubut nenóhotalelh. ꞋInkꞌez Lizwif lugliz whambez tsꞌe ꞌet nohohóotalhtsus.

Matthew 10:28

Neyustꞌe ughanne bube noolhjut junih. ꞋAw nezul ꞌi hizoolhghelh ꞌaitꞌoh, ꞌet nduntꞌohne, bube noolhjut junih. ꞋEt hoontsꞌi Yakꞌusda nohzul nohyustꞌe bulh kwuncho yo tsꞌe nohtinoh, ꞌen bé noolhjut.

Matthew 12:24

ꞋEt Phariseene whulh hudantsꞌo whe ꞌuhutni, “Ndun dune, ꞌen Beelzebul, ntsiꞌ-i nududehne bumoodih, ꞌen be ntsiꞌ-i nududeh-i dune tsꞌu ha nanuyukw,” hutni.

Matthew 17:5

Peter yalhduk whe khuntsul kwꞌus be tidatꞌen-i bukꞌeinde. Kwꞌus toh tsꞌe khuntsul ꞌuwhutni, “Ndun sYeꞌ soo ookꞌesiꞌ-un ꞌuntꞌoh. ꞋEn bulh hóonustꞌiꞌ. ꞋEn oozúlhtsꞌai!”

Matthew 18:21

ꞋEt Peter yughu ninya whe yoodulhkut, “SMoodihti sulhutsin lubeshi be sdulhyoh ꞌuja-un, dawhultsuk sdulhyoh lubeshi ꞌutilelh ꞌinkꞌez ooba whunaoodutiznoh? Lhtakꞌantꞌit tilah ꞌet ꞌuwhultsuk-un?”

Matthew 18:35

ꞋEt nohni cha nohulhutsinke nintaꞌhantꞌen de, ꞌinkꞌez nohdzi be ꞌaw buba whunalhodulhnoh de, ꞌet de sBá yakꞌuz usda-un, whuz unꞌa za ꞌaw nohba whunaoodoolnoh ꞌaitꞌoh.”

Matthew 23:15

Nohni Moses be ꞌudustlꞌus ꞌukꞌu nunáguzne, nohni Phariseene cha, duba naꞌudzooꞌne ꞌahtꞌoh! Dawhultsiꞌ-un ꞌet nohtsꞌu hóoltsꞌulh! Yun kꞌut ndulcho whe náhdilh ꞌinkꞌez too kꞌut ndulcho whe nahke, ꞌilhoghun tilah nohnichꞌoh nohkꞌunꞌa ꞌuntꞌoh oolhtselh. Whuchꞌa nulhde de, ndun nat ꞌuwhultsiꞌ whe nohanus kwuncho yo whuyeꞌ tileh.

Matthew 23:33

Tlꞌughus lubezo buzkehke léꞌahtꞌoh! Kwuncho yo wheni nohba nahutideh-un, ntsꞌenꞌa ꞌutihnelh whenghoh táhdulh? Soo gak!

Matthew 25:41

ꞋEt ꞌawet ꞌintlꞌus tsꞌunkꞌus ꞌuntꞌohne njan ndubudutánelh, ‘Ndai la Yakꞌusda ye hunilchꞌe-i nohbulh ꞌuntꞌohne suhliꞌ! Schꞌa nasahdilh! Ndi kwun ꞌaw nalhnusne-i netsudule dulizasne te buba ꞌuhóolya-un, whuz ꞌahdulh!

Matthew 26:59

ꞋEt lubret bumoodihne, ꞌinkꞌez ꞌutso whudilhdzulhne, ꞌinkꞌez nahiyilhne cha, tsꞌiyawh hoonli whutsꞌit huwun highu nahóꞌalh hukwaꞌ hutꞌen hituzilhghelh ha.

Matthew 3:17

Khuntsul ndus de ꞌuwhutni, “Ndun ꞌ sYeꞌ ookꞌesiꞌ whé ꞌuntꞌoh, ꞌinkꞌez tube ꞌen bulh hoonústꞌiꞌ,” ni.

Matthew 5:34

ꞋEt hoontsꞌi ꞌunohdusni, khun whuz unꞌa te ndudóohni junih. Khun ‘Yakꞌuz nalh ꞌudusni,’ doohniꞌ junih. Yakꞌusda ookwꞌutsꞌuzda cho diztiꞌ-i, ꞌi ꞌet ꞌusꞌai ꞌet huwa.

Matthew 5:44

ꞋEt hoontsꞌi nohdusni, nohchꞌaz ditnine bukꞌeoohsiꞌ. Mbene la denóhdulene, ꞌenne khuni unzoo-i be bubulh yaóolhduk. Nohtsꞌu dutnine, butsꞌun oohzooꞌ. Hoontsiꞌ nohtsꞌun neꞌhutꞌen ꞌinkꞌez dzoh nunohulhdzutne, buba tenadoohdli.

Mark 14:55

Lizwif lubret bumoodihne ꞌinkꞌez nahíyilhne cha bubut Jesus néhinilhti hukwá hituzilhghelh-un highu nahóꞌalh hukwaꞌ hutꞌen, dune yuchꞌaz yaoolhdukne nahólhtelh hukwaꞌ hutꞌen, ꞌet hoontsꞌi ꞌaw ꞌilhoghun nalhihilhtel.

Mark 15:1

ꞋOm bun bundadaꞌ ꞌahoh Lizwif lubret moodihne, dune tso whudilhdzulhne, Moses be ꞌudustlꞌus ꞌukꞌu nunáguzne cha, ꞌinkꞌez dune ba nahiyilhne cha, tsꞌiyawh yahalhduk. ꞋEt Jesus hiyulhghel ꞌinkꞌez Pilate tlꞌa húyalhti.

Luke 12:5

ꞋEt hoontsꞌi mbe la be ntilhjut-un, ꞌen bunóhuntistun. Mbe la nohyustꞌe silhghi-un, ꞌet hukwꞌelhꞌaz, ꞌen oobaꞌ hoontꞌoh whe kwuncho yo tsꞌe cha nohtinoh, ꞌen za be noolhjoot! ꞋAlhaꞌ nohdusni, ꞌen be noolhjut!

Luke 22:66

ꞋAwet yulhkai ibulh dune tso whudilhdzulhne, ꞌudedo lubretne ꞌinkꞌez Moses be ꞌudustlꞌus ꞌukꞌu nunáguzne cha, ꞌenne ꞌilhuhozdil ꞌinkꞌez buba nahíyilhne but nehinilhti. ꞋInkꞌez ꞌuhuyúlhni,

John 11:47

ꞋEt hukwa lubret bumoodihne ꞌinkꞌez Phariseene yahútilhduk wheni ꞌilhúnahosdil ꞌinkꞌez ꞌuhutni, “Ntsꞌenꞌa dáztinelh? Ndun dune stabe lhat-un hooncha teneꞌútꞌen!

John 15:25

ꞋInkꞌez ndi Yakꞌusda ooghuni buba ꞌukꞌu nusguz whe ꞌet ndutni, ‘ꞋAw hoonli huwa iloh stsꞌu hudutni.’ Daja ni la ꞌandit ꞌawet ꞌoh te neꞌwhustꞌen.

John 7:20

ꞋEt ꞌilhozdílne ꞌuhuyulhni, “Ntsiꞌ-i nudúdeh-i, ꞌi nyudínda! Mbe nyutuzilhghelh-un hukwunúta wheꞌ dini?”

John 8:48

ꞋEt Lizwifne ꞌuhuyúlhni, “Ꞌalha ꞌi be ntsꞌuyútni nyun Samaria whutꞌen-un ꞌintꞌoh ꞌinkꞌez ntsiꞌ-i nudúdeh-i nyudínda!”

Acts 17:18

ꞋEt Epicureanne ꞌinkꞌez Stoicne dune hodulhꞌehne huwun huyulh yálhduk. Whulohne howu yahalhduk, “Ndun iloh te neꞌduniꞌ-un, daja dutinelh hukwaꞌ ninzun whe ꞌutni,” hutni. ꞋEt ꞌuyoonne cha hutni, “Ndun ꞌuyoonne buyakꞌusdane, ꞌenne bughu yalhduk dududli whe ꞌutni,” hutni. Paul, Jesus ꞌinkꞌez dunadija-un huwun bubulh yálhdak ꞌet huwa hutni.

Acts 22:30

Ndun lhuganne moodih soo nahootáꞌalh hukwaꞌ ninzun ndet huwa Paul huyulh huske, ꞌinka ꞌom bun ꞌet Paul lhuztih tlꞌool hitsꞌa hanahayanla ꞌinkꞌez lubret díztiꞌne, nahíyilhne cha tsꞌiyawh ꞌilhuhódilh ubúlhni ꞌinkꞌez Paul bubut nénilhti.

Acts 23:1

Paul nahíyilhne bubut usyin Paul soo cho ꞌubunilhꞌen ꞌinkꞌez ubúlhni, “Sulhutsinkene neyo tsꞌe oogha tꞌetsꞌoninzun-i ꞌi gha Yakꞌusda but ꞌahoolhyiz wheni be khusna-i tsꞌihꞌun unꞌa ꞌustꞌoh.”

Acts 24:20

Kꞌus ndunne te nyodóniꞌ ndet whe nintaꞌnustꞌén-un sghu náháhóonꞌai nahíyilh-un but susyin whe,

Acts 4:15

ꞋEt ꞌinka yaduk bayoh tenábonilhꞌaꞌ ꞌinkꞌez la hukwꞌu nuhúhulhyeꞌ.

Acts 5:21

ꞋEt whelꞌaꞌne hikꞌoh tsꞌe ꞌuja. Soo yulhkai ꞌet Lizwif bulugliz whucho dahánindil ꞌinkꞌez ꞌawet dune whuba hodulhꞌeh. ꞋEt Lizwif lubret ꞌukꞌenus diztiꞌ-un ꞌinkꞌez yutsꞌú ditnine, ꞌenne Lizwif butso whúdilhdzulhne ꞌinkꞌez nahíyilhne cha bughú nahúzya yahatilhduk-un huwun. ꞋEt ꞌinkꞌez whelꞌaꞌne ꞌahudinla tsꞌe duduneꞌne bukuwhenábuhalhꞌaꞌ bubut nébotalelh ha.

Acts 5:27

ꞋEt whelꞌaꞌne dunáboninla ꞌinkꞌez nahíyilhne bubut néboninla ꞌinkꞌez lubret ꞌukꞌenus díztiꞌ-un, ꞌet uboodulhkut,

Acts 6:12

ꞋEt nduhútni whe, butso whúdilhdzulhne, Moses be ꞌudustlꞌus ꞌukꞌu nunáguzne cha, ꞌinkꞌez ꞌonghohne cha buba hodinꞌai, ꞌenne tsꞌiyawh Stephen huyulh húnilchꞌe. Highu nindil, huyílhchoot, ꞌinkꞌez nahíyilhne but néhinilhti.

Acts 6:15

Mbene la nahíyilhne tsꞌiyawh Stephen ꞌen za hínilhꞌen oonin unzoo kꞌet ꞌantsꞌi lizas nin ꞌet nduntꞌoh.

Acts 7:37

Moses ꞌen ꞌuntꞌoh Israel ootsꞌu hainzutne ubúlhni whe ndutni, ‘Yakꞌusda be nus hóoꞌen-un, sundultꞌoh-un, ꞌen Yakꞌusda nohtsꞌítilhꞌalh. Nohkeyoh ꞌilhoghun ꞌen ꞌutinelh. ꞋEn si oozólhtsꞌaiꞌ.’

Romans 12:10

Ntsꞌenꞌa lhulhutsinke lhkꞌehusiꞌ, ꞌet whuz unꞌa soo tsꞌihꞌun unꞌa lhkꞌehsiꞌ. Tsꞌihꞌun unꞌa néꞌlhoolhꞌen nohgha whúltsꞌuk totsuk.

1 Corinthians 6:10

kꞌus ꞌundunutꞌihne, kꞌus ꞌuyoonne chꞌeꞌ haꞌ ninzunne, kꞌus tanutnaine cha, kꞌus ꞌuyoonne dzoh neꞌduniꞌne, kꞌus ꞌon nus dáhatnine cha, ꞌenne tsꞌiyawh nduntꞌohne Yakꞌusda lerwe unli-un, ndai la Yakꞌusda oochꞌeꞌ unli-i, ꞌi ꞌaw huyólhchoot ꞌaitꞌoh.

1 Corinthians 6:6

ꞋEt hoontsꞌi lheꞌahja! ꞋIlhoghun dune dulhutsin ooba nahutideh tsꞌe yoolhti. Ndunne nahiyilhne ooba ꞌalhaꞌ lheꞌhootꞌohne hoontsꞌi bubut nenilhti?

1 Thessalonians 4:6

Khun te neulhutsin unline neghá whunistꞌen whe buꞌat bulh nintaꞌtsꞌootꞌen junih. ꞋEt whuz unꞌa za whutsodaꞌ nohdasniꞌ. ꞋInkꞌez doo cha za nohdusni, neMoodihti ꞌen za ndóohoontꞌoh-un huwun kꞌútneh-un ꞌuntꞌoh.

Titus 3:2

ꞋUyoonne hoontsiꞌ kꞌunꞌa bughu yahoolhduk junih, ꞌinkꞌez ꞌaw lhdulhyoh ꞌuhudootniꞌ junih. Kꞌus tsꞌiyanne nalhtsulyaz néꞌboohoolhꞌen ꞌinkꞌez ꞌuyoonne tsꞌun yo ꞌúhududoldzin.

Hebrews 12:25

Yakꞌusda nohbulh yálhduk-un, ꞌet huwun nohbulh yalhduk-un, khun dah doohtniꞌ junih. Soo cho whunulhꞌen, yun kꞌut ꞌet ndúbulhni ꞌet hoontsꞌi ꞌaw hikꞌu nulheꞌitꞌel, ꞌet huwa hoolhtus whe buba nahizya. ꞋEt ꞌandit yakꞌuz whutsꞌun nebulh yalhduk-un, ꞌen oochꞌaz nátsꞌulhya de, ꞌet ꞌon nus dáwhultus whe neba nahutideh.

Hebrews 5:9

ꞋInkꞌez tsꞌihꞌun ꞌulya-un suliꞌ. ꞋInka mbene yukꞌúneꞌ ꞌutꞌenne, ꞌenne ꞌilhiz wheni hudujis-un, ꞌet bugha óoninꞌai.

James 2:20

ꞋEt nyun tube whuzini! ꞋAwhuz eh tꞌeóonuzínzun? ꞋUtꞌen yit de, be ꞌalha ꞌuhoontꞌoh-i, ꞌaw hoonli lhiloh whe ꞌuntꞌoh.

James 3:6

Netsoola ꞌantsꞌi kwun leꞌ ꞌuntꞌoh. Ndai la khuni tsꞌihꞌun unꞌa lheꞌítꞌoh be yatsꞌulhduk-i, ꞌi be dubih. ꞋI be ndulcho neyustꞌe nintaꞌyulhꞌih. Ndi yun kꞌut neyustꞌe whutsꞌu nintꞌi-un, ꞌantsꞌi kwun kꞌunꞌa hoolhtus whulhtsih. ꞋInkꞌez netsoola ꞌi kwuncho yo whumoodih, ꞌen be dikꞌaih.

1 Peter 2:23

ꞋEt khuni untsiꞌ-i be hiyulh yalhduk ꞌet hoontsꞌi ꞌaw khuni untsiꞌ be butsꞌun kꞌulhditnel. ꞋOh daꞌ dzoh nusúzut whe, ꞌet hoontsꞌi ꞌaw bubulh lheꞌoonílhjoot. ꞋEt kꞌus mbe la soo tsꞌihꞌun unꞌa nahiyilh-un, ꞌen yutlꞌaꞌ dudilti.

1 Peter 3:9

ꞋUyoonne nohtsꞌun tankꞌus ꞌuhuninzun de, khun te kꞌunóohdzin junih. ꞋUyoonne nohchꞌaz yáhalhduk de, nohni khun buchꞌaz yaóolhduk junih. Kꞌus ꞌantsꞌi khuni unzoo-i be za bubulh yaóolhduk. Tꞌeoonáhzun whuz unꞌa Yakꞌusda nohtsꞌo húkwaꞌ ninzun. ꞋEt de la Yakꞌusda yutꞌi-i, ꞌi nohghá holtsꞌit.

1 John 2:9

Dune ꞌutni, be hóotꞌen niz ꞌuntꞌoh ni de, ꞌinkꞌez dulhutsin tsꞌu dutni, ꞌen ꞌawhuz tsalhgus yo usda whé ꞌuntꞌoh.

1 John 3:10

ꞋEt ndiz unꞌa Yakꞌusda buzkeh ꞌinkꞌez netsudule buzkeh cha tꞌehunudzun: Mbe la tsꞌihꞌun nulheꞌustꞌen, kꞌus dudulhutsin kꞌelhísiꞌ, ꞌen Yakꞌusda uniyalh-un iloh whe ꞌuntꞌoh.

1 John 5:16

Mbe la bulhutsin lubeshi ꞌaw yukꞌé dalhtisah-i ꞌulhꞌen, yunilhꞌen de, Yakꞌusda yoodolhkut ꞌinkꞌez nyoon lubeshi ꞌaw yukꞌé dalhtisah ꞌulhꞌen-un, ꞌen hutinalh-un yugha óotaꞌalh. ꞋEt lubeshi ooghá daztitsah-i cha hoonli. ꞋAw ꞌet huba tenadondli lhduzúsni.

Jude 1:9

ꞋEt hoontsꞌi Michael ꞌen ꞌudedo lizas ꞌuntꞌoh-un, ꞌet ꞌoh daꞌ netsudule ꞌen Moses dazsai whe hukwꞌelhꞌaz oozi ꞌi ghun lhdulhyoh ꞌuhudutni. ꞋAw dichꞌoh oobaꞌ hoontꞌoh lhnízun whe yuchꞌaz ditni be yalhduk ꞌinkꞌez yuba nahutiyeh. ꞋEt hoontsꞌi Michael netsudule nduyúlhni, “NeMoodihti hukwaꞌ nyudóniꞌ!”

Revelation 20:14

ꞋEt be yátsꞌadlah-i ꞌinkꞌez Hades bulh njan sulphur be dizkꞌun-un bunghun ndúwhulcho-un tsú bodalhdil. Njan ꞌet whulh nat yatsꞌitádlah-un ꞌuhoontꞌoh.