Matthew 5:19 - Yak'usda Ooghuni

¹⁹ ꞋEt huwa ndai khuni neghaltsꞌut-i, ꞌi hoontsool-unyaz hoontsꞌi dune kꞌuhinínyuz de, ꞌinkꞌez ꞌuyoonne whuz unꞌa whubodutilhꞌeh dune ndutꞌen de, ꞌet yakꞌuz kꞌúneꞌ whulꞌen-un, ꞌen ꞌaw hoonli lhiloh-un yidutánelh. ꞋEt ndi khuni netlꞌa diltsꞌut-i, dune hikꞌuneꞌ ꞌutꞌen de, ꞌinkꞌez ꞌuyoonne whuz unꞌa ꞌaz whubodutilhꞌeh, yakꞌuz kꞌúneꞌ whulꞌen-un, be ncha-un ꞌuntꞌoh hidutánelh.

Matthew 5:19 Iomraidhean Croise

Matthew 11:11

Tsꞌihꞌun unꞌa ꞌunohdusni, whuzdline toh, ꞌaw John dune too be ꞌulhꞌen-un anus díztiꞌ-un hooloh. ꞋEt hoontsꞌi yakꞌuz kꞌúneꞌ whulꞌen-un, mbe la ꞌukꞌenus diztiꞌ lhiloh-un, ꞌen yanus uncha whe ꞌuntꞌoh.

Matthew 19:28

Jesus ndúbulhni, “Tsꞌihꞌun unꞌa nohdusni, ntsꞌoya hoozulh whe tsꞌiyaitsuk ꞌandidi-i natidleh, ꞌoh whuya hoozulh whe Yinka Dune Yeꞌ, yukwꞌutsꞌuzda cho diztiꞌ-i, ꞌi yukꞌetlꞌa dutadalh. ꞋEt nohni suntizdil inleꞌne, nohni cha whunizyai ꞌon ꞌat nanki kwꞌutsꞌuzda-i dune buba nahutiyeh ha, ꞌet dutálhtsꞌilh. ꞋEt Israel ootsꞌu haindene, whunizyat ꞌon ꞌat nane lhelhdoh didowhne, ꞌenne buba nahutihyeh.

Matthew 20:26

ꞋEt hoontsꞌi nohni nohtoh whuz unꞌa ꞌutihtꞌelh noohzin junih. Mbe la nohtoh ncha tileh hukwaꞌ ninzun-un, ꞌen nohba neꞌútꞌen-un ooleꞌ.

Matthew 28:20

Khuni nohtlꞌa dísꞌai-i, tsꞌiyawh hikꞌuneꞌ ootꞌen-un hubodoolhꞌeh. ꞋInkꞌez soo zulhtsꞌai, dzin whula toh lhaooduja de, ꞌet whutsꞌun ꞌahoolhyiz nohbulh ꞌútistꞌelh wheꞌ hoontꞌoh.” ꞋEt ndo honeh.

Luke 1:15

ꞋEt neMoodihti oonalh dune uncha-un tileh. Tsꞌekoo tooꞌ kꞌus too ulhtus-i cha lhtisnel. Whutileh whutso ꞌet hoontsꞌi Ndoni be dutibun.

Luke 11:42

ꞋEt hoontsꞌi nohni Phariseene ꞌawet dawhultsiꞌ-un ꞌet nohtsꞌu hóoltsꞌulh! Ndai la ha núlhyeh-i, ꞌutꞌan sooltsun-i cha, rue cha huyulhni, ꞌinkꞌez ꞌonghoh-i, ꞌi ooloh, 10%, ꞌi Yakꞌusda ghahꞌaih. ꞋEt ndóhtꞌen hubaꞌ hoontꞌoh. ꞋEt hoontsꞌi tsꞌihꞌun unꞌa neꞌáhtꞌen-un, ꞌinkꞌez Yakꞌusda ye nekꞌentsiꞌ-i, ꞌaw ndulhúzahtꞌen. ꞋEt ndóhtꞌen hubaꞌ hoontꞌoh, ꞌinkꞌez ꞌudun cha whuyit lheꞌzootꞌen.

Luke 9:48

ꞋInkꞌez ꞌubulhni, “Mbe la sooziꞌ gha ndun tsꞌoodunyaz yukꞌesutsit-un, skꞌeintsiꞌ wheꞌ hintꞌoh. ꞋInkꞌez mbe la skꞌesutsit-un, whuz de sútilhꞌaꞌ-un cha hikꞌesutsit wheꞌ hoontꞌoh. ꞋEt huwa, mbe la nohtoh ꞌukꞌenus dune ba telꞌen-un, ꞌen ꞌukꞌenus ncha tileh.”

Acts 1:1

Syadan Theophilus, hadih. ꞋUdechoo ꞌookꞌuneꞌúguz ꞌukꞌu nusúsguz-i Jesus ntsꞌoh te neꞌústꞌen ꞌinkꞌez nehodulhꞌeh ꞌet huwun ndet dude ꞌutꞌen wheꞌ yudilhꞌen,

Romans 3:8

ꞋEt hoontsꞌi whulohne dune, nechꞌaz yáhalhduk whe hutni, “Tankꞌus ꞌúhootꞌen butsꞌútni Yakꞌusda díztiꞌ tꞌehonoozeh ha,” ꞌet whe nechꞌaz yáhalhduk. ꞋEt ꞌalha ꞌuhoontꞌoh njan hohontsꞌit-un ꞌet hukwꞌelha Yakꞌusda buba nahutiyeh, bubulh dawhútanelh-un tsꞌihꞌun ꞌuhoontꞌoh.

Romans 6:1

Tꞌewhunúhzun eh dája nohdásniꞌ? Lubeshi ꞌutsꞌulhꞌen za eh ꞌuztitꞌelh, Yakꞌusda dalcho-i be netsꞌun únzoo tꞌetsꞌontázin huba?

Romans 6:15

Daja nuhzun? Niz de khuni netlꞌa ídanꞌai-i, ꞌi ꞌaw ꞌon ꞌun ootꞌa níznootan huba lheꞌhóotꞌoh. ꞋEt Yakꞌusda ye únzoo-i, ꞌi za tꞌaníznintan de, lubeshi ꞌuztilelh-un netlꞌa hóotꞌai nahzun eh? ꞋAw ꞌuhótꞌeꞌ ꞌaítꞌoh.

1 Timothy 6:11

ꞋEt hoontsꞌi Timothy Yakꞌusda ooduneꞌ inli. Nyun ndowhi, ꞌi oochꞌa tilgaih, ꞌinkꞌez be tsꞌihꞌun ꞌuhoontꞌoh-i, be Yakꞌusda kꞌuneꞌ whutꞌen-i, be ꞌalha ꞌuhoontꞌoh-i, be nekꞌetsꞌinsiꞌ-i cha, be whulh tsꞌuzyin-un cha, ꞌinkꞌez be yo ꞌuzdudildzun-i cha, ndi ꞌi tsꞌiyawh whunanyalh hukwa ꞌintꞌen.

Titus 3:8

Ndi khuni ꞌalhaꞌ ꞌuntꞌoh-i ꞌuntꞌoh. ꞋInkꞌez ꞌahoolhyiz ꞌet za ndudóniꞌ ntsꞌu hukwaꞌ nuszun. Mbene Yakꞌusda ooba ꞌalhaꞌ yintꞌohne, huwu hinli whe ꞌutꞌen unzoo-i za ꞌahoolhyiz higha oonaꞌ. Ndi khuni tsꞌiyanne ba unzoo ꞌinkꞌez dune whe sooꞌ hutitꞌelh.

1 Peter 5:4

ꞋInkꞌez ndun Jesus Christ ꞌusbai ghundline butso whudilhdzulh-un, ndet la nenalhtsꞌet haínya de, ꞌet de ndi whudíztiꞌ-un be ꞌindindi-i, ꞌaw gak oodleꞌ ꞌaitꞌoh, ꞌet nohgha óotaltsꞌulh.

1 John 3:4

Mbe lubeshi ꞌulhꞌen, ꞌaw Yakꞌusda ooghuni yukꞌú nulheꞌustꞌen-un whe ꞌuntꞌoh. ꞋEt khuni kꞌutsꞌuyus de, lubeshi ꞌuhoontꞌoh.

Revelation 2:20

ꞋEt hoontsꞌi hoontsool-unyaz whe sba ꞌutsꞌun unꞌa ꞌahtꞌoh. Nyoon tsꞌeke Jezebel nus hóoꞌen naꞌdudútni. Hubodulhꞌeh ꞌinkꞌez seꞌ ꞌulhnane tankꞌus úbunilhtꞌi. ꞋUyoonne dune ꞌinkꞌez ꞌuyoonne tsꞌekoo bulh nintaꞌhootꞌih. ꞋInkꞌez ꞌukꞌeltsi gha tꞌaih-i huyooꞌalh hukwaꞌ bulhꞌen. ꞋEn tsꞌeke ꞌaw whuchꞌa lhnuzáhyoot.