Matthew 5:18 - Yak'usda Ooghuni

¹⁸ ꞋAlhaꞌ dusni, Moses be ꞌudustlꞌus Hebrew bughuni kꞌunꞌa hoontꞌum-unyaz whe ꞌukꞌeguz-un ꞌinkꞌez hoontꞌum-unyaz usgus-un, ndet ꞌuwhulhni, ꞌet tsꞌiyawh ꞌet ndúhooja de, ꞌet whutsꞌun ꞌaw ndi yun ꞌinkꞌez yakꞌuz cha ꞌetsul ꞌuhóneh ꞌaitꞌoh.

Matthew 5:18 Iomraidhean Croise

Matthew 10:15

ꞋAlha nohdusni ndet dune ba nahidilh-un whusahooltsꞌut de, Sodom ꞌinkꞌez Gomorrah whutꞌenne cha, njan keyoh whutꞌenne nohghu núlhiyalne, ꞌon nus ꞌuwhultsiꞌ-un bugha óotaltsꞌulh.”

Matthew 10:23

Njan keyoh dzoh nanóhahulhdzut de, ꞌet ꞌudun keyoh tsꞌe buchꞌa tóohdilh. Keyoh whuti ꞌet cha dzoh nunohohulhdeh de, doo cha ꞌon ꞌun keyoh buchꞌa tóohdilh. ꞋAlhaꞌ ndusni ꞌet Yinka Dune Yeꞌ whusatiyalh whutso, ꞌaw Israel ootsꞌu haindene, ꞌenne bukeyoh tsꞌiyawh whutulhóhdilh ꞌaitꞌoh.

Matthew 10:42

ꞋInkꞌez mbene la si sgha hodulꞌehne, bubooziꞌ gha kꞌus hukwꞌeꞌih ꞌuntꞌoh-un, too sukꞌuz yubainkai de, ꞌalha ꞌunohdusni, ꞌen hoontsꞌi ooba ꞌukꞌelha whutaleh wheꞌ hoontꞌoh.”

Matthew 11:11

Tsꞌihꞌun unꞌa ꞌunohdusni, whuzdline toh, ꞌaw John dune too be ꞌulhꞌen-un anus díztiꞌ-un hooloh. ꞋEt hoontsꞌi yakꞌuz kꞌúneꞌ whulꞌen-un, mbe la ꞌukꞌenus diztiꞌ lhiloh-un, ꞌen yanus uncha whe ꞌuntꞌoh.

Matthew 13:17

Tsꞌihꞌun ꞌunohdusni, ꞌudaꞌ lhane nus hooꞌenne ꞌinkꞌez tsꞌihꞌun ꞌuntꞌohne, ndai la nulhꞌen-i, ꞌi huyuntilhꞌelh hukwaꞌ huninzun, ꞌet hoontsꞌi ꞌaw lhuhuyíꞌel! Ndet la whudahtsꞌo-un, hodutatsꞌo hukwaꞌ huninzun, ꞌet hoontsꞌi ꞌaw lhuhodátsꞌil.”

Matthew 16:28

Soo tsꞌihꞌun unꞌa nohdusni, whulohne njan núdilhyane, dahutitsah whutsꞌo Yinka Dune Yeꞌ whe lerwe unli-un, whuz unꞌa whuz de uyalh de, dahútitsa whutsꞌo huyuntilhꞌelh.”

Matthew 17:20

ꞋEt Jesus ꞌúbulhni, “Nohba ꞌalha lheꞌhootꞌoh ꞌet huwa ꞌaw oohleh ꞌaitꞌoh. ꞋAlha nohdusni ꞌanukat-i lheꞌniltsool-i, ꞌi mustard huyulhni, ꞌi kꞌunꞌa be nohba ꞌalha ꞌuhoontꞌoh de, ꞌet ꞌulcho de, dzulh njan whutsꞌun, nguz nailtsꞌut dahni de, ꞌaho ndutínelh. ꞋEt whuz unꞌa tsꞌiyaitsuk whuz unꞌa ꞌudahni de, ꞌet ndutítꞌelh.

Matthew 18:18

ꞋAlhaꞌ dusni wheꞌ dusni, nohni ndai la ndi yun kꞌut oola dihtni de, ꞌi ndo yakꞌuz cha oola oodutitnih. ꞋEt ndi yun kꞌut ndai lhgha ꞌúhudija de, ꞌi ndo yakꞌuz cha lhgha ꞌúwhutanelh.

Matthew 18:3

ꞋInkꞌez ꞌet ꞌúbulhni, “ꞋEt soo tsꞌihꞌun unꞌa nohdusni, ꞌaw ꞌutsꞌun unꞌa nalheꞌzahtne de, ꞌinkꞌez tsꞌoodunneyaz kꞌoh tsꞌe ꞌahtꞌoh nasahdliꞌ de, ꞌet de za yakꞌuz whulerwe unli-un whuz tihdulh.

Matthew 19:23

ꞋEt Jesus yugha hodulꞌehne ubúlhni, “Soo tsꞌihꞌun unꞌa nohdusni, yakꞌuz ntsꞌe lerwe unli-un, tube howa whulnaꞌ whe hoonzooꞌ ꞌuntꞌoh-un whuz tiyalh.

Matthew 19:28

Jesus ndúbulhni, “Tsꞌihꞌun unꞌa nohdusni, ntsꞌoya hoozulh whe tsꞌiyaitsuk ꞌandidi-i natidleh, ꞌoh whuya hoozulh whe Yinka Dune Yeꞌ, yukwꞌutsꞌuzda cho diztiꞌ-i, ꞌi yukꞌetlꞌa dutadalh. ꞋEt nohni suntizdil inleꞌne, nohni cha whunizyai ꞌon ꞌat nanki kwꞌutsꞌuzda-i dune buba nahutiyeh ha, ꞌet dutálhtsꞌilh. ꞋEt Israel ootsꞌu haindene, whunizyat ꞌon ꞌat nane lhelhdoh didowhne, ꞌenne buba nahutihyeh.

Matthew 21:21

ꞋEt Jesus ndúbulhni, “ꞋAlhaꞌ nohdusi, bé ꞌalha ꞌuhoontꞌoh-i ahtꞌi de, ꞌinkꞌez ꞌaw nohba nawh lheꞌwhutástꞌel whe mai chun cha ꞌá dizgi, nohni cha whuz unꞌa za ꞌet ndutihnelh. ꞋInkꞌez ꞌaw ꞌet za iloh, njan shus ꞌi laꞌ dóhni, ‘Dudilhtsꞌit ꞌinkꞌez bunghun whucho tsꞌe tailhtsꞌit,’ dahni de, ꞌet whuz unꞌa nduwhútanelh.

Matthew 21:31

ꞋEt Jesus ꞌutni, “Ndunne nane kꞌus mbe oobá buba hukwaꞌ ninzun ꞌoh te hukwꞌu neꞌhustꞌen?” “ꞋUdechoo-un, ꞌen za,” hutni. ꞋEt Jesus ndúbulhni, “Tsꞌihꞌun nohdusni ndunne sooniya nalhdzoohne ꞌinkꞌez tsꞌekoo ꞌulꞌenne cha, Yakꞌusda lerwe unli-un, whuz nohtso dahutidulh.

Matthew 23:36

Tsꞌihꞌun unꞌa nohdusni ꞌandit whudilhdzulhne, nohni hukwꞌelha whutilhtselh whe ꞌahtꞌoh.”

Matthew 24:2

ꞋEt Jesus ndúbulhni, “Njan tsꞌiyawh ꞌáw lhonúlhꞌen? Tsꞌihꞌun unꞌa nohdusni, ꞌaw ꞌilho tse lhkꞌulhdutásdlal, tsꞌiyawh nadúntijulh wheꞌ hoontꞌoh.”

Matthew 24:47

ꞋAlhaꞌ nohdusni ndai la yutꞌi-i, tsꞌiyawh kꞌuneꞌ yulꞌen yutilhtselh.

Matthew 25:12

ꞋEt ndúbulhni, ‘ꞋAlhaꞌ ꞌaw tꞌenohnuzúszun!’

Matthew 25:40

ꞋEt lerwe njan ndúbudutanelh, ‘Ꞌalha ꞌi be nohdusni, ndunne sulhutsinke, ꞌaw nchane lhiloh, ꞌenne ꞌilhoghun hoontsꞌi whuz unꞌa ꞌet ndúbahla de, si ꞌusáhla wheꞌ hoontꞌoh.’

Matthew 25:45

ꞋEt budutanelh, ‘Ꞌalha ꞌi be ꞌunohdusni, sulhutsinke ꞌaw ncha lhilohne, ꞌaw ꞌilhoghun hoontsꞌi whuz unꞌa lhebáhlel. ꞋEt huwa si cha ꞌaw ndusúlhahlel leꞌ hoontꞌoh.’

Matthew 5:26

Tsꞌihꞌun unꞌa nohdusni, ndai la tsꞌiyaitsuk ookꞌelha whutilhtselh ꞌet whutsꞌun, ntsꞌenꞌa suba whuchꞌa naoohjaꞌ?”

Matthew 6:16

“ꞋEt ndet soo hóotahnih de, duba naꞌudzooꞌne bukꞌunꞌa oohtꞌeꞌ junih. Ndutꞌenne dudzi yo ꞌuhilhdzun naꞌhududilꞌi wheꞌ hintꞌoh. ꞋInkꞌez dunin be teꞌhududilꞌen ꞌinkꞌez dzoh nuhuzut naꞌhududilꞌi. ꞋEt whuz unꞌa ꞌuyoonne whúbonulhtun ntsꞌenꞌa la soo huhooni hukwꞌunꞌa. ꞋAlhaꞌ whe nohdusni, mbe la ndutꞌenne buba ꞌukꞌelha yutaleh-i, ꞌudaꞌ buba kꞌelha whuzdliꞌ wheꞌ hintꞌoh.

Matthew 6:2

ꞋEt huwa telꞌenne ghaꞌ tihꞌalh de, khun tsꞌiyanne nalh ꞌududolhtiꞌ junih. Duba naꞌudzooꞌne, ꞌenne whuz unꞌa ꞌet nduhútꞌen. Lizwif bulugliz kꞌus ti whulheguz-un ꞌet tsꞌiyanne ubunoolhꞌen ha, ꞌet nduhutꞌen. ꞋAlhaꞌ dusni, ooba kꞌelha whutalehne, ꞌudaꞌ buba nkꞌelha whuzdliꞌ whe ꞌuhintꞌoh.

Matthew 8:10

Jesus whúdantsꞌo whe ooba hooncha. Yunidulhne ubúlhni, “Tsꞌihꞌun unꞌa nohdúsni, Israel ndulcho whe dune whuz unꞌa ooba ꞌalha ꞌuhoontꞌoh-un nalhizústi.

Mark 10:15

Soo tsꞌihꞌun ꞌalhaꞌ nohdúsni, Yakꞌusda whulerwe unli tsꞌe, Yakꞌusda bulerwe unli-un ꞌaw tsꞌoodunneyaz kꞌunꞌa lhuhuhóolhchulh de, ꞌaw whuz dahóoyaꞌ ꞌaitꞌoh.”

Mark 10:29

ꞋEt Jesus ubúlhni, “A, tsꞌihꞌun nohdúsni, mbe la duyoh huwu tizya-un ꞌinkꞌez dulhutsinke, kꞌus dulhtuske, duloo, dubá, duꞌat, duzkehke, kꞌus duyun kꞌut te, si sgha ꞌinkꞌez khuni unzoo-i kꞌuz tsꞌiyantsuk whula ditni de, ꞌinkꞌez suntizya de, nus de ꞌon nus

Mark 11:23

Tsꞌihꞌun nohdusni, ndi dzulh ꞌi laꞌ dóhniꞌ, ‘Dudiltsꞌit ꞌinkꞌez yatoo kꞌut tailtsꞌit,’ nohdzi yo whe ꞌaw nawh lheꞌnahzun de, ꞌinkꞌez nohba ꞌalha ꞌuhoontꞌoh de, dawhútanelh dahni, tsꞌiyawh nohba ꞌet ndó tanelh.

Mark 12:43

ꞋEt Jesus yugha hodulꞌehne tsꞌun béꞌ buntilhni ꞌinkꞌez ubúlhni, “Nohdúsni ndun tsandilh telꞌen-un, ndunne tsꞌiyawh buba nus lhai deyánꞌai whe ꞌuntꞌoh.

Mark 13:30

Tsꞌihꞌun unꞌa nohdusni, ꞌandit whudizulhne ꞌaw yalhihitásdla, ꞌet ndó tanelh-un tsꞌiyawh lhawhúdutanelh, ꞌet whutsꞌun.

Mark 14:18

ꞋEt naꞌhutꞌalh whe Jesus ubúlhni, “Tsꞌihꞌun unꞌa ꞌunóhdusni ꞌilhoghun nohtoh sulh náꞌutꞌalh-un seꞌóotakulh.”

Mark 14:25

Tsꞌihꞌun unꞌa nohdúsni, ndi tsꞌekoo tooꞌ ꞌaw doo cha za oosnaiꞌ ꞌaitꞌoh ndet dzin ꞌuyoo ꞌandidi-i tsꞌekoo tooꞌ tisnelh de, Yakꞌusda ookꞌúneꞌ hutitꞌen ꞌet whutsꞌun.”

Mark 14:30

ꞋEt Jesus uyúlhni, “Peter, ꞌandit ꞌulhdzis lugok dune nat ꞌudutinelh whutso, tat ꞌet tꞌesunuzínzun dutanelh.”

Mark 14:9

ꞋAlhaꞌ nohdusni ndi yun kꞌut ndulcho whe ndi khuni unzoo-i nudútikat, ndun tsꞌeke ꞌuhoonla-un, ꞌet hukwꞌu naootitnuk ꞌet whe dune yunatilnih.”

Mark 3:28

Soo tsꞌihꞌun nohdúsni, tsꞌiyanne dune bulubeshi cha ꞌinkꞌez Yakꞌusda chꞌaz yálhduk-un cha tsꞌiyawh buba nꞌún whutildulh.

Mark 6:11

ꞋInkꞌez keyoh nenáhꞌaz-un dune nohtsꞌu hódilhꞌoh de kꞌus lhunohodústsꞌo de huwu nátóohtꞌas ꞌinkꞌez whulez chꞌa nohke naóohghat. ꞋEt dahúja-un tꞌehonoozeh. Tsꞌihꞌun nohdúsni Sodom ꞌinkꞌez Gomorrah whutꞌenne buba nus hootatsiꞌ. ꞋUdékꞌez dzin de huyé dzoh nutízut-i ba nús ꞌet lhunohdústsꞌone dzoh nahutideh.”

Mark 8:12

Jesus tube hibadzo ꞌúdija ꞌinkꞌez ubúlhni, “Di ha ꞌandit dunene huwa ꞌítꞌen-un hukwa hitisꞌen? ꞌalhaꞌ nohdúsni ꞌaw ndi yun kꞌut whuduneꞌne ndúhoontꞌoh-un huhooꞌen ꞌaitꞌoh.”

Mark 9:1

ꞋEt ꞌubulhni, “ꞋAlhaꞌ nohdusni, tsꞌiyanne Yakꞌusda ye úlhtus-i be hikꞌúneꞌ ꞌutꞌen-i whusáwhutiltsꞌulh, whulohne njan dilhtsꞌine hotiꞌelh dahútitsa whutso.”

Mark 9:41

Nohni Christ oochꞌeꞌne ꞌahli huwa dune too nohgha nílhdzo de, ꞌen Yakꞌusda ooba ꞌukꞌelha yutaleh-i ꞌaw nintayoꞌalh ꞌaitꞌoh.

Luke 11:51

Abel buzkaiꞌ whuzdliꞌ-un whutsꞌun ꞌinkꞌez Zacharias buzkaiꞌ whuzdliꞌ daꞌ ꞌuntꞌoh, Zacharias lugliz whucho ꞌinkꞌez loodel eguz ꞌet hizilhghi, ꞌalhaꞌ nohdusni, ꞌoh daꞌ dahooja la, ꞌet ꞌandit whudizulhne dune, nohni hukwꞌelha whutilhtselh whe ꞌahtꞌoh.

Luke 12:37

ꞋEt moodih whusanaja de, ꞌinkꞌez be ꞌulhnane hika tse hooli, ꞌinkꞌez hika ítisꞌen. Moodih ndutꞌenne bunilhꞌen de, ꞌukꞌenus hoonzoo-un bugha whultsꞌut. ꞋAlhaꞌ nohdúsni, bumoodih soo nadutitneh ha, ꞌinkꞌez dude ꞌulhnane nátlꞌa dulhtsꞌi budutánelh, ꞌinkꞌez bubut néꞌtilelh.

Luke 13:35

Whunulhꞌen, Jerusalem whutꞌenne nohkeyoh ꞌaw hoonli hooloh suliꞌ whe nohba ꞌet nenáwhultsꞌut Yakꞌusda nohladutitnih. ꞋInkꞌez ꞌalhaꞌ nohdusni, ndet la whusaóotiltsꞌulh, ꞌet ꞌoh de ꞌet ndudútihnelh, ‘Mbe la Moodihti booziꞌ be whusatiyalh-un, ꞌen ꞌukꞌenus hoonzoo-un oogha whultsꞌut.’ ꞋEt ndudútihnelh whutso, ꞌaw soohꞌen ꞌaitꞌoh.”

Luke 16:17

ꞋEt howa lhoohoolnaꞌ whe yatꞌah ꞌinkꞌez ndi yun cha hooloh whutaleh. ꞋEt hoontsꞌi ꞌon nus howa whulnaꞌ whe Moses be ꞌudustlꞌus kꞌut hoontsool-unyaz ꞌukꞌehóoguz-un, ꞌaw hooloh hóleꞌ ꞌaitꞌoh.

Luke 18:17

Soo tsꞌihꞌun ꞌalhaꞌ nohdusni, Yakꞌusda whulerwe unli tsꞌe, mbene la Yakꞌusda bulerwe unli-un ꞌaw tsꞌoodunneyaz kꞌunꞌa lhuhuhóolhchulh de, ꞌaw whuz dahóoyaꞌ ꞌaitꞌoh.”

Luke 18:29

ꞋInka ꞌubulhni, “ꞋAlhaꞌ nohdusni, Yakꞌusda whe lerwe unli-un, ꞌet huwa dune duyoh huwu tizya de, kꞌus dudusneke, kꞌus dulhutsinke te, kꞌus duꞌat, duzkeh cha, tsꞌiyawh huwu tizya de,

Luke 23:43

ꞋEt Jesus uyúlhni, “Tsꞌihꞌun unꞌa nyudusni, ꞌukꞌenus hoonzoo-un, ꞌet ꞌandit dzin sulh ꞌútantꞌelh.”

Luke 4:24

ꞋInkꞌez ꞌet ndutni, “ꞋAlhaꞌ tsꞌihꞌun nohdusni, nus hooꞌen-un dukeyoh ꞌaw ꞌilhoghun hoontsꞌi yukalheꞌnizun.

John 1:51

ꞋEt soo tsꞌihꞌun unꞌa nyudusni, yakꞌuz dáhaꞌ dankez ꞌinkꞌez Yakꞌusda oolizasne ndus de ha hádudoh ꞌinkꞌez ndo cha whenáhadudoh ndun Yinka Dune Yeꞌ ꞌen ba ꞌuhutꞌen, ꞌet whuntalhꞌelh,” yúlhni.

John 10:1

ꞋEt Jesus ubúlhni, “Soo tsꞌihꞌun unꞌa nohdusni, mbe la ꞌusbai ba naꞌnistlꞌóo-un ꞌaw dáti kꞌet dálhiyal ꞌinkꞌez nanistlꞌoo tus tilhget de, ꞌen dune ꞌundunutꞌíh-un ꞌuntꞌoh.

John 10:7

ꞋInka doo cha za Jesus ꞌubulhni, “Soo tsꞌihꞌun unꞌa nohdúsni, Si ꞌusbai ba dáti usdli whe ꞌustꞌoh.

John 12:24

Soo tsꞌihꞌun unꞌa nohdúsni, ha nuyeh-i oomaiꞌ ꞌaw yun kꞌut nálhniltsꞌulh de, dantꞌoh la ꞌet za ndutitꞌelh. ꞋEt hoontsꞌi yun kꞌut ánisꞌai de, soo lhai oomaiꞌ-i, ꞌi ooghu ha náyuntijeh.

John 13:16

Soo tsꞌihꞌun unꞌa nohdúsni, ꞌaw ꞌustle-un, ꞌen dumoodih ando lheꞌítꞌoh. ꞋEt whuz unꞌa za khuni naꞌá-un ꞌaw mbe la yutílhꞌaꞌ-un yandó lheꞌítꞌoh.

John 13:38

ꞋEt Jesus ꞌuyulhni, “ꞋAlhaꞌ eh be khína-i, ꞌi sba oola dutatnih? Soo tsꞌihꞌun unꞌa nyudúsni lugok dune ꞌudutinelh whutso, tat ꞌet tꞌésunuzínzun dutanelh.”

John 14:12

Soo tsꞌihꞌun unꞌa nohdúsni, mbe la buba ꞌalhaꞌ ꞌustꞌoh-un, ꞌen ndi ꞌutꞌen ndai la ꞌusꞌén-i, ꞌenne cha ꞌuhitilhꞌelh. ꞋEt si sBá ootsꞌu nátisdalh ꞌet huwa si ꞌutꞌen ꞌisꞌén-i ꞌon nus ꞌulcho-i ꞌutꞌen ꞌi la ꞌuhuyoolhꞌen.

John 16:20

Soo tsꞌihꞌun unꞌa nohdúsni, tihtso ꞌinkꞌez ꞌon ꞌun cha tube skꞌenitihleh, ꞌet hoontsꞌi yinka whuduneꞌne hontálhni. Nohni tube tsꞌodi tihleh, ꞌet hoontsꞌi ntsꞌodi-i bé hoonahtꞌiꞌ-i tileh.

John 16:23

ꞋEt dzin de, ꞌaw hoonli stsꞌu kaꞌ doohniꞌ ꞌaitꞌoh. Soo tsꞌihꞌun unꞌa nohdúsni, sBá si sooziꞌ gha hoonli ootsꞌu hukwaꞌ dahni de, nohgha ítaꞌalh.

John 21:18

Soo tsꞌihꞌun unꞌa nyudúsni, soo chilh inli daꞌ soo cho soo nadintꞌih ꞌinkꞌez ntsꞌe la hukwaꞌ ninzun, ꞌoh teninya inleꞌ. ꞋEt hoontsꞌi hoonyan sinliꞌ de, nla nusóontun ꞌinkꞌez ꞌuyoon dune nla yéꞌdinguz, ꞌi tꞌaz ntsꞌe hukwa lheꞌnínzun, ꞌoh te hoontsꞌi núnyutilhtelh,” yulhni.

John 3:11

Soo tsꞌihꞌun unꞌa njan nyudúsni, tꞌétsꞌonínzun ndet howu yatsꞌulhduk-un ꞌinkꞌez tsꞌihꞌun unꞌa nohtsꞌútni ndai la tsꞌanꞌen ꞌi ghun ꞌinkꞌez nohni ꞌaw neghuni nohba ꞌalhaꞌ lheꞌítꞌoh.

John 3:3

ꞋEt Jesus yúlhni, “Soo tsꞌihꞌun unꞌa nyudúsni, dune doo cha za whuzdli de, ꞌet de za Yakꞌusda lerwe unli-un whutiꞌelh.”

John 3:5

ꞋEt Jesus uyúlhni, “Soo tsꞌihꞌun unꞌa nyudúsni, dune too ꞌinkꞌez Ndoni be cha whuzdli de, ꞌet de za ntsꞌe la dune Yakꞌusda bulerwe unline ꞌet ꞌaw dahóoya ꞌaitꞌoh.

John 5:19

ꞋEt Jesus ubúlhni, “Soo tsꞌihꞌun unꞌa nohdúsni, ooYeꞌ ꞌaw dichꞌoh hukwaꞌ ninzun te neꞌutꞌen ꞌaítꞌoh. OoBá ntsꞌoh la neꞌútꞌen yunilhꞌen, ꞌet whuz unꞌa za ooYeꞌ neꞌútꞌen.

John 6:26

ꞋEt Jesus ubúlhni, “Soo tsꞌihꞌun unꞌa nohdúsni, ꞌaw njan nohnalh huwa ꞌítꞌen túneꞌ ꞌustꞌen-un, ꞌet huwa iloh skunáhta. Lhes nohgha núsꞌai, ꞌinkꞌez be soo ꞌuhja, ꞌi ha za ꞌahtꞌen skunúhta.

John 6:32

ꞋEt Jesus ꞌubulhni, “Soo tsꞌihꞌun unꞌa nohdúsni, ꞌaw Moses ꞌen íloh ndi lhes yakꞌuz hainkat-i nohgha yáꞌaih inleꞌ, ꞌet kꞌus sBá ꞌen ꞌutꞌen yakꞌuz whules nohgha yúꞌaih.

John 6:47

ꞋAlhaꞌ nohdúsni, mbene la si buba ꞌalhaꞌ ꞌustꞌohne, ꞌenne ꞌilhiz ooleꞌ huye khúna-i hutꞌi.

John 6:53

ꞋEt Jesus ꞌubulhni, “Tsꞌihꞌun ꞌunohdusni, ꞌaw ndun Yinka Dune Yeꞌ ooyustꞌe lháhꞌulh ꞌinkꞌez buzkaiꞌ cha lháhtnel de, ꞌet de ndi ꞌilhiz wheni huye khúna-i ꞌaw lháhtꞌih whe ꞌuhtꞌoh.

John 8:34

ꞋEt Jesus ꞌubulhni, “Soo tsꞌihꞌun unꞌa nohdúsni, mbene la lubeshi ꞌulhꞌenne, ꞌenne lubeshi ba ꞌulhnáne hinli.

John 8:51

Soo tsꞌihꞌun unꞌa nohdúsni, mbene la sghuni yoontúnne, ꞌaw dahóotsah ꞌaítꞌoh.”

John 8:58

ꞋEt Jesus ꞌubulhni, “Soo tsꞌihꞌun unꞌa nohdúsni, Abraham whutileh whutsodaꞌ, ꞌet ꞌudaꞌ si usdli whe ꞌustꞌoh.”

1 Peter 1:25

ꞋEt hoontsꞌi neMoodihti ooghuni ꞌilhiz wheni ꞌet dizꞌai.” Ndi khuni ꞌi khuni unzoo-i be nohbulh yainduk, ꞌi ꞌuntꞌoh.

Revelation 20:11

ꞋEt ꞌawet ulhyul-i kwꞌutsꞌuzda ncha-i cho diztiꞌ-i, ꞌinkꞌez mbe yukusda-un tísꞌen. Ndi yun kꞌut ꞌinkꞌez yatꞌah cha Yakꞌusda usda-un, ꞌet oochꞌa whúzkat, ꞌi ꞌinkꞌez tsꞌiyawh gak whuzdliꞌ.