Matthew 5:17 - Yak'usda Ooghuni

¹⁷ “Moses be ꞌudustlꞌus ꞌinkꞌez nus hooꞌenne bubeꞌ ꞌudustlꞌus ꞌi gak tiselh ha whusásya noohzin junih. ꞋI tsꞌiyawh lhadútisdleh ꞌet wheni whusásya.

Matthew 5:17 Iomraidhean Croise

Matthew 3:15

ꞋEt hoontsꞌi Jesus ꞌuyulhni, “Whute soo cho nilhꞌen, be tsꞌihꞌun ꞌuhoontꞌoh-i, ꞌet tsꞌiyawh lhaoodutanelh wheꞌ hoontꞌoh.” ꞋEt yutlꞌa honꞌai.

Matthew 7:12

ꞋEt huwa ntsꞌenꞌa hukwaꞌ nahzun dune danohotilhꞌelh-un, whuz unꞌa nohni cha ꞌet ndúboolhꞌen. Moses be ꞌudustlꞌus ꞌinkꞌez nus hooꞌenne bubeꞌ ꞌudustlꞌus cha, ꞌet náhooltꞌoh nduwhútni.”

Luke 16:17

ꞋEt howa lhoohoolnaꞌ whe yatꞌah ꞌinkꞌez ndi yun cha hooloh whutaleh. ꞋEt hoontsꞌi ꞌon nus howa whulnaꞌ whe Moses be ꞌudustlꞌus kꞌut hoontsool-unyaz ꞌukꞌehóoguz-un, ꞌaw hooloh hóleꞌ ꞌaitꞌoh.

John 8:5

Moses khuni ootulhúhisdeꞌ-i netlꞌa íditꞌai, ꞌi kꞌut ꞌutni, ‘Mbene la ndi lubeshi ꞌulhꞌenne, ꞌenne tse be ubutsꞌuzoolhghelh,’ ni. Nyun doꞌ ꞌet huwun daja dini?”

Acts 18:13

ꞋInkꞌez ꞌuhutni, “Ndun dune ndai be néba nahisda-i, ꞌi dulhyoh dune hubodulhꞌeh. ꞋUtsꞌun unꞌa Yakꞌusda ba ꞌuhootꞌen hukwa bulhꞌen,” huyúlhni.

Acts 21:28

“Israel tsꞌu haindene, nela ꞌuhneh!” hutni whe huhuyih, “Ndun dune ꞌen ꞌuntꞌoh, whunílhcho nuya ꞌinkꞌez Israel ootsꞌu hainzutne Moses ooghuni ꞌukꞌu nusguz-i cha ꞌinkꞌez nelugliz whucho cha tsꞌiyawh whuchꞌaz yálhduk. ꞋInkꞌez ꞌandit ꞌudun yun kꞌut whutꞌenne cha nelugliz whucho dábuninla ꞌet whe neba me whulhtsi!” hutni.

Acts 6:13

ꞋEt whulohne dune hiba hootsꞌit ha whusábahanla ꞌinkꞌez nahíyilhne njan dubuhútni, “Ndun dune nelugliz whucho whudiztiꞌ ꞌinkꞌez Moses huwa néulhꞌa-un ꞌahoolhyiz whuchꞌaz yálhduk.

Romans 10:4

Moses be ꞌudustlꞌus netsꞌu húkwaꞌ ninzun-un, tsꞌiyantsuk Christ neba ꞌetsul ꞌuhóonla. Neba ꞌalhaꞌ ꞌuntꞌoh de, ꞌen gha Yakꞌusda nalh tsꞌihꞌun dune tsꞌinli.

Romans 3:31

ꞋEt whula gha tsꞌe, wheni Yakꞌusda ooba ꞌalhaꞌ tsꞌintꞌoh tsꞌihꞌun unꞌa naꞌtsꞌuja, ꞌet ndutsꞌíntꞌoh de, Moses be ꞌudustlꞌus oonatsꞌodutilnoh nuhzun eh? ꞋAwundooh! ꞋAwhuz ꞌet dizꞌai. ꞋI cha Yakꞌusda ooghuni ꞌuntꞌoh.

Romans 8:4

ꞋEt whe ndai la Moses be ꞌudustlꞌus netsꞌu húkwaꞌ ꞌutni-un, tsꞌiyawh neba lhaóodinla. Wheni ꞌutsꞌintꞌoh, ꞌaw neyustꞌe nintꞌi tsꞌe hukwꞌu nulheꞌtsꞌustꞌen, ꞌet kꞌus Ndoni ookꞌoh tsꞌe za hukwꞌu neꞌtsꞌustꞌen.