Matthew 5:16 - Yak'usda Ooghuni

¹⁶ Dune ba be hootꞌen-i ꞌahli. ꞋI be nohꞌeꞌutꞌen unzoo-i dune huyuntilhꞌelh ꞌinkꞌez nohBá yakꞌuz usda-un hidutálhtiꞌ.”

Matthew 5:16 Iomraidhean Croise

Matthew 23:5

ꞋUtꞌen ꞌuhuyulhꞌen-i, ꞌi hiyoonne yunoolhꞌen huba za ꞌuhuyulhꞌen. ꞋInkꞌez Yakꞌusda ooghuni zus, Phylacteries huyulhni, ꞌon nus ncha huyilhꞌi tsꞌiyanne hinoolhꞌen ha. ꞋInkꞌez luglok tenahududli te nahuyitsꞌuz-i, ꞌi cha ootso ꞌon nus ꞌudilyiz nahuyulhtsih.

Matthew 23:9

Ndi yun kꞌut ꞌantsꞌi ꞌohne ‘ꞌubá’ budohneꞌ junih. ꞋAw ꞌilhoghun za nohBá unli ꞌet huwa, Yakꞌuz usda-un, ꞌen ꞌuntꞌoh.

Matthew 5:45

ꞋEt de la whunúlhtun nohBá yakꞌuz usda-un, buzkeh ꞌahli whe ꞌahtꞌoh. Yakꞌusda sa ntsiꞌne ꞌinkꞌez unzoone sa bukꞌidindi. Tsꞌihꞌun ꞌuntꞌohne ꞌinkꞌez tsꞌihꞌun lheꞌitꞌohne cha lhgha bukꞌut nawhúlhtih.

Matthew 6:16

“ꞋEt ndet soo hóotahnih de, duba naꞌudzooꞌne bukꞌunꞌa oohtꞌeꞌ junih. Ndutꞌenne dudzi yo ꞌuhilhdzun naꞌhududilꞌi wheꞌ hintꞌoh. ꞋInkꞌez dunin be teꞌhududilꞌen ꞌinkꞌez dzoh nuhuzut naꞌhududilꞌi. ꞋEt whuz unꞌa ꞌuyoonne whúbonulhtun ntsꞌenꞌa la soo huhooni hukwꞌunꞌa. ꞋAlhaꞌ whe nohdusni, mbe la ndutꞌenne buba ꞌukꞌelha yutaleh-i, ꞌudaꞌ buba kꞌelha whuzdliꞌ wheꞌ hintꞌoh.

Matthew 6:9

ꞋInka ndiz unꞌa tenadoohdli, ‘NeBá yakꞌuz sinda. Nyooziꞌ dótiꞌ.

Matthew 9:8

ꞋIlhunaoodúlhne tsꞌiyawh buba hooncha ꞌinkꞌez Yakꞌusda hudálhtiꞌ, lheꞌultus dunne butlꞌa honꞌai ꞌet huwa.

Luke 11:2

ꞋEt ꞌubulhni, “Nja ndudahni whe tenadoohdli, ‘NeBá yakꞌuz sinda. Nyooziꞌ dótiꞌ. Dahoontꞌoh whe lerwe inli, ꞌet cha netsꞌó tooltsꞌit. ꞋInkꞌez yakꞌuz tsꞌe hukwaꞌ ninzun dahooja la, ndi yun kꞌut cha, whuz unꞌa za ꞌet ndúhoneh.

John 15:8

ꞋInkꞌez mai lhai nohtsꞌu ha núlhyeh de, ꞌet huwa la sBá ꞌen ooba whudóltiꞌ. ꞋEt sgha hodulꞌehne oohleꞌ.

Acts 9:36

ꞋEt keyoh Joppa huwhútni-un ꞌilhoghun tsꞌeke ꞌet whutꞌen-un Tabitha huyulhni. ꞋEn ooba ꞌalha ꞌuhoontꞌoh-un. Booziꞌ Greek kꞌunꞌa “Dorcas” huyúlhni ꞌet “Yestsꞌe” ni whe ꞌutni. ꞋEn ꞌahoolhyiz hoonzoo túneꞌ ꞌutꞌen, ꞌinkꞌez telꞌenne cha laꞌ ꞌutꞌen.

1 Corinthians 14:25

ꞋEt whe la dudzi yo whe yuntilhꞌi-i, ꞌi tsꞌiyanne nalhtsꞌet ha óotiltsꞌulh wheꞌ hoontꞌoh. ꞋEt huwa nachánitno, Yakꞌusda tsꞌun teniꞌ untilhdzilh, ꞌinkꞌez ꞌalhaꞌ Yakꞌusda nohtoh ꞌúntꞌoh dutinelh.

2 Corinthians 9:13

ꞋInkꞌez ꞌuyoonne nohꞌeꞌutꞌen kꞌoh whe whubuntalhtun, ꞌi be, ꞌet ndúwhulcho whe ꞌonghohne Yakꞌusda ꞌon nus buba whudálhtiꞌ. Christ ooghuni unzoo-i daja dahni-un, ꞌet hukwꞌúneꞌ ꞌahtꞌen. ꞋEt huwa nohla hoonli whe Jerusalem whutꞌenne, ꞌenne bula ꞌahtꞌen, ꞌinkꞌez nꞌun whutꞌenne, ꞌenne cha bula ꞌahja.

Galatians 1:24

ꞋInkꞌez si sgha Yakꞌusda hudálhtiꞌ.

Ephesians 2:10

Wheni Yakꞌusda ꞌuyinlane ꞌutsꞌintꞌoh ꞌet huwa. Christ Jesus ꞌen ooyúzdultsꞌi whe ꞌen be ꞌandidi natsꞌusdliꞌ, ꞌutꞌen unzoo-i ꞌuztilhꞌelh ha. ꞋEt whe whutso Yakꞌusda neba lhaóodinla. ꞋEt ookꞌoh nutsꞌóodilh ha.

Ephesians 5:8

ꞋOh daꞌ tsálhgus yo dúlhtsꞌi inleꞌ ꞌet huwa. ꞋEt ꞌandit neMoodihti, ꞌen be hootꞌen-i nohba suliꞌ. ꞋInka tsꞌoodunne be hootꞌen-i niz nuhúdilh ꞌet ndóhtꞌeꞌ hubaꞌ hoontꞌoh.

1 Thessalonians 2:12

ꞋInkꞌez Yakꞌusda ba sooꞌ whuldzooꞌ kꞌunꞌa toohdilh. ꞋEn ꞌuntꞌoh ntsꞌe la usda-un, ꞌet lerwe unli, ꞌet whe tsꞌiyantsuk whe kꞌuneꞌ whutꞌen unli, ꞌinkꞌez ye diztiꞌ-i cha bulh ꞌuntꞌoh. ꞋEt whuz de ꞌanih nohúlhni.

1 Timothy 2:10

ꞌet hoontsꞌi tsꞌekoo, Yakꞌusda tsꞌun teni nilhdzunne, ꞌutꞌen unzoo-i ꞌuhutilhꞌelh, ꞌi be, ꞌet whuz unꞌa tsꞌekoo soo otꞌenne hutileh.

1 Timothy 5:10

Unzoo-i ꞌutꞌen ꞌulhꞌen ooghu tꞌeoohunoodzun. Tsꞌoodunne nilhyai de, dune tꞌebunuszunne, ꞌenne hoontsꞌi yoh dabulih, Yakꞌusda oochꞌeꞌne buke tunagus, dzoh nuzutne la ꞌutꞌen de, ꞌet ndi ꞌutꞌen unzoo-i soo cho tsꞌiyawh ꞌuyalhꞌen de.

1 Timothy 5:25

ꞋInkꞌez whuz ꞌunꞌa za mbene ꞌutꞌen unzoo-i ꞌulhꞌenne tsꞌiyanne tꞌewhuntizeh ꞌinkꞌez ꞌutꞌen unzoo-i nahinuꞌiꞌ de, ꞌi hoontsꞌi tsꞌiyanne tꞌewhuntizeh.

1 Timothy 6:18

Tsꞌihꞌun unꞌa ꞌuhootꞌen budoniꞌ. Bula hoonli whe ꞌutꞌen unzoo-i ꞌuhoolhꞌen. ꞋAhoolhyiz ꞌuyoonne hiye ndunidzit-i, ꞌi be bulaꞌ hutitꞌelh-un huba lhahúdootꞌeꞌ. Soo hoontꞌiꞌ whe lhtaꞌtsꞌoolyelh.

Titus 2:14

Jesus Christ neba huwaꞌ dudulti nelubeshi chꞌa nenaootakulh ha. ꞋInkꞌez wheni dichꞌoh ooduneꞌne dune ꞌutꞌen unzoo-i za ꞌutsꞌoolhꞌen.

Titus 2:7

ꞋInkꞌez Titus nyun cha tsꞌiyantsuk whe ngha ꞌutꞌen unzoo-i ꞌuhoolhꞌen, whuz unꞌa ꞌontꞌeꞌ. ꞋEt ndi be whutsꞌodulꞌeh-i, ꞌi tsꞌiyawh ꞌaw lhdoosun, dólhtiꞌ, ꞌinkꞌez ꞌaw hoonliyaz whe ꞌatsꞌun unꞌa ootꞌeꞌ junih.

Titus 3:14

ꞋInkꞌez netsꞌu ditnine, tꞌehonoozeh ꞌutꞌen unzoo-i za ꞌuhoolhꞌen. ꞋUyoonne hiye ndunidzit-i huye búlaꞌ hootꞌen. ꞋEt sih ndi yun kꞌut ꞌantsꞌi ꞌet lhodólhtsꞌi.

Titus 3:4

ꞋEt hoontsꞌi ꞌoh daꞌ ꞌuja neYakꞌusda neulhyis-un, ꞌen netsꞌun yé nekꞌensiꞌ-i ꞌinkꞌez yé netsꞌun unzoo-i ꞌi bulh, ꞌi tsꞌiyanne nalh be hóodiltsai, ꞌet whe uzdijiz,

Hebrews 10:24

ꞋInkꞌez tsꞌiyawh lhghu nuní uznoozut ꞌet de nus lhtsꞌun nooltꞌi, ꞌet de la tsꞌiyanne bukꞌetsꞌoosiꞌ ꞌinkꞌez ꞌutꞌen unzoo-i be bula tsꞌootꞌen.

1 Peter 2:12

ꞋUdun yun kꞌut whutꞌenne toh tsꞌihꞌun unꞌa yinka dólhtsꞌiꞌ. ꞋEt sih nohchꞌaz ditnine, ꞌenne hoontsiꞌ tuneꞌ ꞌahtꞌen nohohútni, ꞌinkꞌez ꞌutꞌen unzoo-i ꞌahla ꞌet honilhꞌen de, ꞌet de nkede Yakꞌusda whusanaja de, ꞌet huwa ꞌon nus hoonzoo kꞌunꞌa hidutálhtiꞌ.

1 Peter 2:9

ꞋEt hoontsꞌi nohni dune ꞌutꞌahályane ꞌahli. Yakꞌusda lerwe oolubretne ꞌahli. Yakꞌusda oochꞌeꞌne ꞌahtꞌoh. Nohni ooduneꞌ ꞌuntꞌohne ꞌahli. ꞋOnghohne, ꞌenne tsꞌihꞌun unꞌa daldzooꞌ whe ꞌuntꞌoh, tsꞌiyawh budutáhnelh ha. ꞋAwhuz tsalhgus yo dulhtsꞌi whe ꞌanih nohdániꞌ, ootsꞌu toohdilh ha. Oogha ꞌítꞌen-i be hootꞌen-i ꞌet ꞌuhoontꞌoh.

1 Peter 3:1

Nohni tsꞌekoo ndiz unꞌa za nohkike buba nyo ꞌudúdoolhdzin whe butlꞌaꞌ dudoolhyelh. Whulohne Yakꞌusda ooghuni hikꞌú nulheꞌustꞌen whe buꞌatke, ntsꞌenꞌa ꞌuhintꞌoh huwa tilah khuni yit hoontsꞌi dudeni náhondunoolelh.

1 Peter 3:16

ꞋEt lubeshi nohghu hooloh de, ꞌet ꞌuyoonne hoontsiꞌ kꞌunꞌa nohchꞌaz yáhalhduk, ꞌet hoontsꞌi tꞌehoninzun Christ, ꞌen be hoonzoo hukwꞌunꞌa whe ndi yun dúlhtsꞌi, ꞌet sih hukwaya hooleꞌ.

1 Peter 4:11

Mbene dune yatilhdukne, ꞌenne Yakꞌusda khuni be yahoolhduk hubaꞌ hoontꞌoh. Mbene ꞌuyoonne dune ba neꞌútꞌenne, ndai hiye ulhtus-i Yakꞌusda bugha íninꞌai be ꞌuyoonne laꞌ hootꞌen. ꞋEt huwa tsꞌiyanne Jesus Christ ꞌen be Yakꞌusda hidólhtiꞌ. Jesus Christ ꞌilhiz wheni ꞌinkꞌez ꞌilhiz wheni, ꞌen ꞌon nus uzdólhtiꞌ ꞌinkꞌez oobaꞌ hoontꞌoh-un, tsꞌiyawh ꞌen oochꞌeꞌ ꞌuhoontꞌoh. ꞋEt ndo honeh.

1 Peter 4:14

ꞋEt Christ unidulhne ꞌahli huwa nohodilhtsiꞌ de, ꞌet de soo ꞌukꞌenus hoonzoo-un ꞌudaꞌ nohbulh ꞌúhooja. Yakꞌusda ooyughi ye diztiꞌ-i, ꞌi ꞌilhiz wheni nohbulh ꞌuntꞌoh ꞌet huwa. Ndunne, hichꞌaz yalhduk, ꞌet hoontsꞌi nohni dúlhtiꞌ whuz unꞌa ooghu yalhduk.