Matthew 5:15 - Yak'usda Ooghuni

¹⁵ Dune too dizkꞌun naidulhkꞌan ꞌinkꞌez ꞌaw chalhyal yunedóoꞌalh ꞌaitꞌoh, kꞌus lutab kꞌeyítaꞌalh ꞌinkꞌez kwun ꞌi gha yoh dilhtsꞌine huwhuntilhꞌelh.

Matthew 5:15 Iomraidhean Croise

Mark 4:21

ꞋOn ꞌun Jesus ndúbulhni, “Too dízkꞌun dune daíninꞌai ꞌinkꞌez yukꞌuz yonáꞌdizꞌai tilah kꞌus lili tꞌa tilah ꞌaiyanꞌai? ꞋAwundooh! Hukwꞌusꞌai-un, ꞌet hukwꞌé yiꞌaih.

Luke 11:33

“Dune ꞌaw too dizkꞌun naidulhkꞌan ꞌinkꞌez whunistꞌi-un kꞌus chalhyal tꞌah te ꞌaw néyoꞌalh ꞌaitꞌoh. ꞋEt kꞌus too dizkꞌun hukwꞌusꞌai-un, hukwꞌe yiꞌaih. ꞋI gha la dándilhne be hóotꞌen-i hinoolhꞌen.

Luke 11:36

ꞋEt huwa nohyustꞌe ndulcho whe be hootꞌen-i dizbun, ꞌinkꞌez ꞌaw hoontsool-unyaz hoontsꞌi tsalhgus ooghu hooloh de, ꞌet de la ndulcho-i be be hootꞌen ooleꞌ. ꞋEt whuz unꞌa be hootꞌen-i ulhtus-i kꞌunꞌa whedindi, ꞌi gha la soo hoohꞌen.”

Luke 8:16

“Dune too dizkꞌun nahidilhkꞌaih ꞌinkꞌez ꞌaw oosaꞌ yukꞌuz yo nádooꞌah ꞌaitꞌoh. Kꞌus lili tꞌa tsꞌe ꞌayooꞌalh ꞌaitꞌoh. ꞋEt too dizkꞌun-i hukwꞌusꞌai-un, ꞌet hukwꞌe yinꞌai. ꞋEt de dandílhne hinoolhꞌen la.

Philippians 2:15

Nohkꞌehóotaltsꞌulh-un, ꞌet whuyit ꞌuhtꞌoh ꞌinkꞌez ootsun hoolohne oohleꞌ, ꞌet whuz unꞌa Yakꞌusda buzkeh tihleh ꞌet whe ꞌaw nohkꞌeꞌ holtsꞌit ꞌaitꞌoh. Ndunne tankꞌus ꞌúntꞌohne ꞌinkꞌez lubeshi ꞌukꞌenus ntsiꞌ-i ooleh hukwaꞌ ꞌutꞌenne, ꞌenne butoh ꞌulhdzis be hootꞌen-i kꞌunꞌa oohtꞌeꞌ.

Hebrews 9:2

ꞋInkꞌez nimbali cho be ꞌuhóolya-un. ꞋUdechoo-un whambez tsꞌe, ꞌet lhtakꞌantꞌi kwun ookꞌu dizkꞌun-i ꞌet skai. ꞋInkꞌez ludab lhes nulꞌen-i huyulhni ookwꞌusdla cha ꞌet skai. ꞋEt ꞌudechoo-un whambez tsꞌe, ꞌet whudíztiꞌ-un ꞌuhoontꞌoh.

Revelation 2:5

ꞋEt whunaoolhnih ndet nálhtsꞌut-un. Lhtꞌananahdaih ꞌinkꞌez ꞌudechoo nohꞌeꞌ utꞌen-i nalhchoot. ꞋAw lhtꞌanalhníhdil de, khuntsul nohtsꞌun tísyalh ꞌinkꞌez nyoo nohbe hóotꞌen-i nohghu naitáschulh.