Matthew 5:12 - Yak'usda Ooghuni

¹² Kꞌudada whunúlhni ꞌinkꞌez ꞌukꞌenus hoonáhtꞌiꞌ! Yakꞌuz hooncha whe nohba kꞌelha whutaleh. Nohtso nus hooꞌen inleꞌne, whuz unꞌa za bube huzula inleꞌ.

Matthew 5:12 Iomraidhean Croise

Genesis 15:1

ꞋEt nduhooja hukwꞌelhꞌaz Moodihti (Yahweh) ooghuni Abram honꞌen whe nduyulhni, “Abram, wheniljut ꞌilhoh. Nyun mba neꞌi súbal ꞌusli, soo ꞌukꞌenus mba kꞌelha whutaleꞌ-un.”

Matthew 16:27

Yinka Dune Yeꞌ whusatiyalh, ooBá ye diztiꞌ-i ꞌinkꞌez oolizas, bubulh, whusatiyalh whe tsꞌiyanne dahitꞌen, whuz unꞌa ꞌilhone whe buba kꞌelha whutilhtselh.

Matthew 6:16

“ꞋEt ndet soo hóotahnih de, duba naꞌudzooꞌne bukꞌunꞌa oohtꞌeꞌ junih. Ndutꞌenne dudzi yo ꞌuhilhdzun naꞌhududilꞌi wheꞌ hintꞌoh. ꞋInkꞌez dunin be teꞌhududilꞌen ꞌinkꞌez dzoh nuhuzut naꞌhududilꞌi. ꞋEt whuz unꞌa ꞌuyoonne whúbonulhtun ntsꞌenꞌa la soo huhooni hukwꞌunꞌa. ꞋAlhaꞌ whe nohdusni, mbe la ndutꞌenne buba ꞌukꞌelha yutaleh-i, ꞌudaꞌ buba kꞌelha whuzdliꞌ wheꞌ hintꞌoh.

Luke 13:34

“Nohni Jerusalem whutꞌenne, Jerusalem whutꞌenne, nohni ꞌahtꞌen nus hooꞌenne ꞌahghan. ꞋInkꞌez mbene nohtsꞌu whelꞌaꞌne cha tse be bubahghan. Dantꞌoh la lugok duduzke dutsꞌuntꞌaꞌ ubudilhtsꞌi, whuz unꞌa dáwhultsuk whe ꞌilhunanohootásdlelh hukwaꞌ nuszun, ꞌet hoontsꞌi ꞌaw hukwa lheꞌnáhzun.

Luke 6:23

ꞋEt dzin hootahtꞌiꞌ ꞌinkꞌez hoonahtꞌeꞌ kꞌet do tóolhuk. ꞋAlha ꞌuhoontꞌoh yakꞌuz hooncha whe nohba ꞌukꞌelha whutaleh. Whuz unꞌa za ndunohotilhꞌelh, nduntꞌohne butsodaꞌne cha nus hooꞌen, whuz unꞌa za ndubuhalhꞌen ꞌet huwa.”

Luke 6:35

ꞋEt hoontsꞌi nohchꞌaz ditnine bukꞌeoohsiꞌ, ꞌinkꞌez soo neꞌboolhꞌen. Bughe ꞌoolhlaꞌ ꞌinkꞌez hoonli nohtlꞌunátiltsꞌulh hukwa tse hólhleꞌ junih. ꞋInkꞌez hooncha whe nohba kꞌelha whutaleh. ꞋEt mbe la yakꞌuz soo ꞌudedo ꞌuntꞌoh-un, ꞌen ooyeꞌke tihleh. ꞋAlhaꞌ mbene la musi lhdusnine ꞌinkꞌez ntsiꞌne cha, tsꞌiyawh butsꞌun unzoo.

Acts 16:25

ꞋEt tuzniz atꞌen Paul Silas bulh Yakꞌusda tsꞌun tenahududli ꞌinkꞌez hujun. ꞋEt nyoonne ꞌadinlane huboohoozilhtsꞌai.

Acts 5:41

ꞋEt whelꞌaꞌne nahiyílhne bughu tenáhundil. Yakꞌusda Jesus Christ ba dzoh nuhudeh ꞌet huba sooꞌ huldzooꞌ didutchꞌoh ꞌet ndunaꞌhundunudzun, ꞌinkꞌez howu nílhni.

Romans 5:3

ꞋInkꞌez ꞌaw ꞌet za iloh, ꞌet huwa dzoh nutsꞌudeh hoontsꞌi, tsꞌuhóontꞌiꞌ, ꞌinkꞌez whulh tsꞌúzyin-un whunénilhtan.

1 Corinthians 3:8

ꞋEt ꞌawet ꞌaꞌ nanla-un ꞌinkꞌez too be nainilhtsul-un, ꞌenne ꞌilhoh za ꞌuhintꞌoh. ꞋInkꞌez ntsꞌenꞌa la ꞌilhone whe dichꞌoh ꞌuhitꞌen hukwꞌunꞌa, ꞌet whuz unꞌa buba ꞌukꞌelha whutaleh.

2 Corinthians 4:17

ꞋEt ndet la hóontsiꞌ-un neghá whunkat-un, ꞌet ꞌatsulyaz za neba ꞌuwhutꞌih ꞌet huwa. ꞋEt neba ꞌantsꞌi leꞌ ꞌuhoontꞌoh. ꞋEt kꞌus ndi be hóontsiꞌ-un neghá whunkat, ꞌet ꞌi be ꞌon nus neba be óodiztiꞌ-i neba yulhtsi. ꞋInkꞌez ndi be óodiztiꞌ-i, ꞌilhiz wheni ꞌuyínla.

Philippians 1:29

ꞋEt Christ ꞌen ba nohtlꞌa hóoltsꞌut, ꞌaw nohba ꞌalhaꞌ ꞌuntꞌoh za iloh, ooba dzoh nahdeh-un cha.

Philippians 2:17

ꞋEt hoontsꞌi be nohba ꞌalha ꞌuhoontꞌoh-i, ꞌinkꞌez Yakꞌusda ba ꞌahtꞌen-un, ꞌohwhi ꞌantsꞌi Yakꞌusda gha tꞌaih-i leꞌ ꞌuntꞌoh. ꞋI kꞌut be khusna-i ꞌantsꞌi nadísjul le ꞌustꞌoh, ꞌet huwa hoonústꞌiꞌ, ꞌinkꞌez tsꞌiyawh nohbulh whúnusni.

Colossians 1:24

ꞋEt ꞌandit Christ ꞌen gha nohba dzoh nuszut-un hoonústꞌiꞌ. ꞋEt syustꞌe kꞌoh ꞌuhoontꞌoh-un ꞌi be ꞌen ooyustꞌe ba lhaoodutisdleh. Ndi ooyustꞌe, ꞌi Yakꞌusda ba ꞌilhunaoodulh-un, ꞌet ꞌuwhúlhni.

Colossians 3:24

Tꞌeoonúhzun neMoodihti nohtsꞌu yoozi-i, ꞌi nohgha ítalelh. Christ neMoodihti ꞌen be ꞌulhnane ꞌahli ꞌet huwa.

1 Thessalonians 2:15

Lizwifne, ꞌenne ꞌuhuja neMoodihti Jesus Christ hizilhghi. ꞋInkꞌez mbene la buba Yakꞌusda be nus hooꞌenne, ꞌenne cha buhuhanghan. ꞋInkꞌez wheni cha duyun kꞌut hukwꞌu nanehuntízyoot. Tsꞌiyanne chꞌaz huditni, ꞌet huwa ꞌaw Yakꞌusda hoontꞌiꞌ hukwꞌunꞌa nulhéꞌhustꞌen.

Hebrews 10:34

ꞋInkꞌez ꞌoh daꞌ ꞌasuhanꞌai whe sgha teꞌnahzun ꞌinkꞌez sla ꞌahtꞌen inleꞌ. ꞋEt ndai ahtꞌi-i, ꞌi ꞌantsꞌi nohghu ha yílhchoot ꞌet hoontsꞌi hoonáhtꞌiꞌ. Tꞌeoonáhzun nohnichꞌoh ꞌon nus hoonzun-un ꞌinkꞌez ꞌilhiz ꞌuhoontꞌoh, ꞌet yakꞌuz nohba whuzdla ꞌet huwa.

Hebrews 11:26

Christ ꞌen gha ndunne Egypt whutꞌenne, Israel tsꞌu haindene buchꞌaz yahalhduk. ꞋEt Moses nduninzun buchꞌaz yahalhduk-un, ꞌet Egypt whulerwe daltsuk sooniya, ꞌi tsꞌiyawh ba nus yinzoo. Yakꞌusda oochꞌeꞌne buba ꞌukꞌelha whutaleh-un, ꞌet buba neóoninꞌai, ꞌet huwa ꞌet dúhoontꞌoh-un za Moses hukwa itísꞌen.

Hebrews 11:33

be ꞌalha ꞌuhoontꞌoh-i, lhelhdun keyoh whutꞌenne, tsꞌiyawh buchꞌaꞌ hunilhde. Ndet tsꞌihꞌun unꞌa ꞌuhoontꞌoh-un, be ꞌalha ꞌuhoontꞌoh-i, ꞌi be ꞌuhuhóonla. Ndet Yakꞌusda butsꞌú hoozi-un, be ꞌalha ꞌuhoontꞌoh-i, ꞌi be buchꞌeꞌ whutaleh tꞌehoninzun. Be ꞌalha ꞌuhoontꞌoh-i, ꞌi be Yakꞌusda ndi khuna-iti, lion huyúlhni-i, ꞌi hize lhtsꞌunaꞌ hoonla bundólhda whuchꞌa.

Hebrews 11:6

Bé ꞌalha ꞌuhoontꞌoh-i, ꞌi ooyit de, ꞌaw Yakꞌusda ooba dzoh tsꞌoozooꞌ ꞌaitꞌoh. Mbene Yakꞌusda tsꞌun hutidulh hukwaꞌ huninzun, Yakꞌusda hoonli wheꞌ hoontꞌoh, ꞌet buba ꞌalhaꞌ hotꞌeꞌ hubaꞌ hoontꞌoh. ꞋInkꞌez soo tsꞌihꞌun dudzi huwaꞌ hooli whe hikꞌoh tsꞌe hukwa hítisꞌenne, ꞌenne za buba ꞌukꞌelha whutilhtselh.

James 1:2

Sulhutsinke lhat-un whe lhelhtsꞌun unꞌa dzoh nahdeh de, ꞌet hoontsꞌi hoonahtꞌiꞌ whe whuz unꞌa za oohtꞌeꞌ.

James 5:10

Sulhutsinke ndunne nus hooꞌenne, ndunne neMoodihti booziꞌ be yailhdukne, ꞌenne dude ꞌutꞌen kꞌoh huwa dzoh nuhúde inleꞌ. ꞋEt hoontsꞌi neMoodihti datinelh, ꞌet huba hilhꞌi. ꞋEnne bugha hodoolhꞌeh!

1 Peter 4:13

Kꞌus ndai Christ whe dzoh nusuzut-un, whuz unꞌa za dzoh nahzut de, ꞌet de soo cho hóhtꞌeꞌ! ꞋEt whe Christ ye diztiꞌ-i, ꞌi nohnalhtsꞌet ha hóoltsꞌut de, ꞌet la tube cho whunólhni.