Matthew 5:11 - Yak'usda Ooghuni

¹¹ Nkede suba dune nohchꞌaz yahutilhduk ꞌinkꞌez dzoh nunohotilhdzut, ꞌinkꞌez tsꞌiyaitsuk whutsꞌit khuni dutsun-i be nohchꞌa ꞌutsꞌun unꞌa yahutilhduk, si sgha whuz unꞌa dune dzoh nunohulhdzut de, ꞌet ꞌukꞌenus hoonzoo-un nohghá whultsꞌut.

Matthew 5:11 Iomraidhean Croise

Matthew 10:18

Yun kꞌut whumoodihne ꞌinkꞌez lerwene cha si sgha bubut nenóhotalelh. ꞋInkꞌez si sghun whubuntilhtun. ꞋUdun yun kꞌut whutꞌenne cha si sghun whubuntilhtun.

Matthew 10:22

ꞋInkꞌez si sooziꞌ gha tsꞌiyanne nohtsꞌo dutitni. ꞋEt hoontsꞌi mbene la ꞌudekꞌez whutsꞌun ꞌet whulh núdalyaꞌne, ꞌenne hudutijih.

Matthew 10:25

Dune yugha hodulꞌeh-un, whuyodulhꞌeh-un kꞌunꞌa ootꞌeꞌ hubaꞌ hoontꞌoh, ꞌinkꞌez be ꞌulhna-un, dumoodih kꞌunꞌa ootꞌeꞌ hubaꞌ hoontꞌoh. ꞋEt si Beelzebul suhútni de nohni sgha hodulꞌehne, nohni cha whuz unꞌa za ndunohodutánelh!

Matthew 10:39

Mbe la whe khuna-un, ꞌet hoolhyih hukwa ꞌutꞌen, ꞌen whe khuna-un ninta ootáꞌalh whe ꞌuntꞌoh. ꞋEt mbe la si sgha ye khuna-i ninta inínꞌai, ye khuna-i nayitáꞌalh.”

Matthew 19:29

ꞋInkꞌez mbe la si sooziꞌ gha duyoh huwu tizya de, kꞌus dulhutsinke te, kꞌus dulhtuske te, kꞌus dubá cha ꞌinkꞌez duloo cha te, kꞌus duꞌat te, kꞌus duzkehke te, kꞌus dukeyoh cha, si sooziꞌ gha huwu tizya de, ꞌen whunizyat whunizyai (100) ꞌet ꞌuwhultsuk-un ootlꞌa naóotikulh. ꞋInkꞌez ꞌilhiz whe tsꞌukhuna-un, ꞌet cha oogha óotaltsꞌulh.

Matthew 24:9

ꞋOh de neooninzut de, dzoh nunohotilhdeh ha whutlꞌa nohotilelh. Whulohne nohotighan. ꞋInkꞌez si sooziꞌ gha yinka whutꞌenne nohtsꞌo dutitni.

Matthew 27:39

Mbene ꞌoh whuya whedilhne nondunulꞌus ꞌinkꞌez hichꞌaz ditni whe yahalhduk.

Mark 13:13

Si sunihdulh huwa tsꞌiyanne nohtsꞌo dutitni. ꞋEt hoontsꞌi ꞌudekꞌez whutsꞌun whulh nudalyaꞌne za hudutijih.”

Mark 13:9

Nohnihchꞌoh huwohleꞌ. Keyoh huwunline but nenóhotalelh ꞌinkꞌez lugliz nohoohootalhtꞌoh. ꞋEt si sgha moodihne ꞌinkꞌez lerwene cha bubut nenóhotalelh. ꞋEt Si sghu tꞌewhunoozeh.

Mark 4:17

ꞋEt hoontsꞌi ꞌaw bughih hooloh leꞌ hintꞌoh. ꞋEt huwa ꞌatsulyaz za buba ꞌalha ꞌuhoontꞌoh. ꞋInkꞌez ndi khuni ꞌi gha dzoh nuhudeh ꞌinkꞌez ꞌonghohne buchꞌaz huditni. ꞋEt huwa ꞌaho ndi khuni hila dutnih.

Mark 8:35

ꞋEt mbene la si sanus dukꞌunꞌa za hukwaꞌ ninzunne, ꞌenne ꞌaw ꞌilhiz wheni hukhoonaꞌ ꞌaitꞌoh. ꞋEt hoontsꞌi mbe si ꞌinkꞌez sughuni unzoo-i gha cha ye khuna-i nintaininꞌai de, yutilhyih whe ꞌuntꞌoh.

Luke 21:12

ꞋEt ndo ho nduwhútanelh-un whutso, ꞌet nohotálhchulh ꞌinkꞌez dzoh nunóhotilhdeh. Lizwif bulugliz whumoodihne, butlꞌa nóhotilelh ꞌinkꞌez ꞌanohotilelh. ꞋInkꞌez lerwene yun humoodihne cha si sooziꞌ gha bubut nenohotalelh.

Luke 21:17

ꞋInkꞌez si sooziꞌ gha tsꞌiyanne nohtsꞌu dutitni.

Luke 6:22

Dune nohtsꞌo dutitni ꞌinkꞌez ꞌaw bubulh óohtꞌeꞌ ꞌaitꞌoh nohohulhtsi. ꞋInkꞌez nohchꞌaz yahutilhduk whe Yinka Dune Yeꞌ, ꞌen gha nohooziꞌ dutsun hitilhtselh ꞌinkꞌez ꞌun hitilhdulh. ꞋEt whuz unꞌa ndunóhuhulhꞌen de, ꞌukꞌenus hoonzoo-un nohgha whultsꞌut.

Luke 9:24

ꞋEt mbene la whe húkhuna-un hotilhyihne ninta hotaꞌalh. ꞋEt hoontsꞌi mbe la whe khuna-un si sgha ninta ooninꞌai de, ꞌen whe hukhuna-un nuwhutilhyih.

John 15:21

ꞋEt nohni schꞌeꞌ ꞌahli, ꞌet huwa la ꞌoh te neꞌnohuhoolhꞌen, mbe la ndun whuz de sútilhꞌaꞌ-un, ꞌaw tꞌéhinúszun ꞌet huwa.

John 9:28

ꞋEt highudloh, “Nyun ꞌen yugha hodulꞌeh-un inli! ꞋEt wheni Moses bulh ꞌútꞌenne tsinli!

Acts 9:16

ꞋEt ꞌinkꞌez sichꞌoh whúntistun datꞌen whe si sgha dzoh nutizut-un huwun.”

Romans 8:36

Ndi Yakꞌusda be ꞌudustlꞌus njan ndutni, “ꞋUsbai nahituzilghelh-i kꞌunꞌa ꞌutsꞌintꞌoh. Nyun ngha dzin totsuk nehutuzilhghelh leꞌ hoontꞌoh,” ni whe ꞌutni.

1 Corinthians 4:10

Wheni Christ ba whusnine tsinli, ꞌet nohni Christ bulh whunihne ꞌahli. Wheni tetsꞌutsun ꞌinkꞌez nohni ulhtus. Nohni dune nchane ꞌahli, ꞌet wheni ꞌaw lhdítiꞌne tsinli.

2 Corinthians 4:11

Wheni ꞌilhiz be khútna ꞌutꞌine, wheni tsꞌiyawh Jesus ꞌen ooba daztitsah ꞌet wheni butlꞌazdudilya ꞌet huwa. ꞋEt neyustꞌe, ꞌi be Jesus ye khúna-i tsꞌiyanne tꞌehontizeh.

Philippians 1:29

ꞋEt Christ ꞌen ba nohtlꞌa hóoltsꞌut, ꞌaw nohba ꞌalhaꞌ ꞌuntꞌoh za iloh, ooba dzoh nahdeh-un cha.

1 Peter 2:23

ꞋEt khuni untsiꞌ-i be hiyulh yalhduk ꞌet hoontsꞌi ꞌaw khuni untsiꞌ be butsꞌun kꞌulhditnel. ꞋOh daꞌ dzoh nusúzut whe, ꞌet hoontsꞌi ꞌaw bubulh lheꞌoonílhjoot. ꞋEt kꞌus mbe la soo tsꞌihꞌun unꞌa nahiyilh-un, ꞌen yutlꞌaꞌ dudilti.

1 Peter 4:14

ꞋEt Christ unidulhne ꞌahli huwa nohodilhtsiꞌ de, ꞌet de soo ꞌukꞌenus hoonzoo-un ꞌudaꞌ nohbulh ꞌúhooja. Yakꞌusda ooyughi ye diztiꞌ-i, ꞌi ꞌilhiz wheni nohbulh ꞌuntꞌoh ꞌet huwa. Ndunne, hichꞌaz yalhduk, ꞌet hoontsꞌi nohni dúlhtiꞌ whuz unꞌa ooghu yalhduk.

Revelation 2:3

Sooziꞌ gha soo cho whulh áhyin ꞌinkꞌez ꞌaw hoonliyaz talhódahni whe tube ꞌihtꞌen ꞌet hoontsꞌi ꞌaw nélhnahtsil.