Matthew 5:1 - Yak'usda Ooghuni

¹ ꞋIlhunaoosdilne Jesus ꞌubunilhꞌen whe ndo dzulh enun tsꞌe ndo whinya ꞌinkꞌez ꞌet nátlꞌa didaꞌ whe yugha hódulꞌehne hitsꞌoozdil.

Matthew 5:1 Iomraidhean Croise

Matthew 13:2

Dune lhane higha oozdil ꞌinka tsꞌi beinya, ꞌinkꞌez tsꞌi bet natlꞌa didaꞌ. Tsꞌiyawh taba ꞌet nódilhya.

Matthew 15:29

ꞋEt Jesus bughu natisja whe Galilee bun taba lhusuya ꞌinkꞌez ndo dzulh kꞌuz whinya, ꞌet natlꞌa didaꞌ.

Matthew 4:25

ꞋInkꞌez Galilee whutꞌenne, Decapolis whutꞌenne, ꞌinkꞌez Jerusalem whutꞌenne, Judea yun kꞌut whutꞌenne cha, ꞌinkꞌez Jordan koh ꞌon yan whéya whutꞌenne cha, tsꞌiyawh ꞌet huldlai kꞌet ꞌaw ꞌuzdooniꞌ ꞌaitꞌoh. ꞋEt ꞌultsukne ꞌilhunaoosdil ꞌenne tsꞌiyawh hiyuntizdil.

Matthew 5:2

ꞋEt whe whubondunilhꞌeꞌ, ꞌet njan ndúbulhni,

Mark 3:13

Shus kꞌut ndo whenya whe mbene la bukaꞌ ninzun bukaꞌ daniꞌ ꞌinkꞌez hitsꞌo whúsaindil.

Mark 3:20

ꞋEt doo cha za ꞌilhozdilne huldlai kꞌet Jesus ꞌinkꞌez yugha hodulꞌehne bulh ꞌuhutiꞌulh, ꞌet hoontsꞌi ꞌaw ꞌuhooneh ꞌaítꞌoh.

Mark 4:1

Bunghun Galilee huwhútni-un, ꞌet doo cha za ꞌilhozdilne Jesus higha óozdil ꞌinkꞌez hubodulhꞌeh. ꞋIlhozdilne huldlai kꞌet tsꞌi bet tlꞌa didaꞌ. Nusle dodikelh whe ꞌet whutsꞌun ꞌilhozdilne taba nódilhyane hubodulhꞌeh.

Luke 6:12

ꞋOh daꞌ ꞌet dzin, Jesus shus kꞌut tenadutidli ha whuz whinya. ꞋUlhdzis nduwhulyiz Yakꞌusda tsꞌun tenadidli.

Luke 6:17

ꞋEt whududlun-un ndus de yugha hodulꞌehne bubulh hainya ꞌinkꞌez lhtsꞌe oodizꞌa-un nehunindil. Yun kꞌut Judea whutꞌenne, Jerusalem whutꞌenne cha, ꞌinkꞌez yatoo ba keyoh Tyre ꞌinkꞌez Sidon whutꞌenne cha huldlai. Hiyootuzálhtsꞌilh ꞌinkꞌez soo naꞌbutilhꞌelh hukwa ꞌilhuhozdil.

Luke 6:20

Jesus ꞌet yugha hodulꞌehne, butunuyúꞌen whe njan dúbulhni, “Nohni telꞌenne Yakꞌusda whe lerwe unli, ꞌet nohni nohchꞌeꞌ ꞌuhoontꞌoh. ꞋEt huwa ꞌukꞌenus hoonzoo-un nohgha whultsꞌut.

Luke 9:28

Lhkꞌu dit dzin atꞌen hukwꞌelhꞌaz ꞌet dudani-un, Peter, John, ꞌinkꞌez James ndo dzulh kꞌuz dulh úbilya, whuz tenadutidli ha.

John 6:15

ꞋEt Jesus tꞌéwhunínzun dulerwe tileh-un, ꞌet nehuyuntayulh hukwaꞌ huninzun, ꞌinka doo cha za dichꞌoh shusyaz kꞌuz whenája.