Matthew 4:9 - Yak'usda Ooghuni

⁹ ꞋInkꞌez ꞌuyulhni, “Ngwutsi be neninya ꞌinkꞌez stsꞌu téniꞌ nilhdzun de, ꞌet de ndi tsꞌiyawh, nchꞌeꞌ tileh!”

Matthew 4:9 Iomraidhean Croise

Matthew 26:15

ꞋEt ꞌúbulhni, “Daltsuk sgha tíhꞌalh ndun dune nohtlꞌásti de?” “Tat whunizyai sooniya, silver,” huyulhni, ꞌet ꞌultsuk hiba huyolhto.

Matthew 4:10

ꞋInkꞌez Jesus yulhni, “Satan naindalh! ꞋUkꞌehooguz whe njan ndutni, ‘Moodihti nYakꞌusda, ꞌen za Oobut negwutsi be netsꞌiyaih, ꞌinkꞌez Ootsꞌu téniꞌ uznilhdzun, ꞌinkꞌez ꞌen za Ooba néꞌtsꞌutꞌen.’”

John 12:31

ꞋAndit ꞌawet yinka whuduneꞌne buba nahutideh ꞌinkꞌez whutsodaꞌ ndi yun kꞌut humoodih, ꞌen ꞌilhiz ꞌun hítinoh.

John 13:3

ꞋEt Jesus tꞌéwhunínzun ooBá tsꞌiyaitsuk kꞌúneꞌ yoolꞌen-un, ꞌet yugha óoninꞌai. ꞋInkꞌez Yakꞌusda tsꞌun haínya ꞌinkꞌez Yakꞌusda tsꞌun nátidalh.

John 14:30

ꞋAw dzoh saꞌyaz ꞌon ꞌun nohbulh yaóosduk ꞌaítꞌoh. Ndi yun kꞌut humoodih ꞌaz de úyalh ꞌinkꞌez si sghun ꞌaw ntsool-iyaz ꞌi hoontsꞌi oochꞌeꞌ lhuyíloh ꞌet huwa.

John 16:11

ꞋInkꞌez ndi be náhudeh-i, ndi yun kꞌut humoodih-un ꞌudaꞌ ooba nahisda ꞌet huwa.

2 Corinthians 4:4

Ooba ꞌalhaꞌ lheꞌhóotꞌohne ꞌuhintꞌoh. ꞋInkꞌez ndi yun kꞌut whuyakꞌusda, dudeni be lhuhoos̱ꞌen ꞌubulhtsi. ꞋEt whula gha tsꞌe Christ ooghuni unzoo-i yé diztiꞌ-i, Christ, ꞌen Yakꞌusda kꞌéguz-i, ndai la ootsꞌu há yanduz-i dudeni be lhuhoos̱ꞌenne doo ka si dudedodi huninzun.

1 Timothy 3:6

ꞋAw ꞌandit ooba ꞌalhaꞌ hooja-un iloh ootꞌeꞌ. Doo ka si utꞌudiltiꞌ-un ooleꞌ, ꞌinkꞌez netsudule be ooba nahisda-i, ꞌet doo ka la didut cha whuz unꞌa ooneh.

Revelation 19:10

ꞋInkꞌez oobut nachánisno ootsꞌun teniꞌ untisdzilh ha. ꞋEt ꞌusúlhni, “ꞋEt ndintꞌen iloh! Nyulh ꞌulhna-un usdli. ꞋInkꞌez nyulhutsinke, ꞌinkꞌez Jesus ooghuni ghu yalhdukne, ꞌenne bubulh ꞌulhna-un usdli whe ꞌustꞌoh. Yakꞌusda ꞌen za ootsꞌun téniꞌ nilhdzun!” súlhni. “Ndi khuni Jesus be ghú yaduk-i, ꞌi mba nus hónꞌen wheꞌ hoontꞌoh.”

Revelation 19:16

Nayitsꞌuz-i ꞌinkꞌez oowuz kꞌut ꞌet ooziꞌ ꞌukꞌusguz whe ndutni, Lerwene buLerwe ꞌinkꞌez moodihne buMoodihti, ni.