Matthew 4:3 - Yak'usda Ooghuni

³ ꞋEt yóolhdzih-un, yughu ninya ꞌinkꞌez uyúlhni, “ꞋAlhaꞌ Yakꞌusda ooYeꞌ inli de, ndi tse lhes ooleꞌ dini.”

Matthew 4:3 Iomraidhean Croise

Matthew 14:33

Tsꞌi bet dilhtsꞌine, tsꞌiyawh hibut nachánilya ꞌinkꞌez ꞌuhuyulhni, “ꞋAlhaꞌ nyun Yakꞌusda ooYeꞌ ꞌintꞌoh!”

Matthew 16:16

ꞋEt Simon Peter yatilhduk, “Nyun Christ, Yakꞌusda khuna-un, ꞌen ooYeꞌ ꞌintꞌoh,” yúlhni.

Matthew 26:63

Jesus ꞌaw tꞌedusnih. ꞋEt lubret ꞌukꞌenus diztiꞌ-un, yulhni, “Mbe la Yakꞌusda khuna-un, ꞌen be nyudusni yatolhdih hubaꞌ hoontꞌoh. ꞋI be mba nahutideh. Nedini Christ Yakꞌusda ooYeꞌ, ꞌen eh ꞌintꞌoh?”

Matthew 3:17

Khuntsul ndus de ꞌuwhutni, “Ndun ꞌ sYeꞌ ookꞌesiꞌ whé ꞌuntꞌoh, ꞌinkꞌez tube ꞌen bulh hoonústꞌiꞌ,” ni.

Mark 1:1

Ndi khuni unzoo-i, khuni ꞌudechoo-i Jesus Christ, Yakꞌusda ooYeꞌ ghun.

Mark 3:11

ꞌinkꞌez ntsiꞌ-i nudúdeh-i buyudíndane, Jesus hitulhꞌih te, hibut nachánuldulh, ꞌinkꞌez ha húzulh whe ꞌuhutni, “Nyun Yakꞌusda ooYeꞌ inli whe ꞌintꞌoh.”

Mark 5:7

ꞌinkꞌez soo ꞌultus-un ꞌaldzul whe ꞌutni, “Jesus, Yakꞌusda ꞌukꞌenus diztiꞌ-un ooYeꞌ, ndet stsꞌu húkwaꞌ ninzun. Yakꞌusda ꞌintꞌoh ꞌinka ntsꞌu tédusdlih dzoh nusílhdzut iloh.”

Luke 1:35

ꞋEt lizas yulh yalhduk, “Ndoni nkꞌedinde ꞌinkꞌez ꞌudedo-i ye ulhtus-i, ꞌi nkꞌut sa whusꞌih be whútaleh. Yustꞌe lubeshi ooghu hooloh-i, whuzdli te, Yakꞌusda ooYeꞌ hidutanelh.

Luke 22:70

ꞋInkꞌez tsꞌiyawh ꞌuhutni, “Nyun Yakꞌusda ooYeꞌ eh ꞌintꞌoh?” ꞋEt ꞌubulhni, “Tsꞌihꞌun ꞌudahni si, ꞌen ꞌustꞌoh.”

Luke 4:3

ꞋEt netsudule yúlhni, “ꞋAlhaꞌ Yakꞌusda ooYeꞌ inli de, ndi tse lhes ooleh dini.”

Luke 4:41

ꞋInkꞌez whulohne dune ntsiꞌ-i nududeh-i ꞌahúldzul whe butsꞌu ha náhudide, ꞌinkꞌez ꞌuhutni, “Nyun Yakꞌusda ooYeꞌ Christ huyulhni-un ꞌintꞌoh!” Tꞌeduzahnih ubúlhni ꞌaw yahutilhdih butlꞌa lhúhooꞌal, tꞌehonínzun Christ ꞌen ꞌuntꞌoh ꞌet huwa.

Luke 4:9

ꞋEt Jerusalem tsꞌe whe yalhti ꞌinkꞌez lugliz whucho ꞌudedo hukwꞌut ꞌet whuban nénilhya ꞌinkꞌez uyúlhni, “ꞋAlhaꞌ Yakꞌusda ooYeꞌ inli de, njan whengheꞌ dudintneh!

John 1:34

ꞋEt whunisꞌen. Soo tsꞌihꞌun khuni be nohdúsni, ꞌalhaꞌ ndun ꞌen Yakꞌusda ooYeꞌ ꞌuntꞌoh,” ubúlhni.

John 1:49

ꞋEt Nathanael uyúlhni, “Rabbi, ꞌalhaꞌ Yakꞌusda ooYeꞌ inli ꞌinkꞌez Israel ootsꞌu haindene bulerwe cha inli,” yúlhni.

John 20:31

ꞋEt hoontsꞌi nduwhi ꞌukꞌu nusgúz-i nohba ꞌalhaꞌ ꞌuhotꞌeꞌ ha, ꞌalhaꞌ Jesus ꞌen Christ, Yakꞌusda ooYeꞌ, ꞌen ꞌuntꞌoh. ꞋEt njan nohba ꞌalha ꞌuhoontꞌoh whe ꞌilhiz ooleꞌ be tsꞌúkhuna-i, ꞌi Jesus Christ booziꞌ gha tíhtꞌelh.

John 9:35

ꞋEt Jesus whulh ꞌúdantsꞌo Lizwifne nyoon dune tenáhinino, hukwꞌelhꞌaz nayilhti ꞌet ꞌuyulhni, “Yakꞌusda ooYeꞌ ghun mba ꞌalha ꞌuhoontꞌoh eh?”

Acts 9:20

ꞋEt ꞌaho Lizwif bulugliz tsꞌe danínya ꞌinkꞌez Christ ghun bubulh yáwhenilhduk, “ꞋEn Yakꞌusda ooYeꞌ ꞌúntꞌoh,” ubúlhni.

2 Corinthians 1:19

ꞋEt Jesus Christ Yakꞌusda ooYeꞌ ꞌuntꞌoh. ꞋEt ꞌoh daꞌ Sylvanus, Timothy, ꞌinkꞌez si cha ꞌen ghun ꞌi be nohbulh yátsꞌulhduk daꞌ, ꞌaw, “A” ꞌinkꞌez, “ꞋAwundooh” lhtsꞌu dínel inleꞌ, ꞌen be, “A” za ꞌuntꞌoh ꞌet huwa.

Galatians 2:20

Christ tulalhgus kꞌut bulh dasusai le ꞌustꞌoh, ꞌet ꞌaw ꞌon ꞌun lhuhúsnoh le ꞌustꞌoh, ꞌet hoontsꞌi Christ syudinda. ꞋInkꞌez ye khuna-i, ꞌi be khusna. Yakꞌusda ooYeꞌ sba ꞌalhaꞌ ꞌuntꞌoh-un, ꞌet ꞌi gha yun kꞌut khusna. ꞋEn ꞌuja skꞌensiꞌ kꞌet sba whutlꞌaꞌ dudilti.

1 Thessalonians 3:5

ꞋEt huwa si cha ꞌaw ꞌon ꞌun whulh óosyin ꞌaitꞌoh. ꞋEt huwa Timothy, ꞌen nohtsꞌu whesꞌaꞌ whe be ꞌalha ꞌuhoontꞌoh-i ghun dahtꞌoh tsꞌiyawh neba nahootaꞌalh. Doo ka si mbe la neóolhdzih-un, nohni cha tilah nohóolhdzai de, ꞌet de ne-eꞌutꞌen ꞌantsꞌet ꞌutitꞌelh.

Hebrews 12:16

Doo ka si nohtoh whulohne, ꞌuyoonne tsꞌekoo kꞌus dune bulh lubeshi olhchoot whutsꞌu noohtꞌi. Kꞌus Esau kꞌunꞌa Yakꞌusda ooghohdloh. ꞋEn ꞌudechoo whuzdli-un ꞌuntꞌoh ꞌinkꞌez di la oobá yutsꞌu yoozi-i, ꞌi oochꞌeꞌ yataleh, bubá nahuyoosdzi-i didut ootsꞌitikulh-i, ꞌi ꞌuyinla, ꞌilhoh yutiꞌulh-i za kꞌelha yutizꞌai.

Hebrews 4:14

ꞋEt huwa ꞌilhoghun lubret ꞌukꞌenus diztiꞌ-un neba ꞌuntꞌoh. ꞋEn ꞌuja yat nduhoolcho whutoh lhuséya. Jesus Yakꞌusda ooYeꞌ ꞌen ꞌúntꞌoh. ꞋEt huwa neba ꞌalha ꞌuhoontꞌoh-un, tsꞌiyawh dutsꞌo cho tsꞌuhotun.

Hebrews 7:3

Ooloo hooloh ꞌinkꞌez oobá cha hooloh. Mbe édinzut-un cha hooloh. ꞋAw lhuhóolel ꞌinkꞌez ꞌaw dálhitsal. Yakꞌusda ooYeꞌ kꞌunꞌa ꞌulya whe ꞌilhiz wheni lubret unli.

1 John 3:8

ꞋUdechoo whutsꞌun netsudule lubeshi ꞌulhꞌen. Mbe lubeshi ꞌulhꞌen, ꞌen netsudule uniyalh-un ꞌúntꞌoh. Njan ꞌet huwa Yakꞌusda ooYeꞌ ndi yun kꞌut nusúya whe netsudule be ꞌutꞌen musai yoolhtselh ha.

Revelation 2:10

Ndet la whe dzoh nutihzut-un, ꞌawet nilhdukw nohghu whutáltsꞌulh. Whénoolhjut junih! Soo zúlhtsꞌai! ꞋAwet nilhdukw whulohne netsudule ꞌanohtilelh. ꞋEt whe ootálhdzih. ꞋEt whunizyat dzin ꞌet dzoh nutihdeh. ꞋEt yaitahdlah whutsꞌun ꞌet nohba ꞌalha ꞌuhoontꞌoh zaꞌ hótꞌeꞌ. ꞋEt hukwꞌelha ꞌilhiz khutihnalh-un nohghá whuntasꞌalh. ꞋOn ꞌun whuchꞌa oonúlhde, ꞌet cha nohgha whútasꞌalh.