Matthew 4:25 - Yak'usda Ooghuni

²⁵ ꞋInkꞌez Galilee whutꞌenne, Decapolis whutꞌenne, ꞌinkꞌez Jerusalem whutꞌenne, Judea yun kꞌut whutꞌenne cha, ꞌinkꞌez Jordan koh ꞌon yan whéya whutꞌenne cha, tsꞌiyawh ꞌet huldlai kꞌet ꞌaw ꞌuzdooniꞌ ꞌaitꞌoh. ꞋEt ꞌultsukne ꞌilhunaoosdil ꞌenne tsꞌiyawh hiyuntizdil.

Matthew 4:25 Iomraidhean Croise

Matthew 12:15

Jesus hituzilhghelh huwu yahalhduk, tꞌewhunanzin ꞌet bugho whe naja. Lhane ndudáne hiyuntizdil, ꞌenne tsꞌiyawh soo náꞌbalhꞌen.

Matthew 19:2

Lhane dune whuz huyoonizdil, ꞌinkꞌez soo naꞌbalhꞌen.

Matthew 4:15

“Yun kꞌut Zebulun ꞌinkꞌez Naphtali, yatooꞌ kꞌuz wheti Jordon ꞌon ꞌun. Galilee yun kꞌut, ꞌudun yun kꞌut whutꞌenne buchꞌeꞌ.

Matthew 5:1

ꞋIlhunaoosdilne Jesus ꞌubunilhꞌen whe ndo dzulh enun tsꞌe ndo whinya ꞌinkꞌez ꞌet nátlꞌa didaꞌ whe yugha hódulꞌehne hitsꞌoozdil.

Matthew 8:1

Jesus ndus de shus kꞌuz ha naja whe lhane dune yunantisdil,

Mark 5:20

ꞋEt dune whenája ꞌinkꞌez whunizyat-un keyoh ꞌet whutulhuséya Jesus daíyinla whe yula ꞌuja ubúlhni, ꞌinkꞌez tsꞌiyawh buba hooncha.

Mark 6:2

Nahulyis dzin ꞌet Lizwif bulugliz whubodulhꞌeh whe lhane dune ꞌet dilhtsꞌíne hidántsꞌo whe tube buba hooncha ꞌinkꞌez ꞌuhútni, “Ndun dune ntsꞌez de ha hónla whe ꞌutni? Whunih-i be ntsꞌez de ha hónla whe ꞌutni? Ntsꞌenꞌa ꞌutꞌen sdabe huwa ꞌítꞌen teneꞌútꞌen?

Mark 7:31

ꞋEt doo cha Jesus keyoh Tyre huwhútni whunat ꞌutꞌen inleꞌ ꞌinkꞌez Sidon huwhútni ꞌoh whuya lhuséya whe whunizyat-un bukeyoh whutulh lhuséya ꞌinkꞌez Galilee Bun whuz oozya.

Luke 6:17

ꞋEt whududlun-un ndus de yugha hodulꞌehne bubulh hainya ꞌinkꞌez lhtsꞌe oodizꞌa-un nehunindil. Yun kꞌut Judea whutꞌenne, Jerusalem whutꞌenne cha, ꞌinkꞌez yatoo ba keyoh Tyre ꞌinkꞌez Sidon whutꞌenne cha huldlai. Hiyootuzálhtsꞌilh ꞌinkꞌez soo naꞌbutilhꞌelh hukwa ꞌilhuhozdil.

Luke 6:19

Tsꞌiyanne hitꞌa oonalh hukwaꞌ hutꞌen. Ye ulhtus-i ootsꞌu ha idiltsꞌut, ꞌi be tsꞌiyawh budadaꞌ soo naꞌbinla.