Matthew 4:24 - Yak'usda Ooghuni

²⁴ ꞋEt Syria whutꞌenne, tsꞌiyawh hiyulh ꞌúditsꞌo. Mbene la lhelhyoo dada bé undudane, ꞌinkꞌez ꞌon nus bulh ꞌúltsꞌulhne cha, ntsiꞌ-i nudúdeh ooyudindane cha, whusnine cha ꞌinkꞌez ookaootuzukne ꞌinkꞌez delh dusnine cha, tsꞌiyawh Jesus tsꞌu buhoozdla whe soo náꞌbinla.

Matthew 4:24 Iomraidhean Croise

Matthew 12:22

ꞋEt ꞌilhoghun ntsiꞌ-i nududeh ooyudinda-un, hoos̱ꞌen ꞌinkꞌez yaoolhduk cha ꞌaitꞌoh. ꞋEn Jesus tsꞌu huyoolhti whe soo naꞌyinla. Hooꞌen ꞌinkꞌez yawhenilhduk.

Matthew 14:1

ꞋEt ꞌoh whuya whudizulh whe lerwe Herod Jesus yulh ꞌúdantsꞌo,

Matthew 15:22

ꞋIlhoghun tsꞌeke, Canaan whutꞌen-un ꞌuntꞌoh, yughu ninya. Tso bulh yalhduk wheꞌ yulhni, “SMoodihti sgha teꞌninzeh, David ootsꞌuhainzut-un ꞌintꞌoh! Syaz tsꞌekeyaz tube hoontsiꞌ hukwꞌunꞌa ntsiꞌ-i nududeh-i ooyudinda!”

Matthew 17:15

“SMoodihti syeꞌ oogha teꞌninzeh! Ookaootuzuk ꞌinkꞌez tube dzoh nuzut. Lhat tsudúltsꞌuk ꞌinkꞌez taltsꞌuk cha ꞌutꞌi.

Matthew 17:18

Ntsiꞌ-i nududeh-i ooyudinda-i, Jesus khuni ulhtus-i be hukwaꞌ yudániꞌ. ꞋEt whulh hulhgha za yutsꞌu ha nája ꞌinkꞌez tsꞌoodun soo naꞌuja.

Matthew 4:23

Galilee yun kꞌut Jesus ndulcho nuya whe Lizwifne bulugliz ꞌet bubulh yálhduk. Yakꞌuz kꞌuneꞌ whulꞌen-un, ꞌen ghun khuni unzoo-i be bubulh yálhduk. Dune toh mbe la ndudane ꞌinkꞌez ooyustꞌe tétsunne, tsꞌiyanne soo naꞌbulhꞌen.

Matthew 8:28

Nyan hoozki whe ndunne Gergesene ooyun kꞌut, whuz hoozdil. Nane dune highu ninꞌaz. Ntsiꞌ-i nududeh-i buyudinda. Nezi ꞌahule-un, whuz de ha hánꞌaz. Bube whunujut kꞌet ꞌaw dune whuzih noohooyaꞌ ꞌaitꞌoh.

Matthew 8:33

Gugoos ghunline, keyoh tsꞌe whehílghaz. ꞋInkꞌez keyoh whutꞌenne tsꞌiyawh bubodániꞌ dahooja la. Nyoonne nane mbene la ntsiꞌ-i nududeh-i ooyudande inleꞌne, ꞌet dahuja la whunilhchoh bubodániꞌ.

Matthew 8:6

“SMoodihti seꞌustle-un yoh yun sulhti delhdusni. Tube dzoh nuzut.”

Matthew 9:26

Dahooja la, yun kꞌut ndulcho hukwꞌu nahuwhutnuk.

Matthew 9:35

ꞋEt Jesus keyoh whuti ꞌinkꞌez keyoh whuyaz cha whunilhchoh nusiya. Lizwifne bulugliz khuni unzoo-i be yakꞌuz kꞌúneꞌ whulꞌen-un ghun whubodulhꞌeh. ꞋEt dunene mbene la ooyustꞌe ndudane ꞌinkꞌez tetsunne, ꞌenne tsꞌiyawh soo naꞌbulhꞌen.

Mark 1:28

ꞋAhoh Galilee keyoh whuti whunat whutꞌenne Jesus huyulh ꞌúdantsꞌo.

Mark 1:32

Hulhgha sa yó whinꞌai hukwꞌelhꞌaz, ndudáne ꞌinkꞌez mbene la ntsiꞌ-i nudúdeh-i kꞌúneꞌ ꞌutꞌenne cha Jesus ghu bonínla.

Mark 2:3

Yalhduk whe dine dune, ꞌilhoghun dune délhdusni-un Jesus tsꞌun híyoozkai.

Mark 2:4

Whuz dune lhai kꞌet ꞌaw Jesus híyénghun neóodilh ꞌaitꞌoh. ꞋInka ndo bun kꞌihinílhti ꞌinkꞌez ndet la Jesus ꞌuntꞌoh-un, whuz dune délhdusni-un ndus de yukꞌusti-i, ꞌi bulh hukwꞌu huyankai.

Mark 2:9

Ndet ꞌukꞌenus huwa lhúhoolnaꞌ ndun dune délhdusni-un ꞌudutásnelh, ‘Nlubeshi mba nꞌun tisdil,’ kꞌus ‘Dudinyaih ꞌinkꞌez ninya?’

Luke 2:2

ꞋEt ꞌoh daꞌ ꞌoh whuya whudizulh whutoh, ꞌilhoghun dune Cyrenius huyulhni, ꞌen yun kꞌut Syria whumoodih inleꞌ. ꞋEt whudizulh ꞌet whutsꞌun bubooziꞌ ꞌukꞌewhe hininguz.

Luke 4:14

ꞋEt Jesus Ndoni ye ulhtus-i be yun kꞌut Galilee tsꞌe whe naja. ꞋEt Galilee yun kꞌut dilhtsꞌine ndulcho whe huyulh ꞌúdantsꞌo.

Luke 4:38

ꞋEt Jesus Lizwif lugliz dunadija ꞌinkꞌez Simon ooyoh tsꞌe whinya. Simon oobiz dada nulwus-i be nduda. ꞋEt Jesus hidaniꞌ khun tilah yulaꞌ ooneh ha.

Luke 5:15

ꞋEt hoontsꞌi be nawhutnuk-i Jesus Christ ꞌen ghun lhanꞌun te whulh ꞌúhudantsꞌo. ꞋEt whula toh tsꞌe ꞌon nus huldlai whe highudulh, ꞌinkꞌez hiye unduda-i tsꞌiyawh naitilhyih hitsꞌu hukwaꞌ ninzun.

Luke 5:24

ꞋEt tꞌeoonóhzin Yinka Dune Yeꞌ, ꞌen ndi yun kꞌut oobaꞌ hoontꞌoh whe ꞌuntꞌoh lubeshi ꞌun toolhdilh hubaꞌ hoontꞌoh whe ꞌuntꞌoh,” ꞌubulhni. ꞋInkꞌez delhdusni-un, “Dudinyaih, ookwꞌusinti-i ilhchoot, ꞌinkꞌez nyoh tsꞌe naindalh!” yulhni.

Luke 7:17

ꞋEt Judea yun kꞌut ndulcho whe ꞌinkꞌez whunat keyoh ndulcho whe cha, tsꞌiyanne huyulh ꞌúdantsꞌo.

John 10:21

ꞋEt ꞌonghohne cha ꞌuhutni, “ꞋAw ntsiꞌ-i nudúdeh-i ooyudínda-un, ꞌen ooghuni iloh ꞌutni. Ntsꞌenꞌa ntsiꞌ-i nudúdeh-i, ꞌi dune hoos̱ꞌen-un, ꞌen hooꞌen yutilhtselh?”

Acts 10:38

Tꞌenahzun Jesus Nazareth whutꞌen-un, ꞌen daja whe Yakꞌusda Ndoni ꞌinkꞌez ye tsꞌílhtus-i cha yuyudánꞌai ꞌet huwa ndulcho nuya hoonzoo teneꞌútꞌen ꞌinkꞌez netsudule kꞌuneꞌ bulꞌen ꞌenne cha soo naꞌbulhꞌen, Yakꞌusda yulh ꞌuntꞌoh ꞌet huwa.

Acts 15:23

ꞋEnne ndi ookꞌu neꞌúsguz-i butlꞌa há yanꞌai ꞌi ndutni: “Wheni whelꞌaꞌne, dune tso whudilhdzulhne, ꞌinkꞌez ooba ꞌalha ꞌuhoontꞌohne cha Jerusalem uzdilhtsꞌi wheni tsꞌiyawh nohtsꞌo kꞌeꞌtsꞌuges, neulhutsinke, ꞌudun yun kꞌut whuzdline, keyoh Antioch, Syria ꞌinkꞌez Cilicia yun kꞌut dúlhtsꞌine, Hadih nohtsꞌutni.

Acts 15:41

ꞋEt Syria ꞌinkꞌez Cilicia whuyun kꞌut whutulhhúzꞌaz ꞌinkꞌez Jesus Christ gha ꞌilhozdílne ꞌon nus budzi ulhtus ubuhulhtsi.

Acts 28:9

ꞋEt ndúhooja hukwꞌélhꞌaz noo kꞌut whutꞌenne ndudáne tsꞌiyawh whusahándil ꞌinkꞌez ꞌenne cha soo náꞌhuja.

Acts 8:7

ꞋEt whe ntsiꞌ-i nududeh-i buyáhanainanyoot whe ꞌahúldzul. ꞋInkꞌez lhane dune délhdusnine cha ꞌinkꞌez dzoh nudilhne cha ꞌenne soo náꞌbalhꞌen.