Matthew 4:23 - Yak'usda Ooghuni

²³ Galilee yun kꞌut Jesus ndulcho nuya whe Lizwifne bulugliz ꞌet bubulh yálhduk. Yakꞌuz kꞌuneꞌ whulꞌen-un, ꞌen ghun khuni unzoo-i be bubulh yálhduk. Dune toh mbe la ndudane ꞌinkꞌez ooyustꞌe tétsunne, tsꞌiyanne soo naꞌbulhꞌen.

Matthew 4:23 Iomraidhean Croise

Matthew 11:5

Hoos̱ꞌenne cha huhooꞌen nahusdliꞌ. Dzoh nudilhne, nahudilh nahusdliꞌ. Ooka whulhjutne cha leprosy, butsun hooloh nahusdliꞌ, ꞌinkꞌez lheꞌdústsꞌone cha ꞌuhuditsꞌo nasdliꞌ. Yaidlane cha dunahudidil ꞌinkꞌez telꞌenne cha khuni unzoo-i be bubulh yainduk.

Matthew 12:9

ꞋEt hukwꞌelhꞌaz bugho whinya whe ndunne Lizwifne bulugliz ꞌet daninya.

Matthew 13:19

Mbe la yakꞌuz ꞌuhuhoolhdzun-un whulh ꞌúhuditsꞌo ooghuni daja ni whe ꞌutni ꞌaw tꞌehonuszun te, ntsiꞌ-un whusayaih ꞌinkꞌez budzi be ha naídaꞌaih! ꞋI ꞌuntꞌoh ti whuzih ꞌanilya-i, unli.

Matthew 13:54

ꞋInkꞌez dichꞌoh dukeyoh tsꞌe naoosja whe Lizwif bulugliz ꞌet whe whúbondunilhꞌeꞌ. Tsꞌiyanne buba hooncha ꞌinkꞌez ꞌet ꞌulhodutni, “Ndun dune ntsꞌez de ha hónꞌai ndi khuni whunih-i be yalhduk? ꞋInkꞌez hooncha tuneꞌ ꞌutꞌen cha ꞌutꞌen?

Matthew 14:14

Jesus tsꞌi bé hainya whe dune huldlai kꞌet ꞌaw ꞌuzdooniꞌ ꞌaitꞌoh, ꞌenne butilhꞌen. Bugha téꞌninzin ꞌinkꞌez ndudane cha tsꞌiyawh soo naꞌbinla.

Matthew 24:14

ꞋEt yakꞌuz kꞌuneꞌ whulꞌen-un ghun khuni unzoo-i yun kꞌut ndulcho whe be yatiduk. ꞋI be ndi yun kꞌut whutꞌenne, buba whubuntilhtun tileh. ꞋEt de ꞌawet whula toh whusaóotiltsꞌulh.”

Matthew 3:2

ꞋEt ꞌubulhni, “Noheni náhandunoohleh. Yakꞌuz kꞌuneꞌ whulꞌen-un nohtoh ꞌutitꞌelh-un, ꞌawet nilhdukw.”

Matthew 9:35

ꞋEt Jesus keyoh whuti ꞌinkꞌez keyoh whuyaz cha whunilhchoh nusiya. Lizwifne bulugliz khuni unzoo-i be yakꞌuz kꞌúneꞌ whulꞌen-un ghun whubodulhꞌeh. ꞋEt dunene mbene la ooyustꞌe ndudane ꞌinkꞌez tetsunne, ꞌenne tsꞌiyawh soo naꞌbulhꞌen.

Mark 1:14

ꞋEt John dune too be ꞌulhꞌen-un, ꞌahúyanꞌai hukwꞌelhꞌaz, Jesus Galilee tsꞌe oozya ꞌinkꞌez bubulh yálhduk Yakꞌusda ookꞌúneꞌ whutꞌen-un, ooghuni ghun.

Mark 1:21

Keyoh Capernaum huwhútni-un whuz hoozdil. ꞋOm bun dzin Lizwif nahulyis dzin, ꞌet Jesus Lizwif bulugliz bughu danínya ꞌinkꞌez whe whúbondunilhꞌeꞌ.

Mark 1:39

Galilee ndulcho nukéhudizde lugliz totsuk bubulh yálhduk ꞌinkꞌez ntsiꞌ-i nudúdeh-i dune ye ha nábunuyukw.

Mark 3:10

Lhane ndudáne soo naꞌbinla ꞌinkꞌez ꞌuyoonne cha hitꞌa óonalh hukwaꞌ hutꞌen,

Mark 6:2

Nahulyis dzin ꞌet Lizwif bulugliz whubodulhꞌeh whe lhane dune ꞌet dilhtsꞌíne hidántsꞌo whe tube buba hooncha ꞌinkꞌez ꞌuhútni, “Ndun dune ntsꞌez de ha hónla whe ꞌutni? Whunih-i be ntsꞌez de ha hónla whe ꞌutni? Ntsꞌenꞌa ꞌutꞌen sdabe huwa ꞌítꞌen teneꞌútꞌen?

Mark 6:6

ꞋEt ꞌaw be ꞌalha ꞌuhoontꞌoh-i lhahuyítꞌih, ꞌet Jesus ooba hooncha. ꞋInkꞌez whunat keyoh ꞌoh nuya ꞌinkꞌez dune hubodulhꞌeh.

Luke 10:9

ꞋEt mbe la ꞌet yoh ndudane cha soo naꞌboohle ꞌinkꞌez ꞌubudóhniꞌ, ‘Yakꞌusda lerwe unli-un, ꞌawet nohenghoh ꞌuhoontꞌoh.’

Luke 13:10

ꞋEt dzin natsꞌulyis-un ꞌet ꞌilhoghun Lizwifne lugliz ꞌet whubodulhꞌeh.

Luke 16:16

Moses be ꞌudustlꞌus cha ꞌinkꞌez nus hooꞌenne bubeꞌ ꞌudustlꞌus cha ndet whutsꞌun la John dune too be ꞌulhꞌen-un khuna daꞌ, ꞌet whutsꞌun dune hikꞌuneꞌ ootꞌen hubaꞌ hoontꞌoh. ꞋEt whutsꞌun whudutizut Yakꞌusda whe lerwe unli-un, ꞌet huwun khuni unzoo-i dune bulh yahulhduk. ꞋInkꞌez tsꞌiyanne whuz unꞌa húkwaꞌ hutꞌen.

Luke 20:1

ꞋEt ꞌoh daꞌ ꞌet ꞌilhudzin ꞌet ndúhooja. Lugliz whucho Jesus dune hodulhꞌeh whe khuni unzoo-i be bubulh yalhduk whe ꞌudedo lubretne, Moses be ꞌudustlꞌus ꞌukꞌu nunáguzne cha, ꞌalhgoh ꞌutso whudilhdzulhne hikꞌu dugháhinya.

Luke 4:14

ꞋEt Jesus Ndoni ye ulhtus-i be yun kꞌut Galilee tsꞌe whe naja. ꞋEt Galilee yun kꞌut dilhtsꞌine ndulcho whe huyulh ꞌúdantsꞌo.

Luke 5:17

ꞋEt ꞌilhoh dzin dune hodulhꞌeh whe ꞌinkꞌez Phariseene cha ꞌinkꞌez Moses be ꞌudustlꞌus hodulhꞌehne cha, yun kꞌut Galilee, Judea cha, ꞌinkꞌez Jerusalem cha tsꞌiyawh Jesus hiyenghoh dilhtsꞌi. ꞋInkꞌez neMoodihti ye ulhtus-i ndudane soo náꞌtilhꞌelh ha yulh ꞌuntꞌoh.

Luke 6:17

ꞋEt whududlun-un ndus de yugha hodulꞌehne bubulh hainya ꞌinkꞌez lhtsꞌe oodizꞌa-un nehunindil. Yun kꞌut Judea whutꞌenne, Jerusalem whutꞌenne cha, ꞌinkꞌez yatoo ba keyoh Tyre ꞌinkꞌez Sidon whutꞌenne cha huldlai. Hiyootuzálhtsꞌilh ꞌinkꞌez soo naꞌbutilhꞌelh hukwa ꞌilhuhozdil.

Luke 6:6

ꞋEt hukwꞌelhꞌaz ꞌon ꞌat natsꞌulyis dzin Lizwif lugliz daninya ꞌinkꞌez whubodulhꞌeh. ꞋIlhoghun dune ꞌen cha ꞌet usda. Oola nailhni tsꞌe ꞌaw yé nulheꞌustꞌen.

Luke 7:21

ꞋEt ꞌaho mbene la ndudane ꞌinkꞌez ooka hooline cha, ꞌinkꞌez ntsiꞌ-i nududeh-i ooyudindane cha lhane soo naꞌbalhꞌen. Hoos̱ꞌenne cha huhooꞌen-un ꞌubulhtsi.

Luke 7:22

ꞋEt Jesus John yugha hodulꞌehne ꞌubulhni, “John tsꞌu nahtꞌus. Ndet whunilhꞌen-un ꞌinkꞌez whudáhtsꞌo-un dóhniꞌ, hoos̱ꞌenne huhooꞌen huzdliꞌ. Nulhúsdilne húdilhne nahuzdliꞌ. Buka nódutsiꞌ, leprosy be butsun hooloh huzdliꞌ. Lheꞌdustsꞌone cha ꞌahuditsꞌo huszdliꞌ. Yaidlane cha dunahudidil. Telꞌenne cha khuni unzoo-i be bubulh yaínduk.

Luke 8:1

ꞋEt hukwꞌelhꞌaz Jesus kedutizut keyoh whucho ꞌinkꞌez keyoh whuyaz totsuk, Yakꞌusda lerwe unli, ꞌet huwun khuni unzoo-i be yalhduk. ꞋEt whunizyat ꞌon ꞌat nane cha huyulh ꞌutꞌen.

Luke 9:11

ꞋEt hoontsꞌi ꞌilhozdilne nahoohoonꞌai whe huyuntizdil. ꞋEt Jesus hoontꞌiꞌ whe highu nindil ꞌinkꞌez Yakꞌusda lerwe unli hukwꞌunꞌa huwun bubulh yalhduk. ꞋInkꞌez mbene la soo naꞌtitnelh hukwaꞌ ninzunne, ꞌenne cha tsꞌiyawh soo náꞌbalhꞌen.

Luke 9:60

ꞋEt Jesus ꞌuyulhni, “Dudulh yaidlane didutchꞌoh ꞌanalhuhoolyelh. ꞋEt hoontsꞌi nyun nónyaꞌ ꞌinkꞌez Yakꞌusda lerwe unli-un ꞌet huwun budóniꞌ.”

John 18:20

ꞋEt Jesus uyúlhni, “Soo tsꞌet gaih ꞌet ndi yun kꞌut whuduneꞌne bubulh yásduk. ꞋAhoolhyiz wheni lugliz ꞌinkꞌez lugliz whucho ntsꞌe la Lizwifne ꞌilhúnahodulh-un, ꞌet dune hodusꞌeh. ꞋAw ꞌilhoh whuꞌiz khuni be yalhúsdih.

John 6:59

Jesus njan ꞌet ndutni inleꞌ keyoh Capernaum huwhútni ꞌet lugliz dune hodulꞌeh daꞌ.

John 7:1

Njan hukwꞌelhꞌaz Jesus Galilee yun kꞌut za nusúya. Lizwifne hituzilhghelh hukwaꞌ huninzun ꞌet whuchꞌa ꞌaw Judea yun kꞌut nóyaꞌ hukwa lheꞌnízun.

Acts 10:38

Tꞌenahzun Jesus Nazareth whutꞌen-un, ꞌen daja whe Yakꞌusda Ndoni ꞌinkꞌez ye tsꞌílhtus-i cha yuyudánꞌai ꞌet huwa ndulcho nuya hoonzoo teneꞌútꞌen ꞌinkꞌez netsudule kꞌuneꞌ bulꞌen ꞌenne cha soo naꞌbulhꞌen, Yakꞌusda yulh ꞌuntꞌoh ꞌet huwa.

Acts 18:4

Natsꞌulyis dzin totsuk Lizwif bulugliz ꞌet Paul bubulh yalhduk hukwa ꞌutni. Lizwifne ꞌinkꞌez Greekne tubulh whúbunulhtun hukwa ꞌutni.

Acts 20:25

Soo tsꞌiyawh nohtoh nusúsya Yakꞌusda dune kꞌúneꞌ bulꞌen-un huwun nohbulh yásduk. ꞋEt ꞌawet tꞌéoonúszun ꞌaw doo cha za nasoohtꞌen ꞌaítꞌoh.

Acts 28:31

tsꞌet whucho Yakꞌusda dune kꞌúneꞌ bulꞌen-un, ꞌinkꞌez Jesus Christ neMoodihti ꞌen ghun cha dune hodulhꞌeh. ꞋAw dune whuchꞌa lhinúsyoot whe ndutni.

Romans 10:15

Dune butsꞌó whehalhꞌaꞌ ubudutánelh huba, ꞌet de za hiyulh údutatsꞌo. Njan huwun Yakꞌusda be ꞌudustlꞌus kꞌut ndutni, “Dáwhuldzooꞌ wheꞌ hoontꞌoh dune khuni unzoo-i whuneuntilhtun, ntsꞌenꞌa la nedzi yo whudutághel ꞌinkꞌez Yakꞌusda be ꞌutꞌen unzoo-i tsꞌolhchoot huba.”